「大哨」朗拿度被稱為「外星人」嘅原因，係佢將速度、力量、技術集於一身，可以將不可能變成可能。朗拿度作為兩屆金球獎得主，大部分現役球星、教練、球評人都認為佢係其中一位史上最強、最全面嘅前鋒，但其實亦有好多人對佢嘅職業生涯感到可惜，認為佢嘅潛能遠不止於此，而對佢職業生涯影響最嚴重嘅一次傷患，正正發生喺20年前嘅昨日，朗拿度一度以為自己再冇機會喺球埸上奔跑。
2000年4月12日，意大利盃四強首回合，拉素對國際米蘭，當年嘅朗拿度正被傷患困擾，已因為膝部韌帶撕裂休戰5個月，直到該仗復出。豈料，朗拿度僅後備入替六分鐘，就喺一次進攻時再度重創。當時佢盤球向禁區頂推進，嘗試用假動作晃過對手，但膝部受力之後，朗拿度就痛苦倒地。旁邊嘅隊友同對手見到佢嘅反應已心知不妙，馬上停低比賽，軍醫亦衝入球場檢查，並將佢送往醫院，朗拿度淚曬當場，離開時以手掩面。
畢竟20年前嘅運動醫學水平遠不如現在，朗拿度連續遇上膝部韌帶傷患，今次更被診斷出膝部韌帶完全斷開，令外界質疑呢位史上最年輕金球獎得主嘅職業球員生涯會否如流星隕落，朗拿度自己亦心知不妙，即使唔需要閱讀各大報章，佢自己就從痛楚中感到今次傷患有可能摧毀佢嘅球員生涯。
https://www.youtube.com/watch?v=1915ZTsUCvk
佢當年嘅一名物理治療師 Nilton Petrone ，2018年曾接受《Four Four Two》 訪問，回憶指呢次朗拿度膝部韌帶斷開，係佢見過最嚴重嘅足球傷患。據聞朗拿度跑100米只需要10.3秒，佢盤球時變速過人，單邊膝部受力之大，可想而知。
https://i.imgur.com/yKWVALp.gif
Nilton Petrone 表示，如果有當時嘅照片俾大眾球迷睇，情況仍然係難以置信：「喺手術之後，佢嘅膝頭好似一個足球咁大，要用三四支管去清除瘀血，簡直難以令人相信。喺醫院嘅時候，佢有好幾次喊出嚟，原因係佢希望可以用嗎啡減少痛楚。有一日半夜，佢打電話俾我話『話我知我可以繼續踢波啦，唔好呃我』。當年我有份協助初步復健，全世界都認為佢冇可能康復，當時嘅科學認為機會唔高，醫生亦都抱有懷疑。」而在場目睹受傷過程嘅拉素軍醫就認為朗拿度可以復出嘅機會，只有50%。
結果，朗拿度由2000年4月12日，一直養傷至2001年9月，雖然佢嘅爆發力的確已大不如前，但佢嘅其他能力仍然係當世頂級，加上佢每日訓練多達9-10小時，努力為復出而鍛練，即使2002年2月再次碰上膝傷，朗拿度仍繼續貫徹「外星人」嘅表現，喺2002世界盃射入8球，幫助巴西再奪世界盃，隨後開啟加盟皇家馬德里嘅歲月。
朗拿度當年由重傷中復原兼再創高峰，係足壇一大神話，但如果佢唔係一直受大小傷患困難，成就可能遠不止於此。摩連奴嘅評價恰到好處，佢被問到心目中史上最強球員時咁講：「『外星人』朗拿度。C朗同美斯會擁有更長久嘅職業生涯，佢兩個可以喺15年內一直處於世界頂峰。不過，如果單講才華同技術，冇人可以超越朗拿度。」
A Brief History of Ronaldo at Inter (Tifo Football)
https://www.youtube.com/watch?v=1bTVw62dwJ4
Source: Sportbible、FourFourTwo、Wikipedia
2000年4月12日，意大利盃四強首回合，拉素對國際米蘭，當年嘅朗拿度正被傷患困擾，已因為膝部韌帶撕裂休戰5個月，直到該仗復出。豈料，朗拿度僅後備入替六分鐘，就喺一次進攻時再度重創。當時佢盤球向禁區頂推進，嘗試用假動作晃過對手，但膝部受力之後，朗拿度就痛苦倒地。旁邊嘅隊友同對手見到佢嘅反應已心知不妙，馬上停低比賽，軍醫亦衝入球場檢查，並將佢送往醫院，朗拿度淚曬當場，離開時以手掩面。
畢竟20年前嘅運動醫學水平遠不如現在，朗拿度連續遇上膝部韌帶傷患，今次更被診斷出膝部韌帶完全斷開，令外界質疑呢位史上最年輕金球獎得主嘅職業球員生涯會否如流星隕落，朗拿度自己亦心知不妙，即使唔需要閱讀各大報章，佢自己就從痛楚中感到今次傷患有可能摧毀佢嘅球員生涯。
https://www.youtube.com/watch?v=1915ZTsUCvk
佢當年嘅一名物理治療師 Nilton Petrone ，2018年曾接受《Four Four Two》 訪問，回憶指呢次朗拿度膝部韌帶斷開，係佢見過最嚴重嘅足球傷患。據聞朗拿度跑100米只需要10.3秒，佢盤球時變速過人，單邊膝部受力之大，可想而知。
https://i.imgur.com/yKWVALp.gif
Nilton Petrone 表示，如果有當時嘅照片俾大眾球迷睇，情況仍然係難以置信：「喺手術之後，佢嘅膝頭好似一個足球咁大，要用三四支管去清除瘀血，簡直難以令人相信。喺醫院嘅時候，佢有好幾次喊出嚟，原因係佢希望可以用嗎啡減少痛楚。有一日半夜，佢打電話俾我話『話我知我可以繼續踢波啦，唔好呃我』。當年我有份協助初步復健，全世界都認為佢冇可能康復，當時嘅科學認為機會唔高，醫生亦都抱有懷疑。」而在場目睹受傷過程嘅拉素軍醫就認為朗拿度可以復出嘅機會，只有50%。
結果，朗拿度由2000年4月12日，一直養傷至2001年9月，雖然佢嘅爆發力的確已大不如前，但佢嘅其他能力仍然係當世頂級，加上佢每日訓練多達9-10小時，努力為復出而鍛練，即使2002年2月再次碰上膝傷，朗拿度仍繼續貫徹「外星人」嘅表現，喺2002世界盃射入8球，幫助巴西再奪世界盃，隨後開啟加盟皇家馬德里嘅歲月。
朗拿度當年由重傷中復原兼再創高峰，係足壇一大神話，但如果佢唔係一直受大小傷患困難，成就可能遠不止於此。摩連奴嘅評價恰到好處，佢被問到心目中史上最強球員時咁講：「『外星人』朗拿度。C朗同美斯會擁有更長久嘅職業生涯，佢兩個可以喺15年內一直處於世界頂峰。不過，如果單講才華同技術，冇人可以超越朗拿度。」
A Brief History of Ronaldo at Inter (Tifo Football)
https://www.youtube.com/watch?v=1bTVw62dwJ4
Source: Sportbible、FourFourTwo、Wikipedia
請按此登錄後留言。未成為會員? 立即註冊