女子運動項目中，間中都會發生性別爭議，即係有人認為某位成績好嘅運動員外型太似男性，懷疑佢係男扮女，會對參賽嘅女運動員構成不公。不過另一方面，男人嘅外表似女人，女人嘅外表似男人，其實都不足為奇，如果單憑外表就去判斷，甚至恥笑一位運動員，同樣對該名運動員唔公平。事實上，如何界定性別， 亦都唔係大家想像中咁簡單，所以現時好多女子體育賽事都係採用檢驗荷爾蒙嘅方式，只要女性荷爾蒙水平符合標準，就可以參賽，不過唔一定每位運動員都經過主辦單位檢查，可能係以抽查方式進行。
但又咁講，如果一個人以男兒身發育去到20歲，再狂打女性荷爾蒙，keep住保持喺標準之內，醫學上係可以做到，同時佢嘅身體質素會接近男性，咁又會唔會對其他女性體格嘅運動員唔公平呢？江湖傳聞，某啲專制國家係會安排運動員咁樣做，屈到好成績，又可以拎嚟提升民族自豪感。今次呢單又咩事呢？其實都係各執一詞……
但又咁講，如果一個人以男兒身發育去到20歲，再狂打女性荷爾蒙，keep住保持喺標準之內，醫學上係可以做到，同時佢嘅身體質素會接近男性，咁又會唔會對其他女性體格嘅運動員唔公平呢？江湖傳聞，某啲專制國家係會安排運動員咁樣做，屈到好成績，又可以拎嚟提升民族自豪感。今次呢單又咩事呢？其實都係各執一詞……
請按此登錄後留言。未成為會員? 立即註冊