史達寧外借加盟阿仙奴一季 成功轉會死線日前離開車路士
根據Fabrizio Romano嘅報導，現年29歲嘅史達寧(Raheem Sterling)將會以外借形式加盟阿仙奴一季，合約當中並無包含買斷條款，球員成功喺轉會死線日前離開車路士，擺脫冇波踢嘅日子。
史達寧係22/23球季以4750萬鎊從曼城轉投車路士，當時被人笑稱「三姓家奴」，畢竟佢先後效力過利物浦、曼城同車路士三支大球會，如今外借阿仙奴更加係球員生涯效力嘅第四間球會。史達寧效力車路士兩季上陣81場，貢獻19個入球同12個助攻，而過去一季喺普捷天奴帶領下，史達寧係球隊嘅常規主力球員，不過喺馬列斯卡帶領下，今季就馬上成為不合乎計劃嘅球員，被禁止參與一隊訓練，並且本來嘅球衣號碼都被奪走轉讓比新加盟嘅柏度尼圖(Pedro Neto)，言下之意，車路士用盡一切辦法逼走史達寧。球員擁有13年英超經驗，加上喺左路嘅盤帶技術絕對有一定嘅功能協助進攻，只係球員嘅薪金未必「符合」車路士管理層嘅計劃，因為史達寧都攞住30萬鎊週薪。
如今外借阿仙奴，球員方面絕對得益，因為將會獲得更多上陣機會時間，阿仙奴方面都會有所得益，特別係曾經同史達寧合作過嘅阿迪達。史達寧喺左路嘅無球走動同盤扭技術係佢個人最大威脅，加盟阿仙奴將會同左翼嘅馬天尼利競爭正選位置，除咗提供競爭壓力驅使球員進步，，亦為球隊喺左翼位置增添深度。同時間史達寧過往喺曼城發揮得最出色嘅球季，譬如係17/18到19/20球季，嗰段時間都有阿迪達喺曼城做助教合作，所以阿迪達對於運用史達寧係有說明書，呢一單交易絕對值得期待。
如果睇到呢度，不妨follow我地嘅instagram同Youtube睇到更多唔同嘅足球資訊！
IG : Footballarena_hk
Facebook: 足球港場
Youtube: 足球港場 - Chung
根據Fabrizio Romano嘅報導，現年29歲嘅史達寧(Raheem Sterling)將會以外借形式加盟阿仙奴一季，合約當中並無包含買斷條款，球員成功喺轉會死線日前離開車路士，擺脫冇波踢嘅日子。
史達寧係22/23球季以4750萬鎊從曼城轉投車路士，當時被人笑稱「三姓家奴」，畢竟佢先後效力過利物浦、曼城同車路士三支大球會，如今外借阿仙奴更加係球員生涯效力嘅第四間球會。史達寧效力車路士兩季上陣81場，貢獻19個入球同12個助攻，而過去一季喺普捷天奴帶領下，史達寧係球隊嘅常規主力球員，不過喺馬列斯卡帶領下，今季就馬上成為不合乎計劃嘅球員，被禁止參與一隊訓練，並且本來嘅球衣號碼都被奪走轉讓比新加盟嘅柏度尼圖(Pedro Neto)，言下之意，車路士用盡一切辦法逼走史達寧。球員擁有13年英超經驗，加上喺左路嘅盤帶技術絕對有一定嘅功能協助進攻，只係球員嘅薪金未必「符合」車路士管理層嘅計劃，因為史達寧都攞住30萬鎊週薪。
如今外借阿仙奴，球員方面絕對得益，因為將會獲得更多上陣機會時間，阿仙奴方面都會有所得益，特別係曾經同史達寧合作過嘅阿迪達。史達寧喺左路嘅無球走動同盤扭技術係佢個人最大威脅，加盟阿仙奴將會同左翼嘅馬天尼利競爭正選位置，除咗提供競爭壓力驅使球員進步，，亦為球隊喺左翼位置增添深度。同時間史達寧過往喺曼城發揮得最出色嘅球季，譬如係17/18到19/20球季，嗰段時間都有阿迪達喺曼城做助教合作，所以阿迪達對於運用史達寧係有說明書，呢一單交易絕對值得期待。
如果睇到呢度，不妨follow我地嘅instagram同Youtube睇到更多唔同嘅足球資訊！
IG : Footballarena_hk
Facebook: 足球港場
Youtube: 足球港場 - Chung
請按此登錄後留言。未成為會員? 立即註冊