熟悉英格蘭足球嘅球迷都知道，當地有四級職業聯賽，又高至低分別係英超、英冠、英甲、英乙，其中英超地位超然，由獨立英超賽會管理，其餘三級聯賽由英格蘭聯賽會 (English Football League) 管理，統稱為EFL，例如一般稱為英冠嘅第二級聯賽，正式名稱就叫做 EFL Championship (獲贊助後被冠名為 Sky Bet Championship)。
踏入2020年，開展一個新嘅10年，唔少文章都回顧過去10年球圈嘅大小事。著名足球雜誌《FourFourTwo》就刊出一個列表，羅列 EFL 三級聯賽近10年累積分數排名，筆者發現相當有趣，特意同大家簡單介紹一下榜首呢間球會。
《FourFourTwo》一篇網上文章《Ranked! Every EFL team of the 2010s, by total points》，列出咗由2010年1月1日至到2019年12月31日之間，曾經參加英冠、英甲、英乙嘅所有球隊取得嘅分數。由於係整個10年計算，可以想像，一支球隊如果喺呢個榜上總得分好少，一般有兩種可能：第一，佢係長期低於英乙，間中升上英乙；第二，佢係長期高於英冠，間中由英超跌落英冠。所以，總得分最少嘅5支球隊，包括過去10年主要喺英超比賽，但曾經降班嘅韋斯咸及史篤城，同時包括新晉勢力、由曼聯「七小福」投資嘅沙福城。
相反，喺呢個榜上總得分好多嘅球隊，意味著佢哋實力不俗，但有長期流喺EFL聯賽系統，唔上唔落，其中嘅佼佼者包括老牌球會錫菲聯 (第2位) 及列斯聯 (第5位) ，前者奮戰多年今季終於算上英超，後者已連續第10季出戰英冠，今季暫時排榜首。不過佢哋都唔係呢個10年嘅榜首，真正嘅EFL「霸主」係從未踢過英超嘅賓福特 (Brentford F.C.) ，認真估你唔到。
拯救賓福特全靠一名職業賭徒？
事實上，長期於英冠英甲打滾嘅賓福特，不僅從未踢過1992成立至今嘅英超，佢哋直頭係已經73個球季未踢過英格蘭頂級聯賽，對上一次參加頂級聯賽已經係1946-47年英甲，但佢哋該季寫下平球會歷史紀錄26場聯賽敗仗，以尾二成績降班，之後就未試過升上頂級聯賽。點解一支擁有130年歷史、又位於大倫敦地區嘅球隊會搞成咁？
都係離不開金錢同運氣。需知道一間球會嘅發展，由投入資金去到見到成績，係一個以10年計嘅project (甚至更長) ，但賓福特始終無法脫離身為小球會嘅循環，球場細、球迷基礎細、商業吸引力低、收入少、無力發展球會基建，佢哋更加大約每隔20年左右就會出現財困，繼而競技水平下滑，然後反彈重建，穩定幾年，然後又財困，所以載浮載沉，始終累積唔到足夠升班嘅實力。
近年情況似有扭轉，自2014-15重新升上英冠，賓福特連續5季保持於英冠中游或以上，暫時更排英冠第3位，有力競爭升班資格，現任班主 Matthew Benham 嘅注資可謂相當關鍵。 Matthew Benham 係一位牛津物理畢業生，佢運用數學及統計學知識成為一名職業賭徒並且致富，後來更成立兩間公司，一間係網上賭博平台，另一間係足球數據分析公司，同樣取得成功。一直熱愛足球嘅佢，其實早於11歲已經因為喺現場睇波而愛上賓福特，導致佢喺生意成功後，於2009年注資收購呢間球會，佢喺2014年更入主丹麥勁旅米迪蘭特，兩間球會自此緊密合作，賓福特現時不但由丹麥主帥 Thomas Frank 執教，陣中亦有6名丹麥球員，另有5名B隊或被外借丹麥球員。有指班主 Matthew Benham 同樣將數據分析應用於球會管理上，到底賓福特會唔會喺佢手中漸漸進步，甚至爭取到70幾年嚟第一次升上頂級聯賽呢？定係呢個只不過係佢哋浮沉週期嘅一部分？今季繼續密切留意！
