祖赫特 (Joe Hart) 效力曼城多年，曾經係前英格蘭及曼城首席門將，協助球會贏過2屆聯賽冠軍、3個本地盃賽冠軍，個人取得4次英超金手套，估唔到哥迪奧拿執掌曼城就標誌咗祖赫特由天堂跌落地獄。最近發展極不如意嘅佢，被指淪落到要喺足球節目上公開sell自己，希望有球會邀請佢轉會。
現年32歲嘅祖赫特仍然處於門將嘅黃金年齡，以佢過往輝煌嘅經歷、榮譽，加上英人光環，理應仲有唔少球隊對佢有興趣，所以當佢因為不符合哥迪奧拿體系要求而出走時，冇人預計佢將會走向末路。不過，佢經過拖連奴、韋斯咸兩段外借生涯後，2018年正式由曼城轉會到般尼，希望乘般尼兩大門將希頓及普比養傷之際再次展現身價，但表現未有足夠說服力。祖赫特頭半季正選上陣，雖然並未犯下大錯，但似乎未能以一己之力改善般尼失球問題，後來希頓準備好復出，2018/19球季中段陷入低潮嘅般尼改由希頓把關，就即時反彈，只能夠話「時不與我」。
般尼今季雖然將希頓賣出，但就重點栽培普比，祖赫特只於本地盃賽上陣3場，共失7球，相信季尾合約屆滿嘅佢，極大機會離隊他投，只不過去到其他球會都有可能係做後備。星期日嘅英超比賽時段中，祖赫特以嘉賓身分於《BBC》足球直播節目上現身，透露對自己處境並不滿意：「感覺好差，但我只能默默接受，毋竟足球並冇欠我任何嘢。我曾經同舒利亞 (英格蘭名宿兼節目主持人之一) 講過呢個情況，而去努力挑戰呢個位置大有趣嘅。不過當你令自己去到一個位，你冇辦法做到自己相信可以做到嘅嘢，或者冇辦法做到自己想做嘅嘢，感覺真係令人沮喪。」
祖赫特繼續講：「好似阿祖安喺利物浦咁，佢哋一季有60場波要踢，所以喺嗰度做二號門將同我而家係兩回事。」
舒利亞馬上就話：「所以你想盡快返出嚟比賽？」祖赫特當然話係，然後連尼加 (英格蘭名宿兼節目主持人之一) 就幫佢一把：「同埋你合約今個季尾就完？」連尼加仲幫佢祖赫特力sell，指住祖赫特話「可以簽佢呀！」祖赫特就喺露齒而笑嘅臉旁舉起兩隻手指公，場面相當尷尬。
雖然祖赫特唔係親口對住鏡頭講叫人簽佢，而係由兩位前輩hard sell，但個場面令好多球迷覺得係「扯貓尾」，刻意安排祖赫特上節目，覺得係俾機會佢「搲撈」，更得罪部分般尼球迷。不過亦有球迷覺得冇問題，認為應該尊重祖赫特。
前英格蘭球星碧咸創立嘅邁阿密國際，已大致完成組班工作，將於新美職聯球季正式參戰。早前有傳碧咸有意邀請祖赫特約滿後登陸美職聯為球隊把關。現時英超20支球隊中，相信冇任何一支球隊特別需要祖赫特，所以邁阿密國際應該係佢最好嘅機會。
現年32歲嘅祖赫特仍然處於門將嘅黃金年齡，以佢過往輝煌嘅經歷、榮譽，加上英人光環，理應仲有唔少球隊對佢有興趣，所以當佢因為不符合哥迪奧拿體系要求而出走時，冇人預計佢將會走向末路。不過，佢經過拖連奴、韋斯咸兩段外借生涯後，2018年正式由曼城轉會到般尼，希望乘般尼兩大門將希頓及普比養傷之際再次展現身價，但表現未有足夠說服力。祖赫特頭半季正選上陣，雖然並未犯下大錯，但似乎未能以一己之力改善般尼失球問題，後來希頓準備好復出，2018/19球季中段陷入低潮嘅般尼改由希頓把關，就即時反彈，只能夠話「時不與我」。
般尼今季雖然將希頓賣出，但就重點栽培普比，祖赫特只於本地盃賽上陣3場，共失7球，相信季尾合約屆滿嘅佢，極大機會離隊他投，只不過去到其他球會都有可能係做後備。星期日嘅英超比賽時段中，祖赫特以嘉賓身分於《BBC》足球直播節目上現身，透露對自己處境並不滿意：「感覺好差，但我只能默默接受，毋竟足球並冇欠我任何嘢。我曾經同舒利亞 (英格蘭名宿兼節目主持人之一) 講過呢個情況，而去努力挑戰呢個位置大有趣嘅。不過當你令自己去到一個位，你冇辦法做到自己相信可以做到嘅嘢，或者冇辦法做到自己想做嘅嘢，感覺真係令人沮喪。」
祖赫特繼續講：「好似阿祖安喺利物浦咁，佢哋一季有60場波要踢，所以喺嗰度做二號門將同我而家係兩回事。」
舒利亞馬上就話：「所以你想盡快返出嚟比賽？」祖赫特當然話係，然後連尼加 (英格蘭名宿兼節目主持人之一) 就幫佢一把：「同埋你合約今個季尾就完？」連尼加仲幫佢祖赫特力sell，指住祖赫特話「可以簽佢呀！」祖赫特就喺露齒而笑嘅臉旁舉起兩隻手指公，場面相當尷尬。
雖然祖赫特唔係親口對住鏡頭講叫人簽佢，而係由兩位前輩hard sell，但個場面令好多球迷覺得係「扯貓尾」，刻意安排祖赫特上節目，覺得係俾機會佢「搲撈」，更得罪部分般尼球迷。不過亦有球迷覺得冇問題，認為應該尊重祖赫特。
前英格蘭球星碧咸創立嘅邁阿密國際，已大致完成組班工作，將於新美職聯球季正式參戰。早前有傳碧咸有意邀請祖赫特約滿後登陸美職聯為球隊把關。現時英超20支球隊中，相信冇任何一支球隊特別需要祖赫特，所以邁阿密國際應該係佢最好嘅機會。
請按此登錄後留言。未成為會員? 立即註冊