西甲近年嘅三頭馬車巴塞隆拿、皇家馬德里、馬德里體育會，今季表現都唔係特別出色，直至現在，皇馬已經有7場聯賽和波，巴塞更已經輸4場，但呢兩間豪門始終爛船都有三斤釘，仍然佔據西甲榜頭兩位。馬體會相比之下就更加失色喇，佢哋喺今輪聯賽後只係排第五位。佢哋今場比賽嘅對手雷加利斯就直頭係水深火熱，僅排尾二，要為護級而努力，難怪今場搞出一場大龍鳳，力求守和馬體會。
要作客面對近年西甲三強之一嘅馬體會，對護級分子雷加利斯嚟講，絕對係一場硬仗，但佢哋都唔係一味捱打。比賽開段，雷加利斯甚至一度採取主動，不乏攻門機會，後來雙方繼續拉鋸，始終未有出現入球。去到比賽尾段，雷加利斯見看1分在望，更加著意保住和局，開始要諗辦法拖延時間。
雷加利斯門將古拿 (Picchu Cuéllar) 就示範咗咩叫施展渾身解數去拖時間。見過有門將用詐傷、綁鞋帶等等方法去拖時間，但古拿都算有創意。比賽進入補時階段，馬體會攻門出界，雷加利斯門將古拿準備拎返個波開龍門球，佢第一時間去到底線一面，主場球僮當然都第一時間將個波拋俾佢，當係緊張主隊或者正常執行一般球僮職責都好啦，但古拿竟然同球僮做個one-two，第一時間將個波彈返俾呢位球僮。球僮作為馬體會一分子，都有少少嬲 (唔排除受到挑釁)，輕輕推咗古拿一下。
古拿即時成個彈開，轆落地下，球證見到之後過嚟俾黃牌古拿，由於佢本身已經有一面黃牌喺身，即係佢兩黃一紅被逐，好彩當時已經係93分鐘，補時只剩1分鐘，用盡換人名額嘅雷加利斯需要由中堅莊拿芬施華 (Jonathan Silva) 頂替門將位置嘅時間唔多。
球證俾呢面黃牌，有兩個可能性：第一係佢清楚睇到古拿將個波拋返俾球僮，呢一下已經構成明顯拖延時間，值得俾黃牌；第二係佢俾一個14歲嘅球僮輕輕一推就轆落地下，同樣係明顯拖延時間，甚至可能牽涉插水、不君子行為等違規行為。總之，球證判決喺網上得到大致好評，球迷都認為佢明察秋毫。當然，不論乜嘢情況之下，呢位球僮出手推客軍球員都係有唔啱，有可能被輕微處罰，但大部分球迷都會同情及理解佢嘅反應，反而古拿就喺網上備受批評，指佢利用一名球僮去拖時間，仲要誇大反應，認為佢好冇體育精神。
不過點都好，古拿都係為咗幫助雷加利斯以0-0賽和馬體會，拎到重要一分，而且佢已經受到懲罰，但佢嘅演出其實仲未完，佢喺離開時又慢慢行出去，繼續盡力拖，引起馬體會球員不滿，仲同莫拉達有衝突，然後又跌咗落地，嗰種不惜一切，真係要寫個「服」字俾你，但下次拖時間就唔好咁明顯喇！
Source: sportbible
要作客面對近年西甲三強之一嘅馬體會，對護級分子雷加利斯嚟講，絕對係一場硬仗，但佢哋都唔係一味捱打。比賽開段，雷加利斯甚至一度採取主動，不乏攻門機會，後來雙方繼續拉鋸，始終未有出現入球。去到比賽尾段，雷加利斯見看1分在望，更加著意保住和局，開始要諗辦法拖延時間。
雷加利斯門將古拿 (Picchu Cuéllar) 就示範咗咩叫施展渾身解數去拖時間。見過有門將用詐傷、綁鞋帶等等方法去拖時間，但古拿都算有創意。比賽進入補時階段，馬體會攻門出界，雷加利斯門將古拿準備拎返個波開龍門球，佢第一時間去到底線一面，主場球僮當然都第一時間將個波拋俾佢，當係緊張主隊或者正常執行一般球僮職責都好啦，但古拿竟然同球僮做個one-two，第一時間將個波彈返俾呢位球僮。球僮作為馬體會一分子，都有少少嬲 (唔排除受到挑釁)，輕輕推咗古拿一下。
古拿即時成個彈開，轆落地下，球證見到之後過嚟俾黃牌古拿，由於佢本身已經有一面黃牌喺身，即係佢兩黃一紅被逐，好彩當時已經係93分鐘，補時只剩1分鐘，用盡換人名額嘅雷加利斯需要由中堅莊拿芬施華 (Jonathan Silva) 頂替門將位置嘅時間唔多。
球證俾呢面黃牌，有兩個可能性：第一係佢清楚睇到古拿將個波拋返俾球僮，呢一下已經構成明顯拖延時間，值得俾黃牌；第二係佢俾一個14歲嘅球僮輕輕一推就轆落地下，同樣係明顯拖延時間，甚至可能牽涉插水、不君子行為等違規行為。總之，球證判決喺網上得到大致好評，球迷都認為佢明察秋毫。當然，不論乜嘢情況之下，呢位球僮出手推客軍球員都係有唔啱，有可能被輕微處罰，但大部分球迷都會同情及理解佢嘅反應，反而古拿就喺網上備受批評，指佢利用一名球僮去拖時間，仲要誇大反應，認為佢好冇體育精神。
不過點都好，古拿都係為咗幫助雷加利斯以0-0賽和馬體會，拎到重要一分，而且佢已經受到懲罰，但佢嘅演出其實仲未完，佢喺離開時又慢慢行出去，繼續盡力拖，引起馬體會球員不滿，仲同莫拉達有衝突，然後又跌咗落地，嗰種不惜一切，真係要寫個「服」字俾你，但下次拖時間就唔好咁明顯喇！
Source: sportbible
請按此登錄後留言。未成為會員? 立即註冊