有啲前職業足球員，因為理財不善，或者家庭壓力，退役後生治拮据，巴西傳奇前鋒朗拿度肯定唔係呢一類人，事關佢已經第二次收購球會，似乎生財有道，亦有長線投資嘅打算同能力。
巴西著名球會高士路昨晚宣布，「外星人」朗拿度透過名下公司購入球會股份，成為大股東及球會主席。根據報道，朗拿度名下公司 Tara Sports ，喺巴西投資銀行 XP，以約7000萬美元注資高士路，購得90％股份成為球會主席。根據較早前報道，高士路會方曾證實收到利物浦母公司Fenway Sports Group嘅報價。最終，似乎被「地頭蟲」朗拿度憑佢喺當地嘅人脈及名氣擊敗。
高士路係巴西其中一支著名球會，截至2019年降班之前，與聖保羅、法林明高及山度士並稱巴西足球史上4支從未降班嘅球隊。不過佢哋自2019年降班後，已連續2年征戰巴乙，上季只係排第14位，來季要繼續爭取升班。事實上，高士路係朗拿度職業生涯第一支效力嘅球隊（不計青年軍），喺1993-1994年間，初出茅蘆嘅朗拿度幾近以一己之力帶領高士路奪得巴西盃及明尼路省聯賽冠軍，繼而獲邀出國加盟荷甲PSV燕豪芬，踏上傳奇之路。高士路現時由著名教練盧森保高（Vanderlei Luxemburgo）執教，朗拿度揚言首要目標係帶領高士路重返巴甲。
另一方面，朗拿度亦於2018年購入西班牙球會華拉度列51％股權，後來逐步增持至82％。朗拿度入主嘅第一季係華拉度列重返西甲嘅第1季，第3季 (2020-21) 以第19位再次降班，現時排西乙第5位。
Source: Reuters
巴西著名球會高士路昨晚宣布，「外星人」朗拿度透過名下公司購入球會股份，成為大股東及球會主席。根據報道，朗拿度名下公司 Tara Sports ，喺巴西投資銀行 XP，以約7000萬美元注資高士路，購得90％股份成為球會主席。根據較早前報道，高士路會方曾證實收到利物浦母公司Fenway Sports Group嘅報價。最終，似乎被「地頭蟲」朗拿度憑佢喺當地嘅人脈及名氣擊敗。
高士路係巴西其中一支著名球會，截至2019年降班之前，與聖保羅、法林明高及山度士並稱巴西足球史上4支從未降班嘅球隊。不過佢哋自2019年降班後，已連續2年征戰巴乙，上季只係排第14位，來季要繼續爭取升班。事實上，高士路係朗拿度職業生涯第一支效力嘅球隊（不計青年軍），喺1993-1994年間，初出茅蘆嘅朗拿度幾近以一己之力帶領高士路奪得巴西盃及明尼路省聯賽冠軍，繼而獲邀出國加盟荷甲PSV燕豪芬，踏上傳奇之路。高士路現時由著名教練盧森保高（Vanderlei Luxemburgo）執教，朗拿度揚言首要目標係帶領高士路重返巴甲。
另一方面，朗拿度亦於2018年購入西班牙球會華拉度列51％股權，後來逐步增持至82％。朗拿度入主嘅第一季係華拉度列重返西甲嘅第1季，第3季 (2020-21) 以第19位再次降班，現時排西乙第5位。
Source: Reuters
請按此登錄後留言。未成為會員? 立即註冊