英超球證甸恩（Mike Dean）從來都係爭議人物，一來佢執法嘅比賽中的確不時有爭議判決出現，二來係佢向來動作、表情多多。最近，一班球證圍內踢咗一場足球比賽，真係落場踢波，呢班球證又會踢成點呢？
老實講，一班球證都40幾50歲，就算真係有啲波底，都係接近「元老賽」嘅節奏，而且佢哋唔係職業球員，所以都可以預期，大約好似街場阿叔咁上下。不過估唔到甸恩嘅門前觸覺都唔錯！
根據網上一條短片，球證迪恩尼（Paul Tierney）挑傳入禁區，甸恩無人看管之下，輕鬆射入。球波睇落係射到撻晒Q，但都去到龍門口，求其加一腳都入。但點都好，重點都唔係球波點入。
重點就梗係甸恩嘅慶祝動作啦！佢好興奮咁舉起單手指天，一邊跑一邊揮舞隻手。最搞笑係佢嘅隊友，包括艾堅遜（Martin Atkinson）同安東尼泰萊（Anthony Taylor）等，都有樣學樣一齊做。
呢個動作點解咁經典？件事係源於甸恩一次爭議事件。喺2015年一場英格蘭足總盃，熱刺對阿士東維拉，熱刺中場穆沙丹比利入球，甸恩做出指向中圈示意入球嘅動作，同時表現得相當興奮。
https://www.youtube.com/watch?v=StRVqK7xgw4 （甸恩慶祝事件）
呢件事之後，球迷就話甸恩係熱刺球迷。另一方面，有解釋指甸恩係慶祝自己俾得益俾得靚。事實上，網上亦都有其他片段係佢俾完得益之後攻方斷纜，佢即刻表現得好失望。
無論咩原因都好，球證喺比賽中有太多表達個人感受，的確唔係咁恰當。不過，根據咁多年嚟嘅訪問，甸恩嘅性格就係咁，而且佢似乎唔在意其他人嘅批評。好似今次踢友誼波拎返呢個動作嚟慶祝咁，佢擺明就對當年嘅批評一笑置之，仲拎嚟同其他球證玩，而且擺明知道有人拍片（出片嘅SoccerAM係Sky Sports旗下）都咁樣做，唔知各位球迷睇完呢段咁搞笑嘅川之後，對佢係加分定扣分呢？
（甸恩為人相當鬼馬，佢試過扮收埋個波唔俾射入三球嘅阿古路拎走）
https://youtu.be/SWbAEQ7s9uk （事實上，甸恩係燦美爾球迷）
https://youtu.be/a4Xz2mPAgoE（甸恩精華片段）
老實講，一班球證都40幾50歲，就算真係有啲波底，都係接近「元老賽」嘅節奏，而且佢哋唔係職業球員，所以都可以預期，大約好似街場阿叔咁上下。不過估唔到甸恩嘅門前觸覺都唔錯！
根據網上一條短片，球證迪恩尼（Paul Tierney）挑傳入禁區，甸恩無人看管之下，輕鬆射入。球波睇落係射到撻晒Q，但都去到龍門口，求其加一腳都入。但點都好，重點都唔係球波點入。
重點就梗係甸恩嘅慶祝動作啦！佢好興奮咁舉起單手指天，一邊跑一邊揮舞隻手。最搞笑係佢嘅隊友，包括艾堅遜（Martin Atkinson）同安東尼泰萊（Anthony Taylor）等，都有樣學樣一齊做。
呢個動作點解咁經典？件事係源於甸恩一次爭議事件。喺2015年一場英格蘭足總盃，熱刺對阿士東維拉，熱刺中場穆沙丹比利入球，甸恩做出指向中圈示意入球嘅動作，同時表現得相當興奮。
https://www.youtube.com/watch?v=StRVqK7xgw4 （甸恩慶祝事件）
呢件事之後，球迷就話甸恩係熱刺球迷。另一方面，有解釋指甸恩係慶祝自己俾得益俾得靚。事實上，網上亦都有其他片段係佢俾完得益之後攻方斷纜，佢即刻表現得好失望。
無論咩原因都好，球證喺比賽中有太多表達個人感受，的確唔係咁恰當。不過，根據咁多年嚟嘅訪問，甸恩嘅性格就係咁，而且佢似乎唔在意其他人嘅批評。好似今次踢友誼波拎返呢個動作嚟慶祝咁，佢擺明就對當年嘅批評一笑置之，仲拎嚟同其他球證玩，而且擺明知道有人拍片（出片嘅SoccerAM係Sky Sports旗下）都咁樣做，唔知各位球迷睇完呢段咁搞笑嘅川之後，對佢係加分定扣分呢？
（甸恩為人相當鬼馬，佢試過扮收埋個波唔俾射入三球嘅阿古路拎走）
https://youtu.be/SWbAEQ7s9uk （事實上，甸恩係燦美爾球迷）
https://youtu.be/a4Xz2mPAgoE（甸恩精華片段）
請按此登錄後留言。未成為會員? 立即註冊