踢街場總會遇上的五類人

第一類：獨食型
個人認為獨食型都分兩種，好波獨食同唔好波獨食。
好波獨食通常都係腳法秀麗，鍾意上腳扭人，有能力過哂全場嘅人。
唔好獨食嘅只會一味推落死位，無技術，無意識，永遠唔留意身旁嘅隊友。

第二類：浪射型
當有波在腳嘅時候，佢地總係唔會考慮比波隊友，而係有理無理都射一腳先。
完全唔會諗走位嘅隊友，往往都只會射高或者比對手擋到，白白咁浪費控球權。
第三類：粗魯型
無可否認踢足球是有身體接觸，但太離譜嘅真係唔可以忍受。有d對手恃住自己高大強壯，
就成日出手推人，全速撞人同扯衫。其實大家都係踢吓足球啫，都係想開開心心咁享受足
球，可必要整傷對手呢？

第四類：純守龍門型
佢地通常都只會留守係自己嘅領土（大禁區），門楣同門柱就係朋友，一齊阻止足球入網。
佢地緊守自己嘅崗位，但多數腳下功夫就唔多好，開龍門球唔會開得遠。
第五類：長傳型
有時地面組織無效嘅時候，好多人都鍾意利用長傳直接製造攻勢，希望最前嘅隊友可以進急。
但係香港街場面積細，加上斬波果個又大力又唔到位，走死最前嘅隊友，如果無番個有咁上下速度
嘅隊友，長傳攻勢都好難係街場起到作用，最後又係將控球權比番對手，完全無任何威脅。

本人第一次出文，希望大家支持，如有任何意見，歡迎留言討論。