好多球迷都有一個疑惑，到底點解執教咗阿仙奴22年嘅雲加，離開之後一直冇再出現喺酋長球場或者任何同球會相關嘅場合，相反費格遜就經常喺奧脫福睇波？有人認為係因為雲加離開時係被「請走」，而費格遜就係退休，再加上雲加可能同球會管理層有唔妥，所以自然唔想返嚟。不過另一方面，雲加喺多個場合都表示自己深愛阿仙奴，呢隊波仍然係佢生命中重要一部分，而佢就會以球迷身份默默支持，會唔會雲加自己都唔想插手球會事務，或者俾到繼任人壓力呢？事實上，雲加近年曾經喺接受英國《泰晤士報》訪問時表示，阿仙奴有邀請佢返去睇波，但佢短期內希望完全離開球會，保持一定距離，又話自己未準備好返去酋長球場，但終有一日會返去。
最近，有關雲加嘅傳記式電影《Arsene Wenger: Invincible》舉行首映禮，主人翁雲加同一大班球壇嘉賓出席，其中雲加多年嚟嘅弟子包括伊恩胡禮、施文、伊度、法比加斯、阿迪達等都有出席，而伊度及阿迪達嘅出現，亦係阿仙奴重要人士近年罕有地同雲加於公開場合上交流。現任主帥阿迪達接受訪問時透露，球員生涯晚期效力雲加執教嘅阿仙奴，係佢成為教練嘅原因之一，佢一直敬佩雲加，同埋喺佢身上學習。阿迪達亦公開表示，佢明白雲加執教阿仙奴超過20年，離開需要適應，所以暫時希望抽身保持距離，但佢同球會上下都覺得佢返嚟球會支持的話，意義非凡。
原來阿迪達上任之後，發現球會內部環境同過去環境有所出入，佢認為球會傳統正在流失，所以專誠要求喺訓練基地走廊牆上印上雲加揮手嘅肖像同埋金句，強調球會傳統，而佢事後發現好多球員行過時會拍一拍「雲加」隻手同佢擊掌，成為一個球員激勵自己嘅儀式。阿迪達認為球員，包括青訓學徒，見到呢啲同球會傳統相關嘅嘢，都會受到啟發及鼓勵，然後做到最好。
除咗喺訓練基地加添「雲加」成份，同埋公開「賣口乖」話球會上下都想多啲見到雲加之外，近日阿迪達接受訪問時透露，球會正邀請雲加回歸擔任某啲職位。
阿迪達稱：「我哋睇戲（《Arsene Wenger: Invincible》）嗰日，我同佢傾過偈，可以見到佢同埋同佢傾偈真係好開心。一切如願的話，我哋可以請到佢返嚟，因為我相信只要佢睇到佢喺呢個地方創造嘅環境就會好開心，亦都因為球會每個人都對佢為球會所做嘅一切充滿尊敬、敬佩同埋愛。」
不過當被問到雲加將會扮演咩角色時，阿迪達就不願透露：「我而家唔可以講，但我可以講嘅係我希望佢可以離我更近，因為我認為佢會幫到我好多，佢亦都會幫到球會好多。呢啲決定需要時間，我認為佢需要考慮合適嘅時機。我只可以講，喺我自己同埋（阿仙奴內）所有人嘅角度嚟講，我哋都希望佢可以返嚟。」
最近，有關雲加嘅傳記式電影《Arsene Wenger: Invincible》舉行首映禮，主人翁雲加同一大班球壇嘉賓出席，其中雲加多年嚟嘅弟子包括伊恩胡禮、施文、伊度、法比加斯、阿迪達等都有出席，而伊度及阿迪達嘅出現，亦係阿仙奴重要人士近年罕有地同雲加於公開場合上交流。現任主帥阿迪達接受訪問時透露，球員生涯晚期效力雲加執教嘅阿仙奴，係佢成為教練嘅原因之一，佢一直敬佩雲加，同埋喺佢身上學習。阿迪達亦公開表示，佢明白雲加執教阿仙奴超過20年，離開需要適應，所以暫時希望抽身保持距離，但佢同球會上下都覺得佢返嚟球會支持的話，意義非凡。
原來阿迪達上任之後，發現球會內部環境同過去環境有所出入，佢認為球會傳統正在流失，所以專誠要求喺訓練基地走廊牆上印上雲加揮手嘅肖像同埋金句，強調球會傳統，而佢事後發現好多球員行過時會拍一拍「雲加」隻手同佢擊掌，成為一個球員激勵自己嘅儀式。阿迪達認為球員，包括青訓學徒，見到呢啲同球會傳統相關嘅嘢，都會受到啟發及鼓勵，然後做到最好。
除咗喺訓練基地加添「雲加」成份，同埋公開「賣口乖」話球會上下都想多啲見到雲加之外，近日阿迪達接受訪問時透露，球會正邀請雲加回歸擔任某啲職位。
阿迪達稱：「我哋睇戲（《Arsene Wenger: Invincible》）嗰日，我同佢傾過偈，可以見到佢同埋同佢傾偈真係好開心。一切如願的話，我哋可以請到佢返嚟，因為我相信只要佢睇到佢喺呢個地方創造嘅環境就會好開心，亦都因為球會每個人都對佢為球會所做嘅一切充滿尊敬、敬佩同埋愛。」
不過當被問到雲加將會扮演咩角色時，阿迪達就不願透露：「我而家唔可以講，但我可以講嘅係我希望佢可以離我更近，因為我認為佢會幫到我好多，佢亦都會幫到球會好多。呢啲決定需要時間，我認為佢需要考慮合適嘅時機。我只可以講，喺我自己同埋（阿仙奴內）所有人嘅角度嚟講，我哋都希望佢可以返嚟。」
請按此登錄後留言。未成為會員? 立即註冊