星期日一場英超比賽，曼聯主場對愛華頓，客軍愛華頓因角球攻勢導致曼聯中堅連迪路夫擺烏龍，最後被格連活特於下半場入球追平，以1-1賽和曼聯。今場焦點除咗愛華頓看守領隊鄧肯費格遜上任後連番於車路士及曼聯身上取分之外，佢喺比賽下半場換入摩斯堅恩再將佢換出，亦成為話題。
當時係比賽70分鐘，愛華頓仍然領先1:0，鄧肯費格遜派出摩斯堅恩 (Moise Kean) 後備上陣，球隊於77分鐘被曼聯追成1:1。89分鐘，鄧肯費格遜竟然將上陣只有19分鐘嘅摩斯堅恩換走，換入另一前鋒奧馬尼亞斯 (Oumar Niasse) 。
當時，摩斯堅恩見到自己被換走顯得相當驚訝，而呢個情況亦的確係十分罕見。可以理解，球員嘅心情一定相當失望，結果佢喺離開草地時拒絕同鄧肯費格遜握手，仲即時返入更衣室，而鄧肯費格遜亦冇即時同球員進行任何溝通。
鄧肯費格遜喺賽後訪問嘅解釋亦非常離奇：「呢個唔係因為摩斯堅恩嘅表現問題，我只係需要換人去浪費時間，我有太多前鋒喺後備席，只係隨便搵個人嚟換，真係唔係佢個人問題。」鄧肯費格遜表示理解摩斯堅恩點解唔開心，話會搵佢傾下計。不過，鄧肯費格遜亦有指出認為摩斯堅恩雖然十分努力，但未能跟上比賽速度，所以決定換入另一人選，又指摩斯堅恩只係19歲，佢會得到其他機會。
19歲嘅摩斯堅恩真係相當運滯，佢本身係祖雲達斯青訓出品，上季把握祖雲達斯輪換機會，於意甲上陣13場射入6球，更乘勢入選意大利大國腳，於國家隊3場入2球。今季轉投愛華頓，原以為可以擔大旗，點知喺愛華頓機會亦唔多，更淪為「攝時間」之選。
Source: Sky Sports、DailyMail、BBC
當時係比賽70分鐘，愛華頓仍然領先1:0，鄧肯費格遜派出摩斯堅恩 (Moise Kean) 後備上陣，球隊於77分鐘被曼聯追成1:1。89分鐘，鄧肯費格遜竟然將上陣只有19分鐘嘅摩斯堅恩換走，換入另一前鋒奧馬尼亞斯 (Oumar Niasse) 。
當時，摩斯堅恩見到自己被換走顯得相當驚訝，而呢個情況亦的確係十分罕見。可以理解，球員嘅心情一定相當失望，結果佢喺離開草地時拒絕同鄧肯費格遜握手，仲即時返入更衣室，而鄧肯費格遜亦冇即時同球員進行任何溝通。
鄧肯費格遜喺賽後訪問嘅解釋亦非常離奇：「呢個唔係因為摩斯堅恩嘅表現問題，我只係需要換人去浪費時間，我有太多前鋒喺後備席，只係隨便搵個人嚟換，真係唔係佢個人問題。」鄧肯費格遜表示理解摩斯堅恩點解唔開心，話會搵佢傾下計。不過，鄧肯費格遜亦有指出認為摩斯堅恩雖然十分努力，但未能跟上比賽速度，所以決定換入另一人選，又指摩斯堅恩只係19歲，佢會得到其他機會。
19歲嘅摩斯堅恩真係相當運滯，佢本身係祖雲達斯青訓出品，上季把握祖雲達斯輪換機會，於意甲上陣13場射入6球，更乘勢入選意大利大國腳，於國家隊3場入2球。今季轉投愛華頓，原以為可以擔大旗，點知喺愛華頓機會亦唔多，更淪為「攝時間」之選。
Source: Sky Sports、DailyMail、BBC
請按此登錄後留言。未成為會員? 立即註冊