到底「踢而優則教」係咪多數成功？相信好多球迷都會覺得唔係，偏偏近年好多名宿成為領隊，早一兩年更有「球會DNA」風潮，例如蘇斯克查、林柏特、阿迪達、派路等前球員執掌舊球會，今日睇嚟係譭譽參半。另一方面，成功嘅助教，亦未必保證成為成功嘅主教練，因為身為最終負責人，你需要為自己嘅決定負責，例如出邊個唔出邊個，一定會有球員唔開心，又要面對人事問題、更衣室政治、高層壓力。亨利正正係擔任助教時口碑甚佳，但擔正時就迅速觸礁，最近佢有機會去英國教波，可唔可以經得起考驗呢？
根據The Guardian、The Mirror、TSN等傳媒報道，現時處於英冠嘅般尼茅夫早前解僱主帥天杜爾（Jason Tindall），現正展開新帥招募程序，最新消息傳出阿仙奴名宿亨利即將成為般尼茅夫下任領隊。
「高貝利大帝」亨利退役後擔任比利時國家隊主帥馬天尼斯嘅副手，口碑甚佳，得到馬天尼斯大讚有力成為一名出色主帥。2018年，亨利獲邀出任母會摩納哥主帥，以為擁有「球會DNA」、名宿光環壓場，加上擔任助攻時嘅口碑，應該唔差，點知教咗20場只得4勝5和11負，排第19位，最終半季被炒。
2019年，亨利出任美職聯球隊蒙特利爾衝擊（Montreal Impact）主帥，於美職聯表現麻麻，只係排全聯盟尾三，未能打入季後賽，但取得加拿大錦標賽冠軍，鑒於蒙特利爾規模、往績，亨利並冇提升到球隊亦唔算差咗，即係成績平平。現時蒙特利爾於美職聯23戰8勝2和13負，暫時排東岸第9位、全聯盟第18位，亨利與球會合約於今季結束後完結，視乎球會是否啟動續約條款，相信亦要睇埋今季最終成績，如果繼續停滯不前，甚至倒退，亨利當然唔會獲得續約。
報道稱，除亨利以外，般尼茅夫新帥候選人包括大衛華拿、韋拉及泰利。如亨利上任，將會與前阿仙奴中場韋舒亞合作。現時般尼茅夫由前英格蘭國腳中堅活基治暫領，近三戰保持不敗，暫時排英冠第6位，但球會堅持喺外面尋找新主帥，希望繼續衝擊升班。
同場加映新鮮滾熱辣，雲加被問到亨利及韋拉執教般尼茅夫傳聞：
根據The Guardian、The Mirror、TSN等傳媒報道，現時處於英冠嘅般尼茅夫早前解僱主帥天杜爾（Jason Tindall），現正展開新帥招募程序，最新消息傳出阿仙奴名宿亨利即將成為般尼茅夫下任領隊。
「高貝利大帝」亨利退役後擔任比利時國家隊主帥馬天尼斯嘅副手，口碑甚佳，得到馬天尼斯大讚有力成為一名出色主帥。2018年，亨利獲邀出任母會摩納哥主帥，以為擁有「球會DNA」、名宿光環壓場，加上擔任助攻時嘅口碑，應該唔差，點知教咗20場只得4勝5和11負，排第19位，最終半季被炒。
2019年，亨利出任美職聯球隊蒙特利爾衝擊（Montreal Impact）主帥，於美職聯表現麻麻，只係排全聯盟尾三，未能打入季後賽，但取得加拿大錦標賽冠軍，鑒於蒙特利爾規模、往績，亨利並冇提升到球隊亦唔算差咗，即係成績平平。現時蒙特利爾於美職聯23戰8勝2和13負，暫時排東岸第9位、全聯盟第18位，亨利與球會合約於今季結束後完結，視乎球會是否啟動續約條款，相信亦要睇埋今季最終成績，如果繼續停滯不前，甚至倒退，亨利當然唔會獲得續約。
報道稱，除亨利以外，般尼茅夫新帥候選人包括大衛華拿、韋拉及泰利。如亨利上任，將會與前阿仙奴中場韋舒亞合作。現時般尼茅夫由前英格蘭國腳中堅活基治暫領，近三戰保持不敗，暫時排英冠第6位，但球會堅持喺外面尋找新主帥，希望繼續衝擊升班。
同場加映新鮮滾熱辣，雲加被問到亨利及韋拉執教般尼茅夫傳聞：
請按此登錄後留言。未成為會員? 立即註冊