2020歐國聯影響世界盃席位？死亡之組演世界盃歐國盃決賽級戲碼Ｘ２ 精選

經過第一屆賽事之後，大定對歐洲國家聯賽嘅玩法已經有一定了解，隨著歐洲國家盃2020將會喺今個夏天舉行，下一個賽事周期亦會緊接展開，2020-21歐洲國家聯賽將於2020年9月開始陸續舉行，結果會影響2022世界盃歐洲區席位。


2020-21歐洲國家聯賽抽籤完成，如果如下：

A1荷蘭、意大利、波斯尼亞、波蘭
A2 英格蘭、比利時、丹麥、冰島
A3葡萄牙、法國、瑞典、克羅地亞
A4瑞士、西班牙、烏克蘭、德國

B1奧地利、挪威、北愛爾蘭、羅馬尼亞
B2捷克、蘇格蘭、斯洛伐克、以色列
B3俄羅斯、塞爾維亞、土耳其、匈牙利
B4威爾斯、芬蘭、愛爾蘭、保加利亞
C1黑山、塞浦路斯、盧森堡、亞塞拜疆
C2格魯吉亞、北馬其頓、愛沙尼亞、亞美尼亞
C3希臘、科索沃、斯洛文尼亞、摩爾多瓦
C4阿爾巴尼亞、白羅斯、立陶宛、哈薩克

D1法羅群島、拉脫維亞、安道爾、馬爾他
D2直布羅陀、列支敦士登、聖馬利諾


A聯賽由歐洲排名最高球隊組成，自然不乏觸目戲碼，每組都十分精彩，其中以A3最具話題，葡萄牙曾經於2016歐洲國家盃決賽擊敗法國奪冠，佢哋除咗喺歐國盃2020分組賽再遇法國，連隨後嘅歐洲國家聯賽亦一樣同組，再次上演歐國盃決賽級戲碼；法國與克羅地亞對碰就係2018世界盃決賽戲碼。


歐洲國家聯賽嘅玩法大家已大致明白，2018-19歐洲國家聯賽安排ABCD每聯賽4隊成績最佳，而未直接於歐國盃外圍賽出線嘅球隊 (共16隊)，進行附加賽，逢四晉一，決出四隊可以獲得最後嘅歐國盃資格。

(上屆歐國聯結果，綠色: 直接循歐國外出線、藍色: 憑歐國聯成績參加歐國盃附加賽)

另外，今屆歐國聯升降制改組，ABC聯賽全部改為各16隊分成4組，令原定需要降級嘅德國等球隊得以留級，而D聯賽只剩7隊分成2組。

2020-21歐洲國家聯賽就將會影響2022世界盃席位，原理相同但因世界盃係全球賽事，所以影響效果較細，只會決出2個世界盃外圍賽附加賽席位。歐洲球隊如常參加世界盃外圍賽歐洲區首圈，當中球隊分成10組，小組首名直接出線，10支小組次名加上2支歐國聯球隊 (原理與上屆歐國聯相同，2支最佳小組勝方，如已直接出線世界盃，則按歐國聯成績總排名向下遞補)，共12支球隊分成3路進行附加賽，決出3個世界盃席位。