葡萄牙球星C朗拿度轉眼間已經十多年，上月年滿35歲嘅佢，喺噚晚迎來個人職業生涯第1000場正式比賽上陣，剛好遇上有意大利打吡 (Derby d'Italia) 之稱嘅祖雲達斯對國際米蘭，只要祖雲達斯贏波就可以重登榜首，無論點睇都係一場矚目大戰，偏偏遇上閉門作賽……
祖雲達斯與國際米蘭同樣於季初換帥，沙利首次執教祖雲達斯咁樣嘅班霸球隊，適應磨合需時，以班馬軍團標準而言，表現唔算十分有說服力；另一邊廂，國際米蘭季初換上前祖雲達斯及前意大利國家隊主帥干地執教，季初一度趁祖雲達斯未站穩陣腳時展現爭冠野心，被指有望打破祖記八連冠壟斷，但踏入季中接連失分，現時已被拉開不少差距。不論如何，今季嘅祖雲達斯對國際米蘭除咗作為傳統大戰，實力上亦較近年其他時候接近，更碰上祖雲達斯球星C朗拿度生涯第1000場，話題十足。不過，雙方卻須要喺空場作賽，往日打吡氣氛變成鴉雀無聲，只剩球員同教練之間嘅提場對話。
出現呢個情景嘅原因，係近日意大利北部出現新型冠狀病毒疫情大爆發，令當地接近處於封鎖狀態，所有聚眾人群嘅活動已經全面暫停，包括各級足球賽事，只剩意甲經過爭取後暫時獲准閉門作賽。向來係球迷焦點嘅C朗應該好唔習慣呢個大日子冇球迷捧場，但佢就搵到方法自得其樂，或者係隔空向球迷致敬。
平時球員抵達球場時都有球迷守候，球星會同球迷擊掌打招呼，C朗今仗嚟到球場時空無一人，佢就喺欄杆邊同「空氣」擊掌，唔講仲以為佢見到靈異現象，定係成排人喺欄杆後面但我哋睇唔到呢？演技相當唔錯喎！之後C朗見到前方鏡頭隨即偷笑，令球迷大呼好可愛，覺得佢好似小朋友。
事實上，好多運動只都有自己嘅matchday routine例行動作，幫助自己收拾心情進入比賽狀態，C朗熱身時亦繼續向住看台鼓掌，向「球迷」致意，亦係多謝喺屋企睇波嘅球迷，同時都可能係佢嘅matchday routine。
最終，C朗今仗表現出色，協助球隊以2-0擊敗國際米蘭，美中不足係未能延續個人連續11場意甲入球走勢，但亦值得為球隊高興。
祖雲達斯與國際米蘭同樣於季初換帥，沙利首次執教祖雲達斯咁樣嘅班霸球隊，適應磨合需時，以班馬軍團標準而言，表現唔算十分有說服力；另一邊廂，國際米蘭季初換上前祖雲達斯及前意大利國家隊主帥干地執教，季初一度趁祖雲達斯未站穩陣腳時展現爭冠野心，被指有望打破祖記八連冠壟斷，但踏入季中接連失分，現時已被拉開不少差距。不論如何，今季嘅祖雲達斯對國際米蘭除咗作為傳統大戰，實力上亦較近年其他時候接近，更碰上祖雲達斯球星C朗拿度生涯第1000場，話題十足。不過，雙方卻須要喺空場作賽，往日打吡氣氛變成鴉雀無聲，只剩球員同教練之間嘅提場對話。
出現呢個情景嘅原因，係近日意大利北部出現新型冠狀病毒疫情大爆發，令當地接近處於封鎖狀態，所有聚眾人群嘅活動已經全面暫停，包括各級足球賽事，只剩意甲經過爭取後暫時獲准閉門作賽。向來係球迷焦點嘅C朗應該好唔習慣呢個大日子冇球迷捧場，但佢就搵到方法自得其樂，或者係隔空向球迷致敬。
平時球員抵達球場時都有球迷守候，球星會同球迷擊掌打招呼，C朗今仗嚟到球場時空無一人，佢就喺欄杆邊同「空氣」擊掌，唔講仲以為佢見到靈異現象，定係成排人喺欄杆後面但我哋睇唔到呢？演技相當唔錯喎！之後C朗見到前方鏡頭隨即偷笑，令球迷大呼好可愛，覺得佢好似小朋友。
事實上，好多運動只都有自己嘅matchday routine例行動作，幫助自己收拾心情進入比賽狀態，C朗熱身時亦繼續向住看台鼓掌，向「球迷」致意，亦係多謝喺屋企睇波嘅球迷，同時都可能係佢嘅matchday routine。
最終，C朗今仗表現出色，協助球隊以2-0擊敗國際米蘭，美中不足係未能延續個人連續11場意甲入球走勢，但亦值得為球隊高興。
請按此登錄後留言。未成為會員? 立即註冊