揹住「英格蘭新星」銜頭嘅球員，咁多年嚟都唔少，其中可以話有大部分都係無疾而終，比較好嘅仲可以喺英超中小型班生存，但落到低組別穩食嘅都唔少，曾經吸引曼城嘅積洛維 (Jack Rodwell) 就係成為「失蹤人口」嘅一分子。
積洛維於愛華頓出道，於青年軍時期多擔任中堅嘅佢，兼具防守能力及長傳用波能力，因此升上一隊後主要司職防守中場，年僅16歲就代表愛華頓出戰歐霸前身歐洲足協盃 (2007)，被視為新一代英格蘭超新星。2012年，積洛維吸引曼城以1200萬英鎊收購，但當時曼城陣中已經擁有耶耶托尼、大衛施華、占士米拿、加利夫巴利、拿斯利等中場，加上傷患問題，積洛維全季只於聯賽6次正選5次後備上陣。苦等兩年，最終積洛維只為曼城於英超披甲16場，但新特蘭2014年仍花費約1000萬鎊將佢簽下。
不過，經歷長時間缺乏比賽狀態後，積洛維喺新特蘭亦冇出色表現，更錄得個人正選上陣連續39場英超不勝，而新特蘭喺2017-18球季降落英冠，積洛維喺英冠半季亦得唔到上陣機會，球隊中場出現傷兵潮時，佢亦恰好受傷，錯過證明自己嘅機會，去到一月隨即提出離隊，最後全季只於英冠上陣2場；直到季尾，新特蘭降落英甲，球會正式與積洛維解約。不過，成為毒瘤嘅佢，又成功吸引另一英冠球會布力般流浪嘅招攬，上個球季於英冠上陣21場，季尾約滿離隊。
神奇嘅係，28歲嘅佢雖然有過一大段失敗經歷，去到10月底，《Guardian》報導積洛維去到意甲球會羅馬試腳，由於球會當時正經歷中場傷兵潮，報導指佢將會進行體測準備簽約，但最終未有成事。直到最近，《Sky Sports》經錫菲聯主帥基斯禾達 (Chris Wilder) 證實，積洛維正於錫菲聯試腳，基斯禾達更大讚呢位英格蘭中場，坦言有機會於一月將佢簽下：「佢明顯係一個十分有天賦嘅球員，應該喺英超得到常規上陣機會，只係因為某啲原因而冇呢個機會。佢嚟試腳呢幾日，態度十分良好。佢考慮緊我哋，我哋亦考慮緊佢，要睇下佢有幾健康。」
報導刊出後，曾經係「苦主」嘅新特蘭球迷就表示基斯禾達嘅讚賞相當可笑，佢哋認為積洛維當年喺新特蘭嘅態度相當差，認為基斯禾達話佢態度好係「可悲的笑話」。
Source: Sky Sports
積洛維於愛華頓出道，於青年軍時期多擔任中堅嘅佢，兼具防守能力及長傳用波能力，因此升上一隊後主要司職防守中場，年僅16歲就代表愛華頓出戰歐霸前身歐洲足協盃 (2007)，被視為新一代英格蘭超新星。2012年，積洛維吸引曼城以1200萬英鎊收購，但當時曼城陣中已經擁有耶耶托尼、大衛施華、占士米拿、加利夫巴利、拿斯利等中場，加上傷患問題，積洛維全季只於聯賽6次正選5次後備上陣。苦等兩年，最終積洛維只為曼城於英超披甲16場，但新特蘭2014年仍花費約1000萬鎊將佢簽下。
不過，經歷長時間缺乏比賽狀態後，積洛維喺新特蘭亦冇出色表現，更錄得個人正選上陣連續39場英超不勝，而新特蘭喺2017-18球季降落英冠，積洛維喺英冠半季亦得唔到上陣機會，球隊中場出現傷兵潮時，佢亦恰好受傷，錯過證明自己嘅機會，去到一月隨即提出離隊，最後全季只於英冠上陣2場；直到季尾，新特蘭降落英甲，球會正式與積洛維解約。不過，成為毒瘤嘅佢，又成功吸引另一英冠球會布力般流浪嘅招攬，上個球季於英冠上陣21場，季尾約滿離隊。
神奇嘅係，28歲嘅佢雖然有過一大段失敗經歷，去到10月底，《Guardian》報導積洛維去到意甲球會羅馬試腳，由於球會當時正經歷中場傷兵潮，報導指佢將會進行體測準備簽約，但最終未有成事。直到最近，《Sky Sports》經錫菲聯主帥基斯禾達 (Chris Wilder) 證實，積洛維正於錫菲聯試腳，基斯禾達更大讚呢位英格蘭中場，坦言有機會於一月將佢簽下：「佢明顯係一個十分有天賦嘅球員，應該喺英超得到常規上陣機會，只係因為某啲原因而冇呢個機會。佢嚟試腳呢幾日，態度十分良好。佢考慮緊我哋，我哋亦考慮緊佢，要睇下佢有幾健康。」
報導刊出後，曾經係「苦主」嘅新特蘭球迷就表示基斯禾達嘅讚賞相當可笑，佢哋認為積洛維當年喺新特蘭嘅態度相當差，認為基斯禾達話佢態度好係「可悲的笑話」。
Source: Sky Sports
請按此登錄後留言。未成為會員? 立即註冊