各大國際品牌最近成為中國14億人民公敵，全因佢哋被指喺去年發聲明澄清絕對冇使用新疆棉花，其中包括H&M、Nike、Adidas等品牌，多名中國藝人表明唔會再同呢啲牌子合作。中國足壇遇上呢件事，可以話係本身千瘡百孔再冇啦啦整撻瘌，事關最近中超中甲已經頗多改名、散班、借殼等等事件，已經七國咁亂，今次又要跟大隊杯葛Nike、Adidas，著咩衫踢波呢？點賠錢俾人呢？Sponsor點算呢？
唔使驚，足球強國自然有辦法！唔知大家知唔知，中國入面有一個好多人buy嘅講法去解釋點解要封網，就係話外國網站太自由，好多假消息同不良訊息，覺得封咗佢係為中國人民好喎！而家中超球隊點樣面對要杯葛國際體育品牌嘅風波？好簡單，就係改圖用嚟貼社交媒體！
網民及公眾人物都紛紛喺網上表態「支持新疆綿」、「譴責抹黑」、罷買等等，正準備新球季嘅中超球隊唔少都係由Nike贊助，咁佢哋又點算？如果照po練波相咪俾會「傷害14億人民感情」？職業足球員靠對腳搵食，點可以「搬起石頭砸自己的腳」先？但如果著其他衫又可能會被人告違約（雖然都未驚過啦，要對中國法治有信心嘛，正如Joran brand呢啲邪魔外道都唔會告得贏喬丹牌），咁唔通集體裸跑？唔知邊個天才諗到，照著nike衫練波，但po相嗰陣P走個Nike logo，搞掂！除咗上海申花之外，仲有幾間球會齊齊效法。
根據中國網上一篇題為《新疆棉事件，中国足球坚决说不！》嘅文章，文中指出Nike一直壟斷中國足壇裝備贊助市場，喺多年前趁中國足球低谷時以低價與中國足協及多間球會簽下長約，例如於2009年與中超公司簽約10年再於2018年再續10年，而中國隊就於2015年簽約12年，涉及10億元人民幣。發表文章嘅《足球報》表示，要求雖然Nike與中國足協長期合作，但現時涉及「国家尊严民族团结大局」嘅大事大非，「就没有任何迂回的余地」，要求中國足協發聲表態終止合作，又認為「申花俱乐部用实际行动对耐克的错误行径进行直接回应……与此同时，中国的本土足球品牌也迅速站了出来。比如，总部在广州的民族品牌UCAN锐克，迅速推出了专门为中超各俱乐部及中国国家队设计的球衣样式。此刻之举，振奋人心。」
喂大佬，咁都得？你有冇尊重過中國人呀？P一P幅圖就當有份維護民族大義？其實講到尾，又係怕肉酸怕賠錢，但係喺「国家尊严民族团结大局」面前，裸跑練下波，或者賠返一百幾十億，真係咁難為你哋？就算集體毀約搞到中國足協同中超全部球會破產，又有咩所謂？定係你哋一個二個「別有用心」呀？
唔使驚，足球強國自然有辦法！唔知大家知唔知，中國入面有一個好多人buy嘅講法去解釋點解要封網，就係話外國網站太自由，好多假消息同不良訊息，覺得封咗佢係為中國人民好喎！而家中超球隊點樣面對要杯葛國際體育品牌嘅風波？好簡單，就係改圖用嚟貼社交媒體！
網民及公眾人物都紛紛喺網上表態「支持新疆綿」、「譴責抹黑」、罷買等等，正準備新球季嘅中超球隊唔少都係由Nike贊助，咁佢哋又點算？如果照po練波相咪俾會「傷害14億人民感情」？職業足球員靠對腳搵食，點可以「搬起石頭砸自己的腳」先？但如果著其他衫又可能會被人告違約（雖然都未驚過啦，要對中國法治有信心嘛，正如Joran brand呢啲邪魔外道都唔會告得贏喬丹牌），咁唔通集體裸跑？唔知邊個天才諗到，照著nike衫練波，但po相嗰陣P走個Nike logo，搞掂！除咗上海申花之外，仲有幾間球會齊齊效法。
根據中國網上一篇題為《新疆棉事件，中国足球坚决说不！》嘅文章，文中指出Nike一直壟斷中國足壇裝備贊助市場，喺多年前趁中國足球低谷時以低價與中國足協及多間球會簽下長約，例如於2009年與中超公司簽約10年再於2018年再續10年，而中國隊就於2015年簽約12年，涉及10億元人民幣。發表文章嘅《足球報》表示，要求雖然Nike與中國足協長期合作，但現時涉及「国家尊严民族团结大局」嘅大事大非，「就没有任何迂回的余地」，要求中國足協發聲表態終止合作，又認為「申花俱乐部用实际行动对耐克的错误行径进行直接回应……与此同时，中国的本土足球品牌也迅速站了出来。比如，总部在广州的民族品牌UCAN锐克，迅速推出了专门为中超各俱乐部及中国国家队设计的球衣样式。此刻之举，振奋人心。」
喂大佬，咁都得？你有冇尊重過中國人呀？P一P幅圖就當有份維護民族大義？其實講到尾，又係怕肉酸怕賠錢，但係喺「国家尊严民族团结大局」面前，裸跑練下波，或者賠返一百幾十億，真係咁難為你哋？就算集體毀約搞到中國足協同中超全部球會破產，又有咩所謂？定係你哋一個二個「別有用心」呀？
請按此登錄後留言。未成為會員? 立即註冊