意大利球星巴洛迪利 (Mario Balotelli) 係球壇出名嘅壞孩子，佢嘅行為好多時都係難以理解。曾經喺國際米蘭同佢合作嘅摩連奴，喺一次訪問中就表示，喺一場比賽中，巴洛迪利完半場前拎到黃牌，令佢喺中場休息時花費14分鐘勸巴洛迪利冷靜，避免拎到第二面黃牌，結果「巴神」下半場一出去就兩黃一紅，令人哭笑不得。29歲嘅佢近年看似漸趨成熟，但最近就累積到個人職業生涯第12次被逐，以一個前鋒嚟講都相當特別。
「巴神」今季重返意大利，效力家鄉球會、意甲升班馬布雷西亞，一度受種族歧視問題困擾，但佢反應都尚算克制，而且表現唔太差，15場意甲射入5球，係隊內神射手。不過，「巴神」上仗就再一次被趕出場。
星期日意甲比賽，布雷西亞於主場迎戰卡利亞里，巴洛迪利於74分鐘後備上陣，當時雙方踢成2-2平手。81分鐘，「巴神」喺中線同對手爭奪高空球，但佢腳舉過高被球證吹罰兼以黃牌警告。「巴神」憤怒地向球證投訴，結果球證馬上出示紅牌將「巴神」趕出場。翻查片段及意甲官方紀錄，「巴神」並非兩黃一紅被逐，而係領到黃牌後再直接被罰紅牌。
幸好，球隊最終維持2-2賽果，主帥哥連尼 (Eugenio Corini) 未有責怪「巴神」，佢認為該面引發事件嘅黃牌過嚴：「呢個係不幸嘅事件，我哋都認為一開始嗰面黃牌已經過嚴。佢只係向皮球起跳，睇唔到後面有對手衝過嚟。好可惜，我哋最後10分鐘要以10人應戰，冇辦法利用巴洛迪利喺場上嘅優勢。」
https://youtu.be/ETgRpZCUmZw
Source: Sky Sports
「巴神」今季重返意大利，效力家鄉球會、意甲升班馬布雷西亞，一度受種族歧視問題困擾，但佢反應都尚算克制，而且表現唔太差，15場意甲射入5球，係隊內神射手。不過，「巴神」上仗就再一次被趕出場。
星期日意甲比賽，布雷西亞於主場迎戰卡利亞里，巴洛迪利於74分鐘後備上陣，當時雙方踢成2-2平手。81分鐘，「巴神」喺中線同對手爭奪高空球，但佢腳舉過高被球證吹罰兼以黃牌警告。「巴神」憤怒地向球證投訴，結果球證馬上出示紅牌將「巴神」趕出場。翻查片段及意甲官方紀錄，「巴神」並非兩黃一紅被逐，而係領到黃牌後再直接被罰紅牌。
幸好，球隊最終維持2-2賽果，主帥哥連尼 (Eugenio Corini) 未有責怪「巴神」，佢認為該面引發事件嘅黃牌過嚴：「呢個係不幸嘅事件，我哋都認為一開始嗰面黃牌已經過嚴。佢只係向皮球起跳，睇唔到後面有對手衝過嚟。好可惜，我哋最後10分鐘要以10人應戰，冇辦法利用巴洛迪利喺場上嘅優勢。」
https://youtu.be/ETgRpZCUmZw
Source: Sky Sports
請按此登錄後留言。未成為會員? 立即註冊