絕對唔係鼓勵大家參與賭博，但賭波的確係部分球迷十分關注嘅一環 (例如澳職水平本身唔算高，但香港同樣多人認識，原因正正係因為有得賭，兼且時間上比較適合) ，而近幾個月全世界疫情大爆發，令到賽馬會「足智彩」出現賭波合法化以嚟，史無前例首次出現超過一個月空白期 (自3月23日起)，明晚將會係呢一個多月以嚟首次再有波賭，象徵著終於有比較接近「主流」嘅足球聯賽開始運作，絕對係大新聞呢！
疫情大爆發以嚟，世界各地聯賽陸續停戰，其實都有一啲「非主流」聯賽仍然有比賽進行，例如尼加拉瓜、白羅斯等極少數聯賽，而最近亦都有台灣企業甲組聯賽開季，更可於YouTube免費觀看直播，成為部分香港球迷難得嘅娛樂，亦正好認識一下台灣足球。除此之外，大部分水平較高、較知名嘅聯賽都暫停或者延遲開季。
苦等個幾月，東亞其中一個水平較高嘅聯賽——韓職終於開鑼！韓職本來於2月開鑼，但延遲到最近先宣布準備好開季，喺香港時間5月8日18:00將會上演開鑼戰由全北現代汽車 對 水原三星藍翼，兩隊都係耳熟能詳及於韓國極受歡迎嘅球隊，前者今季更加係力爭四連霸，呢個戲碼睇頭十足，而且呢場比賽將會喺韓職官方Twitter及YouTube免費直播，真係值得一睇！另外，星期六日韓職繼續上演第一輪賽事，其中星期日15:30 FC江原 對 FC首爾更加喺電視「大台」85台直播，揀呢場嚟播，戲碼就冇乜誠意喇。
K League揭幕戰直播連結
https://www.youtube.com/watch?v=xRIaHZvjipo
關注歐洲聯賽嘅球迷亦都望穿秋水，《ESPN》報導，德國政府已經正式批准德國各級聯賽閉門復賽，日期最早係5月15日，就有德甲睇！不過當然要知道呢個只係理論上最早日期，因為仍有德甲球會尚未復操，要等待所有德甲球會準備妥當，以及籌備復賽，實際日期仍然有待德國聯賽會公布，估計大約要等到月底。至於五大聯賽外，比較為人熟悉嘅土超，亦與塞爾維亞及克羅地亞等國宣布將於月底重開。
Source: ESPN
疫情大爆發以嚟，世界各地聯賽陸續停戰，其實都有一啲「非主流」聯賽仍然有比賽進行，例如尼加拉瓜、白羅斯等極少數聯賽，而最近亦都有台灣企業甲組聯賽開季，更可於YouTube免費觀看直播，成為部分香港球迷難得嘅娛樂，亦正好認識一下台灣足球。除此之外，大部分水平較高、較知名嘅聯賽都暫停或者延遲開季。
苦等個幾月，東亞其中一個水平較高嘅聯賽——韓職終於開鑼！韓職本來於2月開鑼，但延遲到最近先宣布準備好開季，喺香港時間5月8日18:00將會上演開鑼戰由全北現代汽車 對 水原三星藍翼，兩隊都係耳熟能詳及於韓國極受歡迎嘅球隊，前者今季更加係力爭四連霸，呢個戲碼睇頭十足，而且呢場比賽將會喺韓職官方Twitter及YouTube免費直播，真係值得一睇！另外，星期六日韓職繼續上演第一輪賽事，其中星期日15:30 FC江原 對 FC首爾更加喺電視「大台」85台直播，揀呢場嚟播，戲碼就冇乜誠意喇。
K League揭幕戰直播連結
https://www.youtube.com/watch?v=xRIaHZvjipo
關注歐洲聯賽嘅球迷亦都望穿秋水，《ESPN》報導，德國政府已經正式批准德國各級聯賽閉門復賽，日期最早係5月15日，就有德甲睇！不過當然要知道呢個只係理論上最早日期，因為仍有德甲球會尚未復操，要等待所有德甲球會準備妥當，以及籌備復賽，實際日期仍然有待德國聯賽會公布，估計大約要等到月底。至於五大聯賽外，比較為人熟悉嘅土超，亦與塞爾維亞及克羅地亞等國宣布將於月底重開。
Source: ESPN
請按此登錄後留言。未成為會員? 立即註冊