目前全球疫情持續，各國經濟大受影響，百業蕭條，連足球都唔例外，即使英超豪門亦因為聯賽暫停而收益大減，影響到職球員生計。一個英超職業球員，周薪達到數萬以至數十萬英鎊，即使球會延遲出糧，估計佢哋尚且未至於生活拮据 (如果十幾廿萬鎊周薪都可以下下清袋就真係奇葩) ，但一間英超球會隨時擁有數以百計幕後員工，當中一啲基層員工真係手停口停，所以有球會就努力籌謀，希望從其他方面減省開支，以應付球會員工需要，不過有球會就可能純粹只係希望避開拖糧嘅法律責任，諗盡辦法縮數，直接叫員工接受減薪，做法相當難睇。
英超球會熱刺好歹算係豪門或者起碼係半豪門，去年更有可容納62,303人嘅新主場落成，但可能亦基於同樣原因，佢哋喺今次疫情下倍感壓力，早前一度宣布隊內550名員工減薪兩成，更打算申請英國政府職位保留計劃，以期獲得政府資助。 (當然，球圈中亦不止熱刺有打算咁做，不過因為今日出現另一則熱刺嘅新聞，實在太荒謬，下文會講到)
有一種老闆，平時你問憑乜嘢「un un腳」收錢，佢會話因為佢要承擔風險；到風險殺到埋身要佢承擔，佢會叫你共度時艱。熱刺老闆利維 (Daniel Levy) 並冇喺呢個時候承擔起自己嘅責任，反而向球會中比較脆弱嘅一般員工開刀，做法隨即惹來自家球迷大肆抨擊，結果亦只好認錯收回，佢喺聲明中表明會謹記球迷意見，及繼續為社區貢獻。球會並非一般企業，足球自百多年前興起直至今時今日，都不能忽視與本土社區嘅連結及社會責任，超碼球會老闆喺門面上亦都要咁樣講，熱刺其後更宣布借出主場作為病毒檢測站，勉強「亡羊補牢」。
既然逼於壓力跪低，熱刺就決定向其他方面埋手，除咗向現任領隊摩連奴及球員提出減薪要求之外，連「已死之人」亦被「鞭屍」，十分荒謬。跟據《Telegraph》及《Daily Mail》等多份英國報章報導，熱刺居然聯絡5個月前被球會解僱嘅主帥普捷天奴 (Mauricio Pochettino) ，希望佢同球會「共度時艱」。因為普捷天奴被球會解約後，熱刺仍然需要繼續支付餘下合約期嘅薪金，而普捷天奴合約年薪達到850萬英鎊，所以熱刺希望普捷天奴同意「減薪」。
冇錯，對於熱刺嚟講，普捷天奴嘅薪金屬於一筆完全「倒錢落海」嘅銀碼，所以如要節省開支，從呢度入手係比較容易。不過咁樣做其實係相當無恥，首先呢個係球會當初簽合約時就需要承擔嘅風險及責任，其次熱刺向呢位於球會有功卻被炒嘅舊帥提出呢個要求，或多或少包含「道德勒索」成分，令普捷天奴基於感情及對舊球會員工嘅關顧而答允要求。據《Daily Mail》報導，利維更連普捷天奴嘅教練團隊都唔放過，向呢班前員工提出同樣要求，真係How dare you？
都係嗰句，承擔風險係老闆嘅責任，有錢賺嗰時你賺到盡，老闆需要接受有賺少咗嘅時候，蝕錢更加應該係蝕老闆嘅錢，而唔係由員工去補貼你做生意。
Source: Telegraph、Daily Mail
英超球會熱刺好歹算係豪門或者起碼係半豪門，去年更有可容納62,303人嘅新主場落成，但可能亦基於同樣原因，佢哋喺今次疫情下倍感壓力，早前一度宣布隊內550名員工減薪兩成，更打算申請英國政府職位保留計劃，以期獲得政府資助。 (當然，球圈中亦不止熱刺有打算咁做，不過因為今日出現另一則熱刺嘅新聞，實在太荒謬，下文會講到)
有一種老闆，平時你問憑乜嘢「un un腳」收錢，佢會話因為佢要承擔風險；到風險殺到埋身要佢承擔，佢會叫你共度時艱。熱刺老闆利維 (Daniel Levy) 並冇喺呢個時候承擔起自己嘅責任，反而向球會中比較脆弱嘅一般員工開刀，做法隨即惹來自家球迷大肆抨擊，結果亦只好認錯收回，佢喺聲明中表明會謹記球迷意見，及繼續為社區貢獻。球會並非一般企業，足球自百多年前興起直至今時今日，都不能忽視與本土社區嘅連結及社會責任，超碼球會老闆喺門面上亦都要咁樣講，熱刺其後更宣布借出主場作為病毒檢測站，勉強「亡羊補牢」。
既然逼於壓力跪低，熱刺就決定向其他方面埋手，除咗向現任領隊摩連奴及球員提出減薪要求之外，連「已死之人」亦被「鞭屍」，十分荒謬。跟據《Telegraph》及《Daily Mail》等多份英國報章報導，熱刺居然聯絡5個月前被球會解僱嘅主帥普捷天奴 (Mauricio Pochettino) ，希望佢同球會「共度時艱」。因為普捷天奴被球會解約後，熱刺仍然需要繼續支付餘下合約期嘅薪金，而普捷天奴合約年薪達到850萬英鎊，所以熱刺希望普捷天奴同意「減薪」。
冇錯，對於熱刺嚟講，普捷天奴嘅薪金屬於一筆完全「倒錢落海」嘅銀碼，所以如要節省開支，從呢度入手係比較容易。不過咁樣做其實係相當無恥，首先呢個係球會當初簽合約時就需要承擔嘅風險及責任，其次熱刺向呢位於球會有功卻被炒嘅舊帥提出呢個要求，或多或少包含「道德勒索」成分，令普捷天奴基於感情及對舊球會員工嘅關顧而答允要求。據《Daily Mail》報導，利維更連普捷天奴嘅教練團隊都唔放過，向呢班前員工提出同樣要求，真係How dare you？
都係嗰句，承擔風險係老闆嘅責任，有錢賺嗰時你賺到盡，老闆需要接受有賺少咗嘅時候，蝕錢更加應該係蝕老闆嘅錢，而唔係由員工去補貼你做生意。
Source: Telegraph、Daily Mail
請按此登錄後留言。未成為會員? 立即註冊