踢街場總會遇上的五類人

90後眼中的足球 於 02/05/2016 發表 收藏文章
第一類:獨食型
個人認為獨食型都分兩種,好波獨食同唔好波獨食。
好波獨食通常都係腳法秀麗,鍾意上腳扭人,有能力過哂全場嘅人。
唔好獨食嘅只會一味推落死位,無技術,無意識,永遠唔留意身旁嘅隊友。

第二類:浪射型
當有波在腳嘅時候,佢地總係唔會考慮比波隊友,而係有理無理都射一腳先。
完全唔會諗走位嘅隊友,往往都只會射高或者比對手擋到,白白咁浪費控球權。

第三類:粗魯型
無可否認踢足球是有身體接觸,但太離譜嘅真係唔可以忍受。有d對手恃住自己高大強壯,
就成日出手推人,全速撞人同扯衫。其實大家都係踢吓足球啫,都係想開開心心咁享受足
球,可必要整傷對手呢?

第四類:純守龍門型
佢地通常都只會留守係自己嘅領土(大禁區),門楣同門柱就係朋友,一齊阻止足球入網。
佢地緊守自己嘅崗位,但多數腳下功夫就唔多好,開龍門球唔會開得遠。

第五類:長傳型
有時地面組織無效嘅時候,好多人都鍾意利用長傳直接製造攻勢,希望最前嘅隊友可以進急。
但係香港街場面積細,加上斬波果個又大力又唔到位,走死最前嘅隊友,如果無番個有咁上下速度
嘅隊友,長傳攻勢都好難係街場起到作用,最後又係將控球權比番對手,完全無任何威脅。

本人第一次出文,希望大家支持,如有任何意見,歡迎留言討論。

如果喜歡我們的文章,請即分享到︰

留言


請按此登錄後留言。未成為會員? 立即註冊
    快捷鍵:←
    快捷鍵:→