作為足球教練，自然見盡球員嘅生涯起起跌跌，球員人各有志，亦各有制遇，每季都有新球員加入，有球員離隊，領隊大概都已經睇化，所謂緣聚緣散。不過，如果問到領隊心中有冇始終記掛嘅球員，答案可能係出乎意料，就好似費格遜曾經話執教生涯最遺憾係嘅天才球員摩利臣（Ravel Morrison）未能成才，可能錯過嘅嘢先係最深刻。
高普執教利物浦幾季以嚟，麾下猛將如雲，有睇開利物浦嘅可能會覺得佢對某啲球員有一種莫名嘅執著，只要情況許可，都會不斷給予機會。其中一位，相信球迷都同意佢具有一定實力，但奈何傷病太多，未能夠喺利記建功立業，始終只能夠成為一個球迷心目中一個遺憾，佢就係拉蘭拿（Adam Lallana）。原來對於高普嚟講，拉蘭拿亦都係佢心目中一個遺憾。
拉蘭拿2014年由修咸頓加盟利物浦，當時係執教嘅係羅渣士。一年之後，上任嘅高普同樣俾拉蘭拿所吸引，對佢相當信任。不過，拉蘭拿經常遇上大小傷患，再難於隊中爭奪主力位置，最終於2020年轉投白禮頓。
高普近日接受訪問時，就坦言相當掛念拉蘭拿：
「唔單只係一開始嗰陣，直到最後都一樣，老實講，我仲好掛住拉蘭拿。
拉蘭拿嘅表現為其他人設下標準，由第一日去到最後一日，令人相當深刻。
我最愛佢嘅一樣嘢係一個有咁嘅技術嘅球員，同時仲有咁好嘅態度，真係相當罕見。
我諗我哋大家都同意，如果少一啲傷患，佢會去到另一個層次。
佢係我合作過最強嘅球員之一，佢亦都係一個好好嘅人。
所以，我好期待再見到佢。」
利物浦今周聯賽與白禮頓碰頭，33歲嘅拉蘭拿或會為客軍倒戈上陣。
https://youtu.be/29f1hWCcS-o(拉蘭拿精彩片段)
高普執教利物浦幾季以嚟，麾下猛將如雲，有睇開利物浦嘅可能會覺得佢對某啲球員有一種莫名嘅執著，只要情況許可，都會不斷給予機會。其中一位，相信球迷都同意佢具有一定實力，但奈何傷病太多，未能夠喺利記建功立業，始終只能夠成為一個球迷心目中一個遺憾，佢就係拉蘭拿（Adam Lallana）。原來對於高普嚟講，拉蘭拿亦都係佢心目中一個遺憾。
拉蘭拿2014年由修咸頓加盟利物浦，當時係執教嘅係羅渣士。一年之後，上任嘅高普同樣俾拉蘭拿所吸引，對佢相當信任。不過，拉蘭拿經常遇上大小傷患，再難於隊中爭奪主力位置，最終於2020年轉投白禮頓。
高普近日接受訪問時，就坦言相當掛念拉蘭拿：
「唔單只係一開始嗰陣，直到最後都一樣，老實講，我仲好掛住拉蘭拿。
拉蘭拿嘅表現為其他人設下標準，由第一日去到最後一日，令人相當深刻。
我最愛佢嘅一樣嘢係一個有咁嘅技術嘅球員，同時仲有咁好嘅態度，真係相當罕見。
我諗我哋大家都同意，如果少一啲傷患，佢會去到另一個層次。
佢係我合作過最強嘅球員之一，佢亦都係一個好好嘅人。
所以，我好期待再見到佢。」
利物浦今周聯賽與白禮頓碰頭，33歲嘅拉蘭拿或會為客軍倒戈上陣。
https://youtu.be/29f1hWCcS-o(拉蘭拿精彩片段)
請按此登錄後留言。未成為會員? 立即註冊