德甲拜仁慕尼黑作為國內班霸，大部分德國球員自少夢想就係加盟呢支豪門，甚至於聯賽長年有力挑戰拜仁地位嘅「傳統德甲二哥」多蒙特，球員都同樣希望為拜仁效力，利雲度夫斯基、侯姆斯 (拜仁青訓) 、葛斯 (多蒙特青訓) ，都曾經因為拜仁得到招手，而甘願背上罵名，離開成名地。
德甲其中一個有趣現象，就係拜仁往往可以用低於市場價格收購其他德甲球會嘅主力球員或明日之星，甚至係自由身免費加盟，例如利雲度夫斯基及哥列斯卡，兩位球星如果係其他球會要喺轉會市場上出價，當時都一定所費不菲。呢啲都牽涉球員本人嘅個人決定及生涯規劃，旁人嘅批判冇太大意思。不過，客觀去睇，呢啲例子就反映咗拜仁嘅魅力，對於旁人嘅講係強到令人難以理解，好似今次主角紐布，為咗成為「紐亞接班人」，甘願放棄自身唔錯嘅待遇去「追夢」。
史浩克04門將紐布 (Alexander Nübel) 近日獲拜仁官方宣布，將於球季結束後以自由身加盟。佢年紀輕輕已經被國內球圈人士睇好，認為佢潛質優厚，獲封為「新紐亞」。紐布上季中段開始取得史浩克04正選門將之位，至今一直為球隊把守大門，23歲嘅佢更獲任命為隊長。由於佢將於今季結束後合約完結，史浩克04一直嘗試與佢續約，都未能成功。
根據德國傳媒《Sport1》報導，紐布上次簽約時仍然係一般年青球員，年薪只有60萬歐元，史浩克04開出年薪700萬歐元希望佢簽下新合約，但紐布一心轉投拜仁，竟寧願接受拜仁較低嘅550萬年薪，證明金錢並非佢加盟拜仁嘅主要因素。
競技因素方面，拜仁一號門將仍然係地位穩如泰山嘅紐亞，紐布加盟拜仁後只會成為二號門將，於後備席上候命。德國傳媒早已報導，拜仁會方提出希望一號門將紐亞下季上陣次數減少，讓出15場聯賽正選機會用作培養紐布，但遭到紐亞拒絕。更甚者，紐布與史浩克04決裂，球會已收回佢嘅隊長臂章，亦有傳言指今季餘下賽事都會由21歲門將舒拔 (Markus Schubert) 把關，令紐布要坐足半季。坐足半季後，去到拜仁又要做後備，球壇年中都唔知有多少新星因此而漸漸越踢越沉，慢慢消失於人前。至少，紐布認為呢個風險佢願意賭。
國家隊方面，「一哥」紐亞現年33歲，門將嚟講年紀唔算太大，即使上一兩季佢表現大跌watt或長期養傷，返到國家隊仍然穩如泰山，令外間對於喺巴塞隆拿持續有世界級表現嘅「二哥」達史迪根心感不忿，「三哥」尼奴效力嘅球隊阿仙奴過去半季表現差勁但佢嘅個人把關能力亦證明相當不俗。達史迪根同尼奴都只有27歲，即使紐亞退下來，紐布最起碼仲要排喺達史迪根身後，或者佢寄望到時候已經成為拜仁一號門將嘅自己，可以因此同達史迪根爭奪國家隊正選。
拜仁未來仲會免費簽入咩人？相信陸續有嚟！
Source: Sport1, en24, DW, BleacherReport
德甲其中一個有趣現象，就係拜仁往往可以用低於市場價格收購其他德甲球會嘅主力球員或明日之星，甚至係自由身免費加盟，例如利雲度夫斯基及哥列斯卡，兩位球星如果係其他球會要喺轉會市場上出價，當時都一定所費不菲。呢啲都牽涉球員本人嘅個人決定及生涯規劃，旁人嘅批判冇太大意思。不過，客觀去睇，呢啲例子就反映咗拜仁嘅魅力，對於旁人嘅講係強到令人難以理解，好似今次主角紐布，為咗成為「紐亞接班人」，甘願放棄自身唔錯嘅待遇去「追夢」。
史浩克04門將紐布 (Alexander Nübel) 近日獲拜仁官方宣布，將於球季結束後以自由身加盟。佢年紀輕輕已經被國內球圈人士睇好，認為佢潛質優厚，獲封為「新紐亞」。紐布上季中段開始取得史浩克04正選門將之位，至今一直為球隊把守大門，23歲嘅佢更獲任命為隊長。由於佢將於今季結束後合約完結，史浩克04一直嘗試與佢續約，都未能成功。
根據德國傳媒《Sport1》報導，紐布上次簽約時仍然係一般年青球員，年薪只有60萬歐元，史浩克04開出年薪700萬歐元希望佢簽下新合約，但紐布一心轉投拜仁，竟寧願接受拜仁較低嘅550萬年薪，證明金錢並非佢加盟拜仁嘅主要因素。
競技因素方面，拜仁一號門將仍然係地位穩如泰山嘅紐亞，紐布加盟拜仁後只會成為二號門將，於後備席上候命。德國傳媒早已報導，拜仁會方提出希望一號門將紐亞下季上陣次數減少，讓出15場聯賽正選機會用作培養紐布，但遭到紐亞拒絕。更甚者，紐布與史浩克04決裂，球會已收回佢嘅隊長臂章，亦有傳言指今季餘下賽事都會由21歲門將舒拔 (Markus Schubert) 把關，令紐布要坐足半季。坐足半季後，去到拜仁又要做後備，球壇年中都唔知有多少新星因此而漸漸越踢越沉，慢慢消失於人前。至少，紐布認為呢個風險佢願意賭。
國家隊方面，「一哥」紐亞現年33歲，門將嚟講年紀唔算太大，即使上一兩季佢表現大跌watt或長期養傷，返到國家隊仍然穩如泰山，令外間對於喺巴塞隆拿持續有世界級表現嘅「二哥」達史迪根心感不忿，「三哥」尼奴效力嘅球隊阿仙奴過去半季表現差勁但佢嘅個人把關能力亦證明相當不俗。達史迪根同尼奴都只有27歲，即使紐亞退下來，紐布最起碼仲要排喺達史迪根身後，或者佢寄望到時候已經成為拜仁一號門將嘅自己，可以因此同達史迪根爭奪國家隊正選。
拜仁未來仲會免費簽入咩人？相信陸續有嚟！
Source: Sport1, en24, DW, BleacherReport
請按此登錄後留言。未成為會員? 立即註冊