前日本國腳中田英壽 (中田英寿 Nakata Hidetoshi) 不僅係一代日本天才球員，瀟灑俊朗嘅外表更加令佢有「日本碧咸」之稱，但佢絕對唔係虛有其表，最近佢獲日本一間大學委任為客席教授，將會開班授課，證明佢嘅內涵都係非一般。
中田英壽當年一讀完書 (1995年)，加盟日職球隊平塚比馬 (湘南比馬前身) ，1997年已經以20歲之齡奪得亞洲足球先生，1998年更成功「冧莊」，隨即獲得外流機會前赴意甲發展。去到2006年，僅僅29歲嘅中田英壽突然宣布掛靴，令不少人感到驚訝。佢近年曾經喺訪問中透露，當時決定退役嘅原因係太少機會同家人見面，另外佢並非為咗成為百萬富翁而踢波，而係熱愛足球，但當時嘅佢已經對職業足球嘅環境產生厭倦感覺。
中田英壽早早就開始尋覓足球以外嘅興趣，佢嘅瀟灑外型對時裝品牌而言相當吸引，退役前後都曾獲邀參加時裝展及擔任模特兒。不過呢啲只係其中一部分，長時間旅居海外，反而令佢產生對日本傳統文化嘅熱愛。佢花7年時間走遍日本全國，訪尋農民、廚師和其他工匠，了解日本傳統匠人精神及歷史，其中最吸引佢嘅係清酒，佢曾經到超過350間清酒廠考察。當時中田英壽愛上清酒，卻發現清酒銷量節節下滑，行業逐漸萎縮，原因係年青一代比較偏好西方酒類如葡萄酒、水果酒等。隨後，佢開始鑽研清酒製法及文化內涵，2015年佢正式成立自家清酒品牌「株式会社 JAPAN CRAFT SAKE COMPANY」，更推出手機App介紹唔同清酒製造商及佐酒美食建議，一方面向大眾推廣清酒，一方面宣揚日本傳統文化。
近日，立教大學宣布委任中田英壽經營學系客席教授，表示中田英壽將會喺2020年秋季學期與該學系兩名教授共同講授一門名為「傳統產業與市場行銷」(「伝統産業とマーケティング」) 嘅科目，係一個以大學三、四年級生為對象嘅選修科目。以「日本文化的世界戰略」為主題下，三位講者將會教授有關日本傳統產業歷史、現狀、活化策略、創業等知識，學生將會喺14堂課內方過產業分析、田野考察、嘉賓演講、口頭報告等形式學習，中田英壽將會運用佢走訪全國嘅經歷作為教學內容。
報導指，由於該課程只設有30個名額，有意選修嘅學生需要撰寫一篇3000字文章特定題目嘅文章，以供三名教授挑選。
Source:
立教大学、経営学部客員教授に中田英寿氏が就任
大仁說財經／中田英壽 從足球員到清酒老闆
中田英壽當年一讀完書 (1995年)，加盟日職球隊平塚比馬 (湘南比馬前身) ，1997年已經以20歲之齡奪得亞洲足球先生，1998年更成功「冧莊」，隨即獲得外流機會前赴意甲發展。去到2006年，僅僅29歲嘅中田英壽突然宣布掛靴，令不少人感到驚訝。佢近年曾經喺訪問中透露，當時決定退役嘅原因係太少機會同家人見面，另外佢並非為咗成為百萬富翁而踢波，而係熱愛足球，但當時嘅佢已經對職業足球嘅環境產生厭倦感覺。
中田英壽早早就開始尋覓足球以外嘅興趣，佢嘅瀟灑外型對時裝品牌而言相當吸引，退役前後都曾獲邀參加時裝展及擔任模特兒。不過呢啲只係其中一部分，長時間旅居海外，反而令佢產生對日本傳統文化嘅熱愛。佢花7年時間走遍日本全國，訪尋農民、廚師和其他工匠，了解日本傳統匠人精神及歷史，其中最吸引佢嘅係清酒，佢曾經到超過350間清酒廠考察。當時中田英壽愛上清酒，卻發現清酒銷量節節下滑，行業逐漸萎縮，原因係年青一代比較偏好西方酒類如葡萄酒、水果酒等。隨後，佢開始鑽研清酒製法及文化內涵，2015年佢正式成立自家清酒品牌「株式会社 JAPAN CRAFT SAKE COMPANY」，更推出手機App介紹唔同清酒製造商及佐酒美食建議，一方面向大眾推廣清酒，一方面宣揚日本傳統文化。
近日，立教大學宣布委任中田英壽經營學系客席教授，表示中田英壽將會喺2020年秋季學期與該學系兩名教授共同講授一門名為「傳統產業與市場行銷」(「伝統産業とマーケティング」) 嘅科目，係一個以大學三、四年級生為對象嘅選修科目。以「日本文化的世界戰略」為主題下，三位講者將會教授有關日本傳統產業歷史、現狀、活化策略、創業等知識，學生將會喺14堂課內方過產業分析、田野考察、嘉賓演講、口頭報告等形式學習，中田英壽將會運用佢走訪全國嘅經歷作為教學內容。
報導指，由於該課程只設有30個名額，有意選修嘅學生需要撰寫一篇3000字文章特定題目嘅文章，以供三名教授挑選。
Source:
立教大学、経営学部客員教授に中田英寿氏が就任
大仁說財經／中田英壽 從足球員到清酒老闆
請按此登錄後留言。未成為會員? 立即註冊