前意大利國腳奧斯華度 (Dani Osvaldo) 一向都係壞孩子一名，佢撩交打撩交嗌嘅對象，不論對手、隊友，甚至教練都有，一方面效力過羅馬、祖雲達斯、國際米蘭等大球會，又做過國腳，球技都算獲得認可，但職業生涯又從未喺一支球隊效力到第3季。原來奧斯華度為人「敢恨」之餘，亦相當「敢愛」，對於一位前隊友讚不絕口，更稱喺對方身上搵唔到任何缺點，就連私人部位大小都拎出嚟講。
34歲嘅奧斯華度幾年前就已經早早宣布掛靴，但去到今年2020年又忍唔住，復出效力阿根廷球會班菲特 (Banfield) ，佢最近接受訪問時大談舊日隊友。奧斯華度職業生涯15年合共效力過13間不同球會，堪稱球壇浪人，以佢咁多負面新聞嚟講，到底佢係唔係四面樹敵、目中無人？前者唔知道，後者……起碼佢對一個人佩服得五體投地，呢個人正係「羅馬王子」托迪。
2011-13年，奧斯華度效力於意甲球會羅馬，當時佢仍然係20出頭嘅後生仔，身為壞孩子嘅佢，年少輕狂起上嚟當然係好得人驚，佢喺訪問中透露，當年曾經喺羅馬一間酒吧得罪人，幾乎被殺，但慶幸自己識得搵托迪同迪羅斯保護自己，最終成功解決事件。
奧斯華度憶述加盟羅馬時，簡直被托迪震憾一番，驚訝世上竟然有咁完美嘅男人：「我當面同佢講，佢老婆一定有偷食，因為我唔信佢真係完美。
佢真係好靚仔，我唔想講得咁仔細，但佢私人部位都冇問題，佢又係我合作過最強嘅球員，甚至連口氣都冇。佢一定有啲弱點嘅，但原來真係冇，連佢嘅婚姻亦都好美滿。」
話明敢愛敢恨，佢喺訪問中將托迪捧到上天，同時亦將前意大利主帥柏蘭迪利 (Cesare Prandelli) 踩到落地。出生於阿根廷嘅奧斯華度出道不久已經去到意甲打滾，加上擁有意大利血統，令佢得到意大利國家隊徵召，但佢認為柏蘭迪利嘅不公平對待將佢征戰2014世界盃嘅機會葬送。佢認為當時自己喺世界盃外圍賽一度係國家隊首選前鋒，更穿上10號球衣，但柏蘭迪利因為傳媒認為佢係阿根廷人，唔應該代表意大利，所以最終冇將佢列入世界盃大軍名單，甚至將呢個決定通知佢，令佢只係從傳媒得知消息。不過，奧斯華度所聲稱自己喺世界盃外圍賽攻入六、七球，其實並冇發生，根據維基百科資料，佢整個國家隊生涯合共上陣14場射入4球。另外，佢當年曾經因為喺球會嘅紀律問題而落選國家隊，又喺一場世界盃外圍賽中因批踭領紅，結果連2013年洲際國家盃已不獲徵召，意大利有一個「巴神」，仲點容得下奧斯華度呢？
(奧斯華度掛靴後更曾推出大碟做歌手)
Source: football-italia、The Sun、Goal.com
34歲嘅奧斯華度幾年前就已經早早宣布掛靴，但去到今年2020年又忍唔住，復出效力阿根廷球會班菲特 (Banfield) ，佢最近接受訪問時大談舊日隊友。奧斯華度職業生涯15年合共效力過13間不同球會，堪稱球壇浪人，以佢咁多負面新聞嚟講，到底佢係唔係四面樹敵、目中無人？前者唔知道，後者……起碼佢對一個人佩服得五體投地，呢個人正係「羅馬王子」托迪。
2011-13年，奧斯華度效力於意甲球會羅馬，當時佢仍然係20出頭嘅後生仔，身為壞孩子嘅佢，年少輕狂起上嚟當然係好得人驚，佢喺訪問中透露，當年曾經喺羅馬一間酒吧得罪人，幾乎被殺，但慶幸自己識得搵托迪同迪羅斯保護自己，最終成功解決事件。
奧斯華度憶述加盟羅馬時，簡直被托迪震憾一番，驚訝世上竟然有咁完美嘅男人：「我當面同佢講，佢老婆一定有偷食，因為我唔信佢真係完美。
佢真係好靚仔，我唔想講得咁仔細，但佢私人部位都冇問題，佢又係我合作過最強嘅球員，甚至連口氣都冇。佢一定有啲弱點嘅，但原來真係冇，連佢嘅婚姻亦都好美滿。」
話明敢愛敢恨，佢喺訪問中將托迪捧到上天，同時亦將前意大利主帥柏蘭迪利 (Cesare Prandelli) 踩到落地。出生於阿根廷嘅奧斯華度出道不久已經去到意甲打滾，加上擁有意大利血統，令佢得到意大利國家隊徵召，但佢認為柏蘭迪利嘅不公平對待將佢征戰2014世界盃嘅機會葬送。佢認為當時自己喺世界盃外圍賽一度係國家隊首選前鋒，更穿上10號球衣，但柏蘭迪利因為傳媒認為佢係阿根廷人，唔應該代表意大利，所以最終冇將佢列入世界盃大軍名單，甚至將呢個決定通知佢，令佢只係從傳媒得知消息。不過，奧斯華度所聲稱自己喺世界盃外圍賽攻入六、七球，其實並冇發生，根據維基百科資料，佢整個國家隊生涯合共上陣14場射入4球。另外，佢當年曾經因為喺球會嘅紀律問題而落選國家隊，又喺一場世界盃外圍賽中因批踭領紅，結果連2013年洲際國家盃已不獲徵召，意大利有一個「巴神」，仲點容得下奧斯華度呢？
(奧斯華度掛靴後更曾推出大碟做歌手)
Source: football-italia、The Sun、Goal.com
請按此登錄後留言。未成為會員? 立即註冊