「因管理不善而在全球最佳球會排名榜節節下跌的曼聯」，簡稱「因聯」，自從傳奇領隊費格遜退休後，球會就向衰落，原因之一係管理層問題，包括屯積高薪冗員、高價簽入大牌球員而冇未能交出應有表現，CEO活華特首當其衝，成為球迷狠批對象，早前更被激進球迷襲擊其住所洩憤。曼聯於轉會窗截止前，簽入前屈福特射手恩哈路，曼聯名宿兼球評家加利尼維利就認為此舉反映曼聯管理不善。
1月轉會窗完結之前，曼聯宣布從中超球會上海申花借用恩哈路 (Odion Ighalo) 至季尾。30歲嘅恩哈路為前尼日利亞國腳，佢對於英超環境亦都唔陌生，2014-15英冠球季，佢上陣35場射入20球，協助屈福特由英冠升上英超，2015-16球季首次征戰英超亦有好表現，37場入16球。不過，只屬「一季貨仔」2016-17球季上陣18場只入1球，隨即於季中轉投中超長春亞泰，2019球季轉投上海申花。恩哈路喺中超合共上陣72場射入46球，效率相當高。最後時刻得以重返英超，並加盟傳統豪門曼聯，恩哈路表示係夢想成真。
曼聯今季進攻火力並不理想，最近更有主力前鋒拉舒福特受傷，可謂雪上加霜，因此急於簽入一位前鋒頂替，恩哈路作為曾經單季於英超射入16球嘅射手，處於30歲之齡，加上只屬外借性質，並非一個差嘅選擇，但評論反應不一。
加利尼維利直指呢宗交易反映曼聯管理不善，至今仍然未能處理盧卡古離隊留下嘅空缺：「盧卡古最近同我哋 (《Sky Sports》) 透露，佢早喺上年2/3月已經講明想走。距離呢個一月轉會窗開始之前已經9個月，球會可以尋找一個長遠可用嘅前鋒。結果佢哋只係喺轉會窗關閉前臨急抱佛腳。
恩哈路可能會踢得好好，佢可能適應得到而且幫曼聯入好多波。但個問題係球會一早就知道盧卡古同山齊士會離開，但一直未能喺轉會市場上做好工作。
睇返以前，曼聯簽過法卡奧、迪馬利亞，仲有其他，例如迪比，雖然佢當時仲好年輕，但呢啲前線球員都表現唔好。睇下利物浦、曼城、熱刺，然後比較下曼聯做咗啲乜。如果引援不力，最終球會需要付上代價。」
事實上，中超外援其中一個特色就係人工極高，根據網上資料顯示，曼聯借用恩哈路期間須要支付周薪高達30萬英鎊，比天價中場普巴嘅29萬鎊仲要高出1萬鎊。以前曾經因為山齊士人工高，而要求加薪嘅普巴，會唔會再有不滿情緒呢？今次恩哈路嘅人工問題，再一次反映曼聯隊內毫無薪酬架構可言，加利尼維利亦指出另一個問題：「一個好大嘅問題就係我都唔知過去7至8年係邊個負責引援工作，到底係咩人喺背後搵球員？」
Source: Sky Sports
1月轉會窗完結之前，曼聯宣布從中超球會上海申花借用恩哈路 (Odion Ighalo) 至季尾。30歲嘅恩哈路為前尼日利亞國腳，佢對於英超環境亦都唔陌生，2014-15英冠球季，佢上陣35場射入20球，協助屈福特由英冠升上英超，2015-16球季首次征戰英超亦有好表現，37場入16球。不過，只屬「一季貨仔」2016-17球季上陣18場只入1球，隨即於季中轉投中超長春亞泰，2019球季轉投上海申花。恩哈路喺中超合共上陣72場射入46球，效率相當高。最後時刻得以重返英超，並加盟傳統豪門曼聯，恩哈路表示係夢想成真。
曼聯今季進攻火力並不理想，最近更有主力前鋒拉舒福特受傷，可謂雪上加霜，因此急於簽入一位前鋒頂替，恩哈路作為曾經單季於英超射入16球嘅射手，處於30歲之齡，加上只屬外借性質，並非一個差嘅選擇，但評論反應不一。
加利尼維利直指呢宗交易反映曼聯管理不善，至今仍然未能處理盧卡古離隊留下嘅空缺：「盧卡古最近同我哋 (《Sky Sports》) 透露，佢早喺上年2/3月已經講明想走。距離呢個一月轉會窗開始之前已經9個月，球會可以尋找一個長遠可用嘅前鋒。結果佢哋只係喺轉會窗關閉前臨急抱佛腳。
恩哈路可能會踢得好好，佢可能適應得到而且幫曼聯入好多波。但個問題係球會一早就知道盧卡古同山齊士會離開，但一直未能喺轉會市場上做好工作。
睇返以前，曼聯簽過法卡奧、迪馬利亞，仲有其他，例如迪比，雖然佢當時仲好年輕，但呢啲前線球員都表現唔好。睇下利物浦、曼城、熱刺，然後比較下曼聯做咗啲乜。如果引援不力，最終球會需要付上代價。」
事實上，中超外援其中一個特色就係人工極高，根據網上資料顯示，曼聯借用恩哈路期間須要支付周薪高達30萬英鎊，比天價中場普巴嘅29萬鎊仲要高出1萬鎊。以前曾經因為山齊士人工高，而要求加薪嘅普巴，會唔會再有不滿情緒呢？今次恩哈路嘅人工問題，再一次反映曼聯隊內毫無薪酬架構可言，加利尼維利亦指出另一個問題：「一個好大嘅問題就係我都唔知過去7至8年係邊個負責引援工作，到底係咩人喺背後搵球員？」
Source: Sky Sports
請按此登錄後留言。未成為會員? 立即註冊