繼前德國國腳奧斯爾「傷害14億中國人民感情」之後，又輪到德國老牌球會科隆。最近，原定將會於中國瀋陽成立足球學校嘅德甲球會科隆，於官方網站上發表聲明，宣布擱置項目，引來大批中國網民惡言攻擊。
跟據《Guardian》報導，科隆曾經計畫於中國瀋陽成立足球學校，合作計畫由中方支付約180萬歐元，不過計畫於今年夏天暫停，直至12月18日正式擱置。
據悉，擱置計畫嘅決定係同近日奧斯爾聲援維吾爾族人權狀況及被封殺事件有關。科隆其中一名董事會成員 Stefan Müller-Römer 向科隆傳媒透露自己反對有關項目嘅原因：
「我明白德國唔能夠完全唔同中國合作，兩國互有來往，但我哋喺體育層面上唔需要中國，我堅持呢一點。
中國嘅人權問題被嚴重忽視。佢哋已經建立全方位監控國家，比 George Orwell (《一九八四》作者) 想像嘅情況更差。我跟進中國發展情況已超過20年，去過當地幾次。我知道自己講緊乜。
因此我認為科隆球會唔應該喺嗰度有一席之地。為咗賺錢而不擇手段唔係我哋作風。除咗係唔係真係賺到錢係一個疑問之外，有其他嘢比金錢重要。作為一個於社會上活躍嘅非牟利機構，我哋唔能夠支持一個殘暴及極權主義嘅獨裁統治。」
科隆主席 Werner Wolf 就回應，指 Stefan Müller-Römer 只係發表個人言論，並不代表球會整體立場，強調球會決定完全係基於體育因素。
喺中國，「科隆足球俱乐部」微博轉載有關消息，隨即有大量中國網民於帖內留言攻擊德國人為納粹分子，甚至詛咒科隆出現空難。
Source: Guardian
跟據《Guardian》報導，科隆曾經計畫於中國瀋陽成立足球學校，合作計畫由中方支付約180萬歐元，不過計畫於今年夏天暫停，直至12月18日正式擱置。
據悉，擱置計畫嘅決定係同近日奧斯爾聲援維吾爾族人權狀況及被封殺事件有關。科隆其中一名董事會成員 Stefan Müller-Römer 向科隆傳媒透露自己反對有關項目嘅原因：
「我明白德國唔能夠完全唔同中國合作，兩國互有來往，但我哋喺體育層面上唔需要中國，我堅持呢一點。
中國嘅人權問題被嚴重忽視。佢哋已經建立全方位監控國家，比 George Orwell (《一九八四》作者) 想像嘅情況更差。我跟進中國發展情況已超過20年，去過當地幾次。我知道自己講緊乜。
因此我認為科隆球會唔應該喺嗰度有一席之地。為咗賺錢而不擇手段唔係我哋作風。除咗係唔係真係賺到錢係一個疑問之外，有其他嘢比金錢重要。作為一個於社會上活躍嘅非牟利機構，我哋唔能夠支持一個殘暴及極權主義嘅獨裁統治。」
科隆主席 Werner Wolf 就回應，指 Stefan Müller-Römer 只係發表個人言論，並不代表球會整體立場，強調球會決定完全係基於體育因素。
喺中國，「科隆足球俱乐部」微博轉載有關消息，隨即有大量中國網民於帖內留言攻擊德國人為納粹分子，甚至詛咒科隆出現空難。
Source: Guardian
請按此登錄後留言。未成為會員? 立即註冊