利物浦兩球輕取賓福特 開季兩連勝零失球
英超星期日尾場賽事，利物浦主場對賓福特，新帥上任嘅利物浦今季首次主場出擊，雖然球隊被抨擊今季冇買人補強，但係實力依舊強勁，今日4-2-3-1陣式繼續由沙拿、祖達同迪亞斯打三箭頭。作客嘅賓福特雖然首輪贏波，但係今季危機四伏，先係艾雲東尼未賣出排除喺陣容之外，夏天買入嘅前鋒Thiago Rodrigues傷到12月先會復出，真正補強嘅只有來自今日嘅對手利物浦嘅卡華路(Fabio Carvalho)同雲迪貝治(Sepp van den Berg)。賓福特今日4-4-2陣式兩位新援先列後備，由麥般姆(Bryan Mbeumo)同韋沙(Yoane Wissa)打雙前鋒。
上半場12分鐘利物浦一次反擊，祖達引球推進，迪亞斯交叉走位再接應助攻，左腳勁射入網，為利物浦係上半場領先一比零。目前利物浦唔再好似過往高普執教時期嘅全面逼搶、幾秒之內搶返控球權，而係適時調節逼搶同遮線嘅比例。相反賓福特進攻只係等待反擊機會，再喺前場透過角球或者罰球製造威脅，因此上半場賓福特，雖然有五次起腳但Expected goal只有0.19。
下半場賓福特繼續寄望於角球攻勢，55分鐘曾經令紅軍門將艾利臣打出兩個手錘撲救，及後亦嘗試壓前進攻，不過主隊嘅利物浦同樣撳掣，下半場14次起腳有6次都係射中目標，其中70分鐘前場拼搶之下賓福特後防失位，迪亞斯比斜線到右路嘅沙拿一chip入網，成功擴大比分到二比零，及後賓福特亦無以為繼，因此利物浦主場二比零輕取賓福特，開季兩連勝0失球，下場將會迎戰雙紅會曼聯。
客隊嘅賓福特今日由三中堅轉陣4-4-2，兩層四人防線嘗試壓縮空間，下半場開始壓前就暴露出空間，變相有啲顧此失彼。同樣地進攻只靠反擊，全場90分鐘麥般姆有唔少鏡頭都係單人推進到右路禁區邊就失去控球權，因為無其他球員接應或者喺附近幫波，進攻套路同威脅都有限就反映到0入球嘅賽果。
史洛特執教嘅利物浦感覺上無過往高普時期嘅激情，無左昔日引以為傲嘅全面逼搶，不過球隊學識如何掌管球賽、流放體力，球隊係下半場先開始加快節奏同圍攻禁區，當取得保險球就收手，而且着重全球成功率，今場利物浦全球成功率為92%，係自03/04賽季後嘅新紀錄，如此戰術上嘅微調可以令利物浦應對四條戰線走得更遠。今日前場球員質素分野決定比賽嘅走向，第一個反擊走位簡直係教材級別，而談論到後備球員，雖然紐尼斯依舊帶比球迷歡樂，但另一位進攻球員加普狀態同定位好似更加有火，未來佢或許能夠為球隊進攻貢獻更多入球。
如果睇到呢度，不妨follow我地嘅instagram同Youtube睇到更多唔同嘅足球資訊！
IG : Footballarena_hk
Facebook: 足球港場
Youtube: 足球港場 - Chung
英超星期日尾場賽事，利物浦主場對賓福特，新帥上任嘅利物浦今季首次主場出擊，雖然球隊被抨擊今季冇買人補強，但係實力依舊強勁，今日4-2-3-1陣式繼續由沙拿、祖達同迪亞斯打三箭頭。作客嘅賓福特雖然首輪贏波，但係今季危機四伏，先係艾雲東尼未賣出排除喺陣容之外，夏天買入嘅前鋒Thiago Rodrigues傷到12月先會復出，真正補強嘅只有來自今日嘅對手利物浦嘅卡華路(Fabio Carvalho)同雲迪貝治(Sepp van den Berg)。賓福特今日4-4-2陣式兩位新援先列後備，由麥般姆(Bryan Mbeumo)同韋沙(Yoane Wissa)打雙前鋒。
上半場12分鐘利物浦一次反擊，祖達引球推進，迪亞斯交叉走位再接應助攻，左腳勁射入網，為利物浦係上半場領先一比零。目前利物浦唔再好似過往高普執教時期嘅全面逼搶、幾秒之內搶返控球權，而係適時調節逼搶同遮線嘅比例。相反賓福特進攻只係等待反擊機會，再喺前場透過角球或者罰球製造威脅，因此上半場賓福特，雖然有五次起腳但Expected goal只有0.19。
下半場賓福特繼續寄望於角球攻勢，55分鐘曾經令紅軍門將艾利臣打出兩個手錘撲救，及後亦嘗試壓前進攻，不過主隊嘅利物浦同樣撳掣，下半場14次起腳有6次都係射中目標，其中70分鐘前場拼搶之下賓福特後防失位，迪亞斯比斜線到右路嘅沙拿一chip入網，成功擴大比分到二比零，及後賓福特亦無以為繼，因此利物浦主場二比零輕取賓福特，開季兩連勝0失球，下場將會迎戰雙紅會曼聯。
客隊嘅賓福特今日由三中堅轉陣4-4-2，兩層四人防線嘗試壓縮空間，下半場開始壓前就暴露出空間，變相有啲顧此失彼。同樣地進攻只靠反擊，全場90分鐘麥般姆有唔少鏡頭都係單人推進到右路禁區邊就失去控球權，因為無其他球員接應或者喺附近幫波，進攻套路同威脅都有限就反映到0入球嘅賽果。
史洛特執教嘅利物浦感覺上無過往高普時期嘅激情，無左昔日引以為傲嘅全面逼搶，不過球隊學識如何掌管球賽、流放體力，球隊係下半場先開始加快節奏同圍攻禁區，當取得保險球就收手，而且着重全球成功率，今場利物浦全球成功率為92%，係自03/04賽季後嘅新紀錄，如此戰術上嘅微調可以令利物浦應對四條戰線走得更遠。今日前場球員質素分野決定比賽嘅走向，第一個反擊走位簡直係教材級別，而談論到後備球員，雖然紐尼斯依舊帶比球迷歡樂，但另一位進攻球員加普狀態同定位好似更加有火，未來佢或許能夠為球隊進攻貢獻更多入球。
如果睇到呢度，不妨follow我地嘅instagram同Youtube睇到更多唔同嘅足球資訊！
IG : Footballarena_hk
Facebook: 足球港場
Youtube: 足球港場 - Chung
請按此登錄後留言。未成為會員? 立即註冊