利物浦殺入歐聯決賽

足球港場 於 04/05/2022 發表 收藏文章
利物浦殺入歐聯決賽,維拉利爾雖敗猶榮
loading

首回合落後兩球,維拉利爾主場出擊必定要連追兩球先有價講,看似遙不可及,但黃潛上半場就做到了,一開波立即前場逼搶,55波去盡,文尼攞波就盡量剎停,必要時犯規阻止,3分鐘就由艾斯度賓奴左路傳中,卡普爾門前橫傳由迪亞射入⚡️
被攻入一球嘅利物浦同香港球迷一樣未瞓醒,更加打亂賽前部署,左閘羅拔臣被針對唔敢上太多,拿比基達無狀態兼對抗性不足,泰亞高、羅拔臣同雲迪克壓力下經常傳失,泰亞高更加唔啱踢泥漿摔角嘅比賽,繼而黃潛氣勢如虹,中場攞到第一點幾下搓傳就殺到禁區,而且有謝拉特摩蘭奴呢位球商極高嘅球員,經常靠近右路突破,又會回後搏腳再殺上前,為利物浦做成極大麻煩🥵
41分鐘黃潛對角長傳,卡普爾右邊底線前傳中,阿諾走漏高基連頂入,上半場就已經追平比分👀
下半場利物浦換入迪亞斯,文尼推入中路,嘗試用迪亞斯嘅速度突破。然而黃潛上半場chur得太盡,下半場逼搶力度開始減弱,62分鐘更加由法賓奴係右邊禁區施射冷箭,射破大細龍門。5分鐘後阿諾無壓力下右路傳中,利物浦三人突破越位,由迪亞斯頭鎚破門🙌🏻74分鐘把握對方門將魯利心態崩潰出迎失誤射入空龍,3比2反勝對手。
最終維拉利爾下半場體力不繼下兵敗如山倒,2比3落敗予利物浦,總比分2-5由利物浦晉級,殺入歐聯決賽,對手將會係曼城或皇馬🙌🏻
如果睇到呢度,不妨follow我地嘅instagram睇到更多唔同嘅足球資訊!
IG : Footballarena_hk
Facebook: 足球港場
loading

如果喜歡我們的文章,請即分享到︰

留言


請按此登錄後留言。未成為會員? 立即註冊
    快捷鍵:←
    快捷鍵:→