兵工廠搏「鎚」上前四

兵工廠搏「鎚」上前四⚡️
⚒️韋斯咸 對 阿仙奴🔫
韋斯咸方面週中歐霸盃激戰法蘭克福，其中查洛保雲中柱同倒掛中楣實屬無運😫中堅有返蘇馬，前場有返安東尼奧，韋斯咸同上星期聯賽對車路士嘅表現截然不同😳
然而為左搏歐霸盃，椰子必定輪換留力一戰，懷斯、查洛保雲同安東尼奧好大機會後備，中堅蘇馬都未必出，而西咸取態應該同上週一樣縮後防守由耶莫蘭高打反擊，但質量有幾多就難以保證，加上道臣紅牌唔能夠出戰，所以韋斯咸難以保持清白之身😟阿仙奴上一場3比1擊敗曼聯，除左對手失誤導致機會入球，艾蘭尼係中場嘅掃蕩同格列沙卡引球推進再一個精彩遠射，絕對係上場嘅致勝關鍵🙌🏻
而今晚作客倫敦打吡戰，右閘可以起用傷癒復出嘅富安健洋，前鋒若然起用拿卡錫迪或會更好，因為主隊必定縮窄空間打鐵桶陣，有拿卡做支點可能會有幫助，而今晚預計薩卡都會被盯防封佢左腳，所以如果有馬天尼利係右路突破會增添進攻套路😈以體力上同傷兵問題，阿仙奴值得投下信心一票✊🏼
預測賽果💡
阿仙奴勝🔥🔥如果睇到呢度，不妨follow我地嘅instagram睇到更多唔同嘅足球資訊！
IG : Footballarena_hk
Facebook: 足球港場