熱刺今個冬季轉會窗放走即將約滿嘅艾歷臣，簽入荷蘭翼鋒貝雲積 (Steven Bergwijn) ，碰上主力射手哈利簡尼養傷一段日子，熱刺仍希望引入一名中鋒球員。不過，根據《Sky Sports》報導，熱刺有機會先放走左閘丹尼路斯 (Danny Rose) 。
《Sky Sports》報導，紐卡素與熱刺已經達成協議，前者將借用丹尼路斯至季尾，交易不設買斷條款。報導稱，交易將於日內完成，令丹尼路斯可以參加當地時間星期五嘅紐卡素賽前操練，並隨隊於星期六主場迎戰諾域治。紐卡素主帥布魯士上星期受訪時，就公開大讚丹尼路斯有質素，但對交易成數不置可否。消息指，除紐卡素之外，般尼茅夫及屈福特近期都對丹尼路斯感到興趣，但最終由紐卡素贏得爭奪戰。
29歲嘅丹尼路斯初出道就已加盟熱刺，合共為球隊上陣214場，雖然衝擊力甚強，但一直被批評缺乏足球智慧及集中力。早前，有傳媒報導指目擊熱刺主帥摩連奴及丹尼路斯於訓練場上爭執，摩連奴其後否認，又稱丹尼路斯仍然喺佢計畫當中。
不過，丹尼路斯近幾仗已經再冇上陣，雖然熱刺一隊名單中只有兩名正宗左閘 (賓戴維斯、丹尼路斯) 及一名正宗右閘 (奧利亞) ，僅餘另一名左閘賓戴維斯正在養傷，摩連奴仍寧願起用年輕球員施斯隆 (Ryan Sessegnon) 及坦根加 (Japhet Tanganga) ，丹尼路斯近三仗都被剔出大名單之外。現時，熱刺喺缺乏具經驗正宗左閘之際，仍然決定外借丹尼路斯離隊，而且未有引援消息，反映丹尼路斯已經於陣中失去位置及失去摩連奴嘅信任，亦係坦根加及施斯隆伺機上位嘅時候。
Source: Sky Sports
《Sky Sports》報導，紐卡素與熱刺已經達成協議，前者將借用丹尼路斯至季尾，交易不設買斷條款。報導稱，交易將於日內完成，令丹尼路斯可以參加當地時間星期五嘅紐卡素賽前操練，並隨隊於星期六主場迎戰諾域治。紐卡素主帥布魯士上星期受訪時，就公開大讚丹尼路斯有質素，但對交易成數不置可否。消息指，除紐卡素之外，般尼茅夫及屈福特近期都對丹尼路斯感到興趣，但最終由紐卡素贏得爭奪戰。
29歲嘅丹尼路斯初出道就已加盟熱刺，合共為球隊上陣214場，雖然衝擊力甚強，但一直被批評缺乏足球智慧及集中力。早前，有傳媒報導指目擊熱刺主帥摩連奴及丹尼路斯於訓練場上爭執，摩連奴其後否認，又稱丹尼路斯仍然喺佢計畫當中。
不過，丹尼路斯近幾仗已經再冇上陣，雖然熱刺一隊名單中只有兩名正宗左閘 (賓戴維斯、丹尼路斯) 及一名正宗右閘 (奧利亞) ，僅餘另一名左閘賓戴維斯正在養傷，摩連奴仍寧願起用年輕球員施斯隆 (Ryan Sessegnon) 及坦根加 (Japhet Tanganga) ，丹尼路斯近三仗都被剔出大名單之外。現時，熱刺喺缺乏具經驗正宗左閘之際，仍然決定外借丹尼路斯離隊，而且未有引援消息，反映丹尼路斯已經於陣中失去位置及失去摩連奴嘅信任，亦係坦根加及施斯隆伺機上位嘅時候。
Source: Sky Sports
請按此登錄後留言。未成為會員? 立即註冊