死球戰術一直都不斷進化，雖然中心思想都不外乎係迷惑對手、掩藏目標，但點樣附諸實行先係最考功夫，近年其中一個喺國際大賽中睇到令人印象深刻嘅死球戰術，有英格蘭喺歐國盃開角球時，幾個自己友一個捉一個縮喺隊友身後，令對手難以人盯人，個波開嗰吓先突然散開，好容易走甩一個半個造成混亂。呢招面世之後，都有部分聯賽球隊仿傚，不過講到創意，有時反而業餘足球或者學界足球仲勁，因為冇大個包袱嘛。
話說，日本學界足球喺死球戰術方面嘅創意，好多球迷一早就睇過，例如射罰球嗰陣，好似學生排隊咁排成一線，逐個跑過個波，等對手唔知邊個先係真正主罰球員；又或者反人牆極有默契咁同時摀低身，再射返嗰個位，真係精彩到令人佩服。
死球戰術短片：
https://youtu.be/zigOY3OuDkU
https://youtu.be/sx7FzduuD4E
去到最近，日本高中足球又有新招威出國際，呢間名為高川学園嘅學校，喺禁區側邊獲得罰球機會，個波後方球員一左一右準備斬入禁區，呢個時候精彩時刻嚟喇，禁區內5位攻方球員一個捉住一個圍成圓圈，好似氹氹轉咁原地轉圈。老實講5位守方球員嘅應對都唔差，排成一條直線，準備對手散開時一個跟返一個，但試問又點可能跟得足呢？
最終，高川学園開出內彎球，「氹氹轉」散開，大部分走向遠柱，造成混亂，其中一位球員升起頂彈地波入網，真係令人歎為觀止。大家又睇過啲咩創意死球戰術呢？
話說，日本學界足球喺死球戰術方面嘅創意，好多球迷一早就睇過，例如射罰球嗰陣，好似學生排隊咁排成一線，逐個跑過個波，等對手唔知邊個先係真正主罰球員；又或者反人牆極有默契咁同時摀低身，再射返嗰個位，真係精彩到令人佩服。
死球戰術短片：
https://youtu.be/zigOY3OuDkU
https://youtu.be/sx7FzduuD4E
去到最近，日本高中足球又有新招威出國際，呢間名為高川学園嘅學校，喺禁區側邊獲得罰球機會，個波後方球員一左一右準備斬入禁區，呢個時候精彩時刻嚟喇，禁區內5位攻方球員一個捉住一個圍成圓圈，好似氹氹轉咁原地轉圈。老實講5位守方球員嘅應對都唔差，排成一條直線，準備對手散開時一個跟返一個，但試問又點可能跟得足呢？
最終，高川学園開出內彎球，「氹氹轉」散開，大部分走向遠柱，造成混亂，其中一位球員升起頂彈地波入網，真係令人歎為觀止。大家又睇過啲咩創意死球戰術呢？
請按此登錄後留言。未成為會員? 立即註冊