Source: FFT
Matthew Benham – A Successful Bloke In the World of Online Gambling
踏入2020年，開展一個新嘅10年，唔少文章都回顧過去10年球圈嘅大小事。著名足球雜誌《FourFourTwo》就刊出一個列表，羅列 EFL 三級聯賽近10年累積分數排名，筆者發現相當有趣，特意同大家簡單介紹一下榜首呢間球會。
《FourFourTwo》一篇網上文章《Ranked! Every EFL team of the 2010s, by total points》，列出咗由2010年1月1日至到2019年12月31日之間，曾經參加英冠、英甲、英乙嘅所有球隊取得嘅分數。由於係整個10年計算，可以想像，一支球隊如果喺呢個榜上總得分好少，一般有兩種可能：第一，佢係長期低於英乙，間中升上英乙；第二，佢係長期高於英冠，間中由英超跌落英冠。所以，總得分最少嘅5支球隊，包括過去10年主要喺英超比賽，但曾經降班嘅韋斯咸及史篤城，同時包括新晉勢力、由曼聯「七小福」投資嘅沙福城。
相反，喺呢個榜上總得分好多嘅球隊，意味著佢哋實力不俗，但有長期流喺EFL聯賽系統，唔上唔落，其中嘅佼佼者包括老牌球會錫菲聯 (第2位) 及列斯聯 (第5位) ，前者奮戰多年今季終於算上英超，後者已連續第10季出戰英冠，今季暫時排榜首。不過佢哋都唔係呢個10年嘅榜首，真正嘅EFL「霸主」係從未踢過英超嘅賓福特 (Brentford F.C.) ，認真估你唔到。
拯救賓福特全靠一名職業賭徒？
事實上，長期於英冠英甲打滾嘅賓福特，不僅從未踢過1992成立至今嘅英超，佢哋直頭係已經73個球季未踢過英格蘭頂級聯賽，對上一次參加頂級聯賽已經係1946-47年英甲，但佢哋該季寫下平球會歷史紀錄26場聯賽敗仗，以尾二成績降班，之後就未試過升上頂級聯賽。點解一支擁有130年歷史、又位於大倫敦地區嘅球隊會搞成咁？
都係離不開金錢同運氣。需知道一間球會嘅發展，由投入資金去到見到成績，係一個以10年計嘅project (甚至更長) ，但賓福特始終無法脫離身為小球會嘅循環，球場細、球迷基礎細、商業吸引力低、收入少、無力發展球會基建，佢哋更加大約每隔20年左右就會出現財困，繼而競技水平下滑，然後反彈重建，穩定幾年，然後又財困，所以載浮載沉，始終累積唔到足夠升班嘅實力。
近年情況似有扭轉，自2014-15重新升上英冠，賓福特連續5季保持於英冠中游或以上，暫時更排英冠第3位，有力競爭升班資格，現任班主 Matthew Benham 嘅注資可謂相當關鍵。 Matthew Benham 係一位牛津物理畢業生，佢運用數學及統計學知識成為一名職業賭徒並且致富，後來更成立兩間公司，一間係網上賭博平台，另一間係足球數據分析公司，同樣取得成功。一直熱愛足球嘅佢，其實早於11歲已經因為喺現場睇波而愛上賓福特，導致佢喺生意成功後，於2009年注資收購呢間球會，佢喺2014年更入主丹麥勁旅米迪蘭特，兩間球會自此緊密合作，賓福特現時不但由丹麥主帥 Thomas Frank 執教，陣中亦有6名丹麥球員，另有5名B隊或被外借丹麥球員。有指班主 Matthew Benham 同樣將數據分析應用於球會管理上，到底賓福特會唔會喺佢手中漸漸進步，甚至爭取到70幾年嚟第一次升上頂級聯賽呢？定係呢個只不過係佢哋浮沉週期嘅一部分？今季繼續密切留意！
Source: FFT
Matthew Benham – A Successful Bloke In the World of Online Gambling
請按此登錄後留言。未成為會員? 立即註冊