英國今日已出現第9宗確診新型冠狀病毒肺炎個案，難怪連英超球會都要提高警覺，曼聯最近由中超球會簽入前鋒恩哈路 (Odion Ighalo) ，球隊又幾乎入住一間曾有中超球隊使用嘅酒店，曼聯統統避之則吉。
曼聯1月由上海申花借用尼日利亞前鋒恩哈路，剛好遇上俗稱「武漢肺炎」嘅新型冠狀病毒肺炎喺中國大規模爆發，世界各地對曾經喺中國逗留嘅人都要採取特別措施，防止「隠型病人」將病毒帶到國內，連英超球會都唔例外，為保障其他職球員安全，恩哈路正被曼聯隔離。
《ESPN》報導，曼聯近日前往西班牙集訓，本來係好機會幫助呢位新兵更快融入球隊，但球隊並冇帶同佢一齊出發，原因係擔心近日英國入境措施加強限制，令恩哈路回國時會有困難。另外，球會亦對恩哈路實施隔離，佢被禁止進入訓練基地，只可以喺曼市暫住酒店，以及於酒店附近嘅英國跆拳道中心作個人訓練，有趣嘅係呢個英國跆拳道中心只係距離曼城主場不足500米、6分鐘步行距離。報導指，恩哈路於2月1日抵達英國，因此要到2月14日隔離14日期滿後先可以同球會職球員接觸。
另一方面，曼聯出外集訓亦小心翼翼，球隊前往西班牙馬貝拉集訓，原本已預訂附近一家高爾夫球渡假酒店，但佢哋喺入住前得悉，賓尼迪斯帶領嘅中超球隊大連一方曾經入住同一酒店，並剛剛離開，曼聯考慮到「武漢肺炎」危機，果斷決定更換酒店，畢竟病毒可以於物件上存活多日再傳染其他人，如大連一方中有隠型病人」，共用佢哋使用過酒店設施都會構成危機。
不過正所謂「日防夜防，家賊難防」，球會方面再點努力避免直接或間接接觸到過中國嘅人，都防唔到自己球員缺乏警覺性。曼聯中場馬迪2日前於Instagram上載一張相片，於西班牙馬貝拉「打卡」，相中人正係效力大連一方嘅咸錫 (Marek Hamšík)，以及大連一方體育總監達高馬迪 (Darko Matić)，仲攬頭攬頸。有球迷留言話「做得好，你可以將病毒傳俾利物浦球員，阻止佢哋奪冠。」
Source: DailyMail、TheSun
曼聯1月由上海申花借用尼日利亞前鋒恩哈路，剛好遇上俗稱「武漢肺炎」嘅新型冠狀病毒肺炎喺中國大規模爆發，世界各地對曾經喺中國逗留嘅人都要採取特別措施，防止「隠型病人」將病毒帶到國內，連英超球會都唔例外，為保障其他職球員安全，恩哈路正被曼聯隔離。
《ESPN》報導，曼聯近日前往西班牙集訓，本來係好機會幫助呢位新兵更快融入球隊，但球隊並冇帶同佢一齊出發，原因係擔心近日英國入境措施加強限制，令恩哈路回國時會有困難。另外，球會亦對恩哈路實施隔離，佢被禁止進入訓練基地，只可以喺曼市暫住酒店，以及於酒店附近嘅英國跆拳道中心作個人訓練，有趣嘅係呢個英國跆拳道中心只係距離曼城主場不足500米、6分鐘步行距離。報導指，恩哈路於2月1日抵達英國，因此要到2月14日隔離14日期滿後先可以同球會職球員接觸。
另一方面，曼聯出外集訓亦小心翼翼，球隊前往西班牙馬貝拉集訓，原本已預訂附近一家高爾夫球渡假酒店，但佢哋喺入住前得悉，賓尼迪斯帶領嘅中超球隊大連一方曾經入住同一酒店，並剛剛離開，曼聯考慮到「武漢肺炎」危機，果斷決定更換酒店，畢竟病毒可以於物件上存活多日再傳染其他人，如大連一方中有隠型病人」，共用佢哋使用過酒店設施都會構成危機。
不過正所謂「日防夜防，家賊難防」，球會方面再點努力避免直接或間接接觸到過中國嘅人，都防唔到自己球員缺乏警覺性。曼聯中場馬迪2日前於Instagram上載一張相片，於西班牙馬貝拉「打卡」，相中人正係效力大連一方嘅咸錫 (Marek Hamšík)，以及大連一方體育總監達高馬迪 (Darko Matić)，仲攬頭攬頸。有球迷留言話「做得好，你可以將病毒傳俾利物浦球員，阻止佢哋奪冠。」
Source: DailyMail、TheSun
請按此登錄後留言。未成為會員? 立即註冊