俄羅斯禁藥風波已持續多年，2016年起俄羅斯已不斷有田徑運動員被禁止參加奧運、冬季奧運及世界田徑錦標賽等大賽，更被國際田徑總會全面禁止以俄羅斯選手身份參加世界田徑錦標賽，運動員需要以個人身份證明自己未受禁藥影響，然後以中立國選手身份參賽，一旦贏得獎牌，亦唔會播放俄羅斯國家及升起俄羅斯國旗。今次，禁藥風波蔓延至足球等其他項目，耐人尋呼嘅係禁賽項目包括來屆世界盃及奧運，但不包括歐國盃。
世界反禁藥組織 (World Anti-Doping Agency) 於星期一正式宣布，禁止俄羅斯以國家名義於未來4年參與任何「國際大賽」。美聯社及CNN報導指，俄羅斯今年1月向世界反禁藥組織提交新一份運動員藥檢報告，經過調查後被認為涉及造假，因此於委員會上一致通過對俄羅斯全面實施制裁，禁止任何運動員以俄羅斯名義參加國際賽事。
早於2016年，曾經出任俄羅斯反禁藥實驗室負責人嘅Grigory Rodchenkov出面指控俄國主動要求運動員使用藥物，及於藥檢過程中作弊，引發持續至今嘅禁藥風波。俄羅斯於最新一份藥檢報告中被指繼續作弊，結果被全球禁賽。
不過，世界反禁藥組織有關禁賽嘅規定亦值得研究。首先，個別運動員並非完全不能參加賽事，而係必須以個人身份接受調查證明並冇使用禁藥，然後以中立國選手身份出賽。足球方面，世界反禁藥組織禁止俄羅斯參加嘅「國際大賽」包括2020東京奧運、2022卡塔爾世界盃，但2020歐洲國家盃就唔喺「國際大賽」之內 (可能指並非全球賽事)，因此未來4年只可能喺歐國盃上見到俄羅斯足球代表隊嘅蹤影。
另外，美聯社引述世界反禁藥組織指出，俄羅斯國家隊仍然可以繼續參加世界盃外圍賽，不過一旦進入決賽周，而且所有隊員通過藥檢後，就須要更換銜頭為中立隊伍。
Source: AP、CNN、Newyorktimes
世界反禁藥組織 (World Anti-Doping Agency) 於星期一正式宣布，禁止俄羅斯以國家名義於未來4年參與任何「國際大賽」。美聯社及CNN報導指，俄羅斯今年1月向世界反禁藥組織提交新一份運動員藥檢報告，經過調查後被認為涉及造假，因此於委員會上一致通過對俄羅斯全面實施制裁，禁止任何運動員以俄羅斯名義參加國際賽事。
早於2016年，曾經出任俄羅斯反禁藥實驗室負責人嘅Grigory Rodchenkov出面指控俄國主動要求運動員使用藥物，及於藥檢過程中作弊，引發持續至今嘅禁藥風波。俄羅斯於最新一份藥檢報告中被指繼續作弊，結果被全球禁賽。
不過，世界反禁藥組織有關禁賽嘅規定亦值得研究。首先，個別運動員並非完全不能參加賽事，而係必須以個人身份接受調查證明並冇使用禁藥，然後以中立國選手身份出賽。足球方面，世界反禁藥組織禁止俄羅斯參加嘅「國際大賽」包括2020東京奧運、2022卡塔爾世界盃，但2020歐洲國家盃就唔喺「國際大賽」之內 (可能指並非全球賽事)，因此未來4年只可能喺歐國盃上見到俄羅斯足球代表隊嘅蹤影。
另外，美聯社引述世界反禁藥組織指出，俄羅斯國家隊仍然可以繼續參加世界盃外圍賽，不過一旦進入決賽周，而且所有隊員通過藥檢後，就須要更換銜頭為中立隊伍。
Source: AP、CNN、Newyorktimes
請按此登錄後留言。未成為會員? 立即註冊