老實講，幾乎每一個教練領隊、球員、球迷都總會試過覺得球證對自己隊波唔公平。英超一對冤家曼聯同利物浦，佢哋嘅領隊蘇斯克查同高普，喺開季嗰陣就試過不約而同炮轟球證執法尺度寬鬆，變相鼓勵對手粗野當攔截，似乎只有喺抱怨球證嘅時候，佢哋先可以同聲同氣。最近，同樣因為球證執法問題，佢哋又返到對立面。
曼聯最近喺聯賽面對韋斯咸，紅魔靠住連加特喺89分鐘反超，加上95分鐘盧保12碼宴客，作客以2-1取勝，過程相當驚險，蘇斯克查就認為，曼聯本應獲得兩個12碼而球證艾堅遜未有判罰。
蘇斯克查喺周末賽前記者會中提到，佢認為曼聯今季多次未有得到12碼判罰，係因為有其他領隊公開投訴曼聯過去獲得優待，呢一點佢顯然唔會同意。
「我哋只係想拎到我哋應得嘅嘢。
近兩場比賽，我哋本應獲得3個12碼。不過自從上季某位領隊不滿我哋獲得12碼之後，似乎我哋變得更難得到12碼。
喺呢樣嘢之後，我覺得好大分別。不過我哋只能夠交俾球證去決定，希望佢哋好快會做返正確嘅決定。」
原來蘇斯克查口中嘅「某位領隊」，就係利物浦主帥高普。喺今年1月，高普表示：「曼聯過去兩年獲得嘅12碼，比我過去5年半嘅仲要多。」曼聯喺上一季合共取得11個12碼，係英超第2多，而第1位係李斯特城。
的而且確，如果犯規真係出現而判罰12碼，冇理由怪罪獲得12碼嘅一隊勝之不武。另一方面，英超球證執法尺度不一及難以捉摸，已經係人所共知，喺現今VAR年代之下更加係表露無遺、責無旁貸，呢個問題相信每一隊都曾經受害，各隊應該將矛頭直指問題根源。
Source: Sky Sports
曼聯最近喺聯賽面對韋斯咸，紅魔靠住連加特喺89分鐘反超，加上95分鐘盧保12碼宴客，作客以2-1取勝，過程相當驚險，蘇斯克查就認為，曼聯本應獲得兩個12碼而球證艾堅遜未有判罰。
蘇斯克查喺周末賽前記者會中提到，佢認為曼聯今季多次未有得到12碼判罰，係因為有其他領隊公開投訴曼聯過去獲得優待，呢一點佢顯然唔會同意。
「我哋只係想拎到我哋應得嘅嘢。
近兩場比賽，我哋本應獲得3個12碼。不過自從上季某位領隊不滿我哋獲得12碼之後，似乎我哋變得更難得到12碼。
喺呢樣嘢之後，我覺得好大分別。不過我哋只能夠交俾球證去決定，希望佢哋好快會做返正確嘅決定。」
原來蘇斯克查口中嘅「某位領隊」，就係利物浦主帥高普。喺今年1月，高普表示：「曼聯過去兩年獲得嘅12碼，比我過去5年半嘅仲要多。」曼聯喺上一季合共取得11個12碼，係英超第2多，而第1位係李斯特城。
的而且確，如果犯規真係出現而判罰12碼，冇理由怪罪獲得12碼嘅一隊勝之不武。另一方面，英超球證執法尺度不一及難以捉摸，已經係人所共知，喺現今VAR年代之下更加係表露無遺、責無旁貸，呢個問題相信每一隊都曾經受害，各隊應該將矛頭直指問題根源。
Source: Sky Sports
請按此登錄後留言。未成為會員? 立即註冊