歐洲疫情持續，好多職業球員都唔習慣要長時間留喺屋企，結果間中都有新聞報導個別球員偷偷出街，甚至離開所住城鎮。喺香港，上班一族無論如何都會排除萬難返工，大家經常講笑咁講冇嘢可以阻止香港人返工，其實對於熱愛足球嘅職業球員嚟講，又何嘗唔係呢？最近熱刺領隊摩連奴同幾名球員就成為一分子。
根據英國政府於當地時間4月7日上午公布數字，英國最新確診人數已達到266,694人，英國政府早前已頒令要求國民如非必要 (如購物食物及日用品) 不得出門，違者會被罰款及驅散。
不過，熱刺領隊摩連奴就俾人影到喺公園同幾個球員一齊，有相有片，冇得抵賴。話說當地時間星期二，有人揸車路過倫敦北部班尼特一個大公園 (Hadley Common, Barnet) ，發現摩連奴身穿全套熱刺訓練服指導三人訓練，報導指三人係戴雲遜山齊士 (Davinson Sanchez) 、賴恩施斯隆 (Ryan Sessegnon) 及尼當比利 (Tanguy Ndombele) ，另一片段就影到奧利亞 (Serge Aurier) 同另一人跑步。片段中未見有足球，可能只係做體能訓練。
到底呢幾位球員係唔係「摩Daddy」嘅契仔，所以呢個時候都得到佢親自督操，就不得而知，不過報導就指出佢哋幾人都同樣住喺呢個公園附近，可能係佢哋聚埋一齊嘅原因。
喺呢個關頭，仲有足球教練冒險同球員出公園訓練，呢份熱誠已經相當接近香港人喺颱風之下塞四五個鐘地鐵趕返工嘅程度，換轉係喺其他情況，球會同球迷可能會覺得感動或者肅然起敬。不過，熱誠歸熱誠、專業歸專業，喺疫情當前，違反禁令出街，仲要一齊做運動，除咗自己有危險，最大問題係同樣會影響他人，其實係相當自私嘅行為，絕對唔值得鼓勵。
因此，有傳媒向熱刺會方查詢時，球會回應指：「我哋已提醒所有球員喺進行訓練時，要保持適當社交距離。我哋會繼續加緊傳遞呢個訊息。」報導更指，有球會高層相當不滿，已向摩連奴作出警告。
Source: Mirror、Guardian、Goal
根據英國政府於當地時間4月7日上午公布數字，英國最新確診人數已達到266,694人，英國政府早前已頒令要求國民如非必要 (如購物食物及日用品) 不得出門，違者會被罰款及驅散。
不過，熱刺領隊摩連奴就俾人影到喺公園同幾個球員一齊，有相有片，冇得抵賴。話說當地時間星期二，有人揸車路過倫敦北部班尼特一個大公園 (Hadley Common, Barnet) ，發現摩連奴身穿全套熱刺訓練服指導三人訓練，報導指三人係戴雲遜山齊士 (Davinson Sanchez) 、賴恩施斯隆 (Ryan Sessegnon) 及尼當比利 (Tanguy Ndombele) ，另一片段就影到奧利亞 (Serge Aurier) 同另一人跑步。片段中未見有足球，可能只係做體能訓練。
到底呢幾位球員係唔係「摩Daddy」嘅契仔，所以呢個時候都得到佢親自督操，就不得而知，不過報導就指出佢哋幾人都同樣住喺呢個公園附近，可能係佢哋聚埋一齊嘅原因。
喺呢個關頭，仲有足球教練冒險同球員出公園訓練，呢份熱誠已經相當接近香港人喺颱風之下塞四五個鐘地鐵趕返工嘅程度，換轉係喺其他情況，球會同球迷可能會覺得感動或者肅然起敬。不過，熱誠歸熱誠、專業歸專業，喺疫情當前，違反禁令出街，仲要一齊做運動，除咗自己有危險，最大問題係同樣會影響他人，其實係相當自私嘅行為，絕對唔值得鼓勵。
因此，有傳媒向熱刺會方查詢時，球會回應指：「我哋已提醒所有球員喺進行訓練時，要保持適當社交距離。我哋會繼續加緊傳遞呢個訊息。」報導更指，有球會高層相當不滿，已向摩連奴作出警告。
Source: Mirror、Guardian、Goal
請按此登錄後留言。未成為會員? 立即註冊