近幾日，喺巴西上演咗一場細哨 vs 羅馬里奧，兩代巴西傳奇球星嘅對決，一個41歲，一個55歲，到底會發生咩事呢？
話說其實好多巴西球星都好擅長玩11人足球以外嘅足球類運動，例如小型球、足排球等等，原因當然係佢哋嘅小技術出眾，玩任何用腳嘅球類運動都如魚得水，其實41歲嘅「細哨」朗拿甸奴間唔中都會玩足排球 (footvolley)，網上有唔少短片可以睇返。呢個源於巴西嘅運動項目，簡單嚟講可以理解為沙灘排球同足球嘅混合體，正式比賽多以2對2形式於沙地上進行，球員可以用足球比賽中任何合法觸球嘅部位，其他規則主要都係同沙灘排球相若，即係將個波喺網嘅上方踢去對手半場，個波喺對手場區落地就可以得分。由於巴西識踢波嘅人實在太多，呢個運動都吸引咗一班足球狂熱分子及前職業足球員參加。
喺12月20日，一項名為Giants Duel - International Footvolley Tournament（多謝Google Translate）嘅比賽喺巴西展開，觸目戲碼係由朗拿甸奴隊大戰羅馬里奧隊。其中，「細哨」賽後於Twitter分享一段短片，「細哨」嘅拍檔落地接下對手發球，「細哨」凌空跳起用後腳再挑高個波，拍檔頭槌將個波頂到對面得分，十分精采。
賽會官方重溫：https://youtu.be/lQl7zXWtDg0
不過「細哨」勁還勁，羅馬里奧亦不愧為前輩，用實而不華嘅表現同隊友合作，成為笑到最後嘅贏家。打到決勝分，個波都未落地，「細哨」已經同隊友喺網底衝過去擁抱羅馬里奧，送上祝賀，仲一齊跳返part森巴舞，名副其實係快樂球王。更難得嘅係羅馬里奧都成55歲，仲要做緊參議員，都仲keep得咁fit，點到你唔服？
難怪而家好多人都懷緬過去，表示巴西球員冇森巴味之類之類。無他，全因生活環境、訓練環境唔同，以前巴西球員好多出身窮困，將啲爛衫爛褲包埋一齊當波周街踢，穿街過巷，現今球員細細個喺青訓學堂學踢波學戰術，冇咁強調個人風格，已成大趨勢，都冇話好定唔好，只係成個運動嘅生態已經唔同咗。
話說其實好多巴西球星都好擅長玩11人足球以外嘅足球類運動，例如小型球、足排球等等，原因當然係佢哋嘅小技術出眾，玩任何用腳嘅球類運動都如魚得水，其實41歲嘅「細哨」朗拿甸奴間唔中都會玩足排球 (footvolley)，網上有唔少短片可以睇返。呢個源於巴西嘅運動項目，簡單嚟講可以理解為沙灘排球同足球嘅混合體，正式比賽多以2對2形式於沙地上進行，球員可以用足球比賽中任何合法觸球嘅部位，其他規則主要都係同沙灘排球相若，即係將個波喺網嘅上方踢去對手半場，個波喺對手場區落地就可以得分。由於巴西識踢波嘅人實在太多，呢個運動都吸引咗一班足球狂熱分子及前職業足球員參加。
喺12月20日，一項名為Giants Duel - International Footvolley Tournament（多謝Google Translate）嘅比賽喺巴西展開，觸目戲碼係由朗拿甸奴隊大戰羅馬里奧隊。其中，「細哨」賽後於Twitter分享一段短片，「細哨」嘅拍檔落地接下對手發球，「細哨」凌空跳起用後腳再挑高個波，拍檔頭槌將個波頂到對面得分，十分精采。
賽會官方重溫：https://youtu.be/lQl7zXWtDg0
不過「細哨」勁還勁，羅馬里奧亦不愧為前輩，用實而不華嘅表現同隊友合作，成為笑到最後嘅贏家。打到決勝分，個波都未落地，「細哨」已經同隊友喺網底衝過去擁抱羅馬里奧，送上祝賀，仲一齊跳返part森巴舞，名副其實係快樂球王。更難得嘅係羅馬里奧都成55歲，仲要做緊參議員，都仲keep得咁fit，點到你唔服？
難怪而家好多人都懷緬過去，表示巴西球員冇森巴味之類之類。無他，全因生活環境、訓練環境唔同，以前巴西球員好多出身窮困，將啲爛衫爛褲包埋一齊當波周街踢，穿街過巷，現今球員細細個喺青訓學堂學踢波學戰術，冇咁強調個人風格，已成大趨勢，都冇話好定唔好，只係成個運動嘅生態已經唔同咗。
請按此登錄後留言。未成為會員? 立即註冊