曼聯主帥蘇斯克查由2018-19球季中途接手至今，喺球迷之間嘅評價好壞參半，回想佢以領隊身份重返曼聯之前，其實佢過去嘅執教經驗同成績其實唔算十分令人有信心，雖然喺挪超表現唔錯，但初次挑戰英超去到卡迪夫城就不歡而散，始終未試過喺英超或主要聯賽證明自己。最近，一個外國傳媒搵返一段2008年蘇斯克查啱啱開始喺曼聯第一次擔任教練工作時嘅訪問，當時一班曼聯球員又點睇佢嘅前景呢？
蘇斯克查職業球員生涯最後11年都係留喺曼聯度過，2007年佢因為嚴重膝傷而決定掛靴，之後就留喺曼聯加入入教練團，期間準備考取教練執照。雖然佢嘅主要職責係預備隊領隊，但亦有機會協助一隊操練。挪威電視台TV2喺2008年就去到訓練場訪問幾位球星，想問蘇斯克查教波教成點呢？
其中一位受訪者就係仲未去皇馬嘅C朗拿度，C朗對於前輩嘅評價相當正面：「佢做得非常好。我唔止將佢當成一位教練，仲將佢當成一個男人咁去學習。佢係一個超級好嘅人，我同佢關係都好好。」
同時在場嘅朗尼就表示睇好蘇斯克查將會成為一位好領隊：「我好肯定佢有一日會做領隊，而且係一個好領隊。」朗尼咁啱喺近日正式掛靴，出任英冠球隊打比郡主帥，唔知佢有冇再向前輩蘇斯克查取經呢？
另一位受訪者，係比蘇斯克查年輕大約5年嘅李奧費迪南，作為老將嘅佢就提供咗最具體嘅評價：「我肯定佢將來會成為一位頂級教練，因為佢不但對球賽有非常好嘅idea，仲好努力！」
到底蘇斯克查嘅前路係唔係一片光明？就要交俾時間證明，同球迷討論喇！有唔少球迷對於蘇斯克查麾下曼聯嘅比賽風格同場面上嘅發揮有所不滿，所以短短兩季已經頻頻叫出「蘇B下台」嘅聲音，不過佢偏偏又往往可以喺一輪低潮之後及時反彈，命不該絕，而現時曼聯喺英超嘅成績又確實唔錯，仲排緊榜首㖭！小弟並非曼聯球迷，以局外人身份去睇，覺得應該都冇乜好投訴啩。
Source: Sportbible
蘇斯克查職業球員生涯最後11年都係留喺曼聯度過，2007年佢因為嚴重膝傷而決定掛靴，之後就留喺曼聯加入入教練團，期間準備考取教練執照。雖然佢嘅主要職責係預備隊領隊，但亦有機會協助一隊操練。挪威電視台TV2喺2008年就去到訓練場訪問幾位球星，想問蘇斯克查教波教成點呢？
其中一位受訪者就係仲未去皇馬嘅C朗拿度，C朗對於前輩嘅評價相當正面：「佢做得非常好。我唔止將佢當成一位教練，仲將佢當成一個男人咁去學習。佢係一個超級好嘅人，我同佢關係都好好。」
同時在場嘅朗尼就表示睇好蘇斯克查將會成為一位好領隊：「我好肯定佢有一日會做領隊，而且係一個好領隊。」朗尼咁啱喺近日正式掛靴，出任英冠球隊打比郡主帥，唔知佢有冇再向前輩蘇斯克查取經呢？
另一位受訪者，係比蘇斯克查年輕大約5年嘅李奧費迪南，作為老將嘅佢就提供咗最具體嘅評價：「我肯定佢將來會成為一位頂級教練，因為佢不但對球賽有非常好嘅idea，仲好努力！」
到底蘇斯克查嘅前路係唔係一片光明？就要交俾時間證明，同球迷討論喇！有唔少球迷對於蘇斯克查麾下曼聯嘅比賽風格同場面上嘅發揮有所不滿，所以短短兩季已經頻頻叫出「蘇B下台」嘅聲音，不過佢偏偏又往往可以喺一輪低潮之後及時反彈，命不該絕，而現時曼聯喺英超嘅成績又確實唔錯，仲排緊榜首㖭！小弟並非曼聯球迷，以局外人身份去睇，覺得應該都冇乜好投訴啩。
Source: Sportbible
請按此登錄後留言。未成為會員? 立即註冊