新型冠狀病毒肺炎 (俗稱「武漢肺炎」) 近日繼續於世界各國爆發，令部分歐洲城市亦開始以「封城」應對，各地居民日常生活、商貿經濟、文娛康樂無一倖免地所到影響。今個夏天世界體壇將有大型盛事，包括2020東京奧運、2020歐洲國家盃等，若屆時疫情持續，呢啲集合多國運動員及觀眾於一處嘅活動，好可能成為播毒場所，令主辦機構近日開始討論應對措施。
意大利現時係「武漢肺炎」喺歐洲爆發嘅重災區，本欄於6日前曾經報導有關意甲計劃閉門作賽嘅消息，當時嘅意大利官方確診人數係229人及7人死亡，但截至現時，根據《華盛頓郵報》報導，意大利官方確診人數已急增至超過1600人。《衛報》指，疫情於英國、法國及德國同樣急升，荷蘭、捷克等國亦有零星個案。意大利於整個北部已頒發禁令，將所有可能聚眾嘅體育活動暫停，影響四分之三意甲球隊。法國亦宣布禁止所有超過5000人參與嘅室內活動，部份戶外體育賽事亦被取消。
歐洲疫情爆發，球壇首當其衝嘅係區內國際性賽事——歐聯及歐霸，所幸歐聯及歐霸已進入淘汰賽階段，涉及球隊已大大減少，但仍然牽涉大量來自不同國家嘅人員往來，特別係數以萬計球迷。例如意甲球會國際米蘭所處嘅米蘭市正正係位於意大利重災區倫巴第 (Lombardy)區內，佢哋下星期就會於歐霸主場迎戰基達菲；祖雲達斯所處嘅都靈市位於鄰接倫巴第區嘅派蒙特區 (Piedmont) ，下下星期歐聯主場對里昂；法國陸續取消體育賽事之際，下星期巴黎聖日耳門主場對多蒙特，又會否受到影響？全部都屬未知之數。
另一方面，今夏舉行嘅歐洲國家盃，無獨有偶採取咗分散主辦嘅安排，分別由12個國家主辦，場地遍布整個歐洲。今屆歐國盃揭幕戰將於6月12日進行，距今大約3個月，只要到時疫情未於整個歐洲完全消失，如此大規模跨國人員流動，就會加劇公共衛生危機。更甚者，揭幕戰舉行嘅地點剛好係意大利首都羅馬，雖然羅馬相對並非意大利疫情重災區，但仍然令人難以放心。不過UEFA副主席 Michele Uva 於上周五回應指，除非情況變得更差，歐國盃揭幕戰會如期於羅馬舉行。
話雖如此，歐洲近日疫情發展實在令人無法忽視，歐洲足協3月1日起於荷蘭阿姆斯特丹舉行大會，期間加開有關疫情嘅緊急會議，討論歐國盃如何應對疫情發展。報導指，歐國盃共有約250萬將門票公開發售，恐怕會令疫情一發不可收拾，因此UEFA可能需要討論歐國盃是否閉門作賽、延期或取消。UEFA回應指正與各國相關部門密切留意及商討應變措施。
Source: AS、Guardian
意大利現時係「武漢肺炎」喺歐洲爆發嘅重災區，本欄於6日前曾經報導有關意甲計劃閉門作賽嘅消息，當時嘅意大利官方確診人數係229人及7人死亡，但截至現時，根據《華盛頓郵報》報導，意大利官方確診人數已急增至超過1600人。《衛報》指，疫情於英國、法國及德國同樣急升，荷蘭、捷克等國亦有零星個案。意大利於整個北部已頒發禁令，將所有可能聚眾嘅體育活動暫停，影響四分之三意甲球隊。法國亦宣布禁止所有超過5000人參與嘅室內活動，部份戶外體育賽事亦被取消。
歐洲疫情爆發，球壇首當其衝嘅係區內國際性賽事——歐聯及歐霸，所幸歐聯及歐霸已進入淘汰賽階段，涉及球隊已大大減少，但仍然牽涉大量來自不同國家嘅人員往來，特別係數以萬計球迷。例如意甲球會國際米蘭所處嘅米蘭市正正係位於意大利重災區倫巴第 (Lombardy)區內，佢哋下星期就會於歐霸主場迎戰基達菲；祖雲達斯所處嘅都靈市位於鄰接倫巴第區嘅派蒙特區 (Piedmont) ，下下星期歐聯主場對里昂；法國陸續取消體育賽事之際，下星期巴黎聖日耳門主場對多蒙特，又會否受到影響？全部都屬未知之數。
另一方面，今夏舉行嘅歐洲國家盃，無獨有偶採取咗分散主辦嘅安排，分別由12個國家主辦，場地遍布整個歐洲。今屆歐國盃揭幕戰將於6月12日進行，距今大約3個月，只要到時疫情未於整個歐洲完全消失，如此大規模跨國人員流動，就會加劇公共衛生危機。更甚者，揭幕戰舉行嘅地點剛好係意大利首都羅馬，雖然羅馬相對並非意大利疫情重災區，但仍然令人難以放心。不過UEFA副主席 Michele Uva 於上周五回應指，除非情況變得更差，歐國盃揭幕戰會如期於羅馬舉行。
話雖如此，歐洲近日疫情發展實在令人無法忽視，歐洲足協3月1日起於荷蘭阿姆斯特丹舉行大會，期間加開有關疫情嘅緊急會議，討論歐國盃如何應對疫情發展。報導指，歐國盃共有約250萬將門票公開發售，恐怕會令疫情一發不可收拾，因此UEFA可能需要討論歐國盃是否閉門作賽、延期或取消。UEFA回應指正與各國相關部門密切留意及商討應變措施。
Source: AS、Guardian
請按此登錄後留言。未成為會員? 立即註冊