電子遊戲或多或少都總會有啲bugs，好受歡迎嘅《FIFA》系列都唔例外，每一集都有玩家發布中bugs影片，情況包括模型崩潰、球員動作怪異等等，不過筆者本人就從來冇遇過。
最近，一名《FIFA》玩家就發現一個超級離奇嘅bug，原來唔係只得英超球證同VAR會有離譜判罰，連《FIFA》嘅球證都出現「黑哨」情況。
Reddit用戶Frozen_Marmalade喺論壇入面上載一條影片，投訴受到「球證」不公平對待，佢話「咩話？竟然因為射失而被逐？」
睇返條片，呢位玩家使用紅橙間條球衣嘅巴拉福特，佢開出進攻角球，一名隊員升起迎頂高出。鏡頭一轉，球證衝過嚟出示紅牌，將跳頂不中嘅呢位球員趕出場，同場加映對手嘅蒙維爾過嚟投訴，指責呢位球員嘅行為。
https://streamable.com/lwysv
下方留言嘅其他網民幾乎一面倒企喺球證嗰邊，佢哋話「呢個球員咁無恥，竟然嘗試用頭槌入波」、「呢個球員好卑鄙，唔配踢足球，佢應該為自己嘅行為感到羞恥」、「球證冇其他選擇」、「咁都唔入，抵啦」、「佢一定係唔入之後講粗口」，就連遊戲入面嘅旁述都話「睇下呢個犯規，球證真係冇得揀呀」。相信玩家睇到呢啲留言都會哭笑不得。
Source: Reddit
最近，一名《FIFA》玩家就發現一個超級離奇嘅bug，原來唔係只得英超球證同VAR會有離譜判罰，連《FIFA》嘅球證都出現「黑哨」情況。
Reddit用戶Frozen_Marmalade喺論壇入面上載一條影片，投訴受到「球證」不公平對待，佢話「咩話？竟然因為射失而被逐？」
睇返條片，呢位玩家使用紅橙間條球衣嘅巴拉福特，佢開出進攻角球，一名隊員升起迎頂高出。鏡頭一轉，球證衝過嚟出示紅牌，將跳頂不中嘅呢位球員趕出場，同場加映對手嘅蒙維爾過嚟投訴，指責呢位球員嘅行為。
https://streamable.com/lwysv
下方留言嘅其他網民幾乎一面倒企喺球證嗰邊，佢哋話「呢個球員咁無恥，竟然嘗試用頭槌入波」、「呢個球員好卑鄙，唔配踢足球，佢應該為自己嘅行為感到羞恥」、「球證冇其他選擇」、「咁都唔入，抵啦」、「佢一定係唔入之後講粗口」，就連遊戲入面嘅旁述都話「睇下呢個犯規，球證真係冇得揀呀」。相信玩家睇到呢啲留言都會哭笑不得。
Source: Reddit
請按此登錄後留言。未成為會員? 立即註冊