曾經協助阿積士以超級黑馬姿態闖入歐聯四強，當年嘅「阿積士雙星」法蘭基迪莊 (Frenkie de Jong) 及迪列特 (Matthijs de Ligt) 已分別以高價轉投巴塞隆拿及祖雲達斯兩間豪門，背負眾多期望。兩人同樣得到大量上陣機會，但難言站穩陣腳，法蘭基迪莊表現雖然尚算穩定，亦難再現當初於阿積士時期嘅驚艷，原因同場上位置有關。
眾所周知，法蘭基迪莊於阿積士時期出現於單防中位置，任墮後組織中場，其實亦即係巴塞老大哥布斯基斯嘅位置，但如今巴塞急於搶下呢位「布斯基斯接班人」，同時既唔能夠直接棄用布斯基斯，又要將法蘭基迪莊放喺場上。結果，法蘭基迪莊經常需要出現於三人中場組合中靠左嘅位置，與布斯基斯及拉傑迪一同上陣，而呢個位置同正中央所要求嘅意識同技術有好大出入。
曾經執教巴塞、阿積士及荷蘭國家隊嘅雲高爾 (Louis van Gaal) 對巴塞體系及法蘭基迪莊都相當熟悉，佢就認為巴塞唔應該將法蘭基迪莊放喺現時位置上。
雲高爾直指巴塞應以法蘭基迪莊取代布斯基斯：「我唔再係巴塞嘅教練，但我認為巴塞可以用法蘭基迪莊、拉傑迪及艾法美路踢中場。」
佢又指出即使巴塞堅持使用布斯基斯，甚至可以將法蘭基迪莊放喺中堅位置上：「佢可以踢後衛。佢有足夠嘅速度，亦懂得掌握時機去防守對手前鋒。巴塞將佢擺呢個位可以改善中路防守。」
雲高爾大讚法蘭基迪莊已做得相當出色：「以22歲嚟講，佢已經做得好好，佢需要應付移居外地嘅文化適應問題以及身價帶嚟嘅壓力。我相信巴塞一定要將佢放喺場上係基於佢嘅轉會費所費不菲，華維迪當然想用佢，但而家換咗另一個教練，唔係買佢返嚟嗰個，所以新教練唔一定要繼續用佢。
問題係佢唔係踢緊自己最擅長嘅位置。喺阿積士，人人拎到波都會望佢喺邊，佢係球隊嘅核心，但喺巴塞就唔同，當中嘅分別好大。」
最後，雲高爾認為「阿積士雙星」嘅命運交錯，佢哋本應互換東家：「如果世上只有一間球會一定要買迪列特，我會話係巴塞。巴塞已經有布斯基斯在陣，法蘭基迪莊應該去祖雲達斯，而巴塞就缺乏迪列特呢種球員多於法蘭基迪莊嘅類型。」
法蘭基迪莊今季於巴塞隆拿上陣36次，其中於聯賽22度正選上陣，歐聯亦接近踢足。
Source: Goal、onefootball
眾所周知，法蘭基迪莊於阿積士時期出現於單防中位置，任墮後組織中場，其實亦即係巴塞老大哥布斯基斯嘅位置，但如今巴塞急於搶下呢位「布斯基斯接班人」，同時既唔能夠直接棄用布斯基斯，又要將法蘭基迪莊放喺場上。結果，法蘭基迪莊經常需要出現於三人中場組合中靠左嘅位置，與布斯基斯及拉傑迪一同上陣，而呢個位置同正中央所要求嘅意識同技術有好大出入。
曾經執教巴塞、阿積士及荷蘭國家隊嘅雲高爾 (Louis van Gaal) 對巴塞體系及法蘭基迪莊都相當熟悉，佢就認為巴塞唔應該將法蘭基迪莊放喺現時位置上。
雲高爾直指巴塞應以法蘭基迪莊取代布斯基斯：「我唔再係巴塞嘅教練，但我認為巴塞可以用法蘭基迪莊、拉傑迪及艾法美路踢中場。」
佢又指出即使巴塞堅持使用布斯基斯，甚至可以將法蘭基迪莊放喺中堅位置上：「佢可以踢後衛。佢有足夠嘅速度，亦懂得掌握時機去防守對手前鋒。巴塞將佢擺呢個位可以改善中路防守。」
雲高爾大讚法蘭基迪莊已做得相當出色：「以22歲嚟講，佢已經做得好好，佢需要應付移居外地嘅文化適應問題以及身價帶嚟嘅壓力。我相信巴塞一定要將佢放喺場上係基於佢嘅轉會費所費不菲，華維迪當然想用佢，但而家換咗另一個教練，唔係買佢返嚟嗰個，所以新教練唔一定要繼續用佢。
問題係佢唔係踢緊自己最擅長嘅位置。喺阿積士，人人拎到波都會望佢喺邊，佢係球隊嘅核心，但喺巴塞就唔同，當中嘅分別好大。」
最後，雲高爾認為「阿積士雙星」嘅命運交錯，佢哋本應互換東家：「如果世上只有一間球會一定要買迪列特，我會話係巴塞。巴塞已經有布斯基斯在陣，法蘭基迪莊應該去祖雲達斯，而巴塞就缺乏迪列特呢種球員多於法蘭基迪莊嘅類型。」
法蘭基迪莊今季於巴塞隆拿上陣36次，其中於聯賽22度正選上陣，歐聯亦接近踢足。
Source: Goal、onefootball
請按此登錄後留言。未成為會員? 立即註冊