歐聯分組賽噚晚戰火重燃，熱刺首次於摩連奴帶領下踢歐戰，主場對奧林比亞高斯，雖然一度先落後兩球，但最終連入4球反勝，比賽過程充滿話題，包括摩連奴於上半場29分鐘果斷換走艾歷迪亞，以及球僮反應迅速協助熱刺攻入追平一球。
上半場19分鐘，主隊熱刺已經落後2球，摩連奴痛定思痛，於29分鐘就果斷以艾歷臣入替表現欠佳嘅艾歷迪亞，網上球迷大讚摩連奴大膽換人夠果斷，但對球員嚟講，罕有地上半場都未踢完就因為戰術及表現原因而被換走，難免有所不快。摩連奴就十分保護球員，佢賽後表示，為早段換走艾歷迪亞而向佢道歉，而且喺半場向球員展示關愛嘅一面，而唔係「吹風機」式責備。
另一個關鍵時刻出現喺50分鐘，當時熱刺正落後1-2。熱刺一次反擊中獲得界外球，主場「執波仔」迅速作出反應，張個波拋俾奧利亞，奧利亞隨即向前掉出界外球，乘奧林比亞高斯回防不及，盧卡斯摩拿傳中予哈利簡尼射入，追成2-2平手。
https://i.imgur.com/yX9BOrC.gif
當時如果「執波仔」稍有遲疑、動作慢半拍，奧林比亞高斯已回防得七七八八，入球就出現變數。入球後，摩連奴即時與呢位球僮擊掌慶祝，肯定佢嘅功勞。賽後，摩連奴仲特意再大讚呢位年輕人：「要迅速令個波重回比賽，你需要係一個好好嘅球僮。我10-16歲嘅時候，同佢一樣，都係一個出色嘅球僮。佢可以閱讀球賽形勢，佢唔係得個睇字，佢參與咗豉賽，而且表現得相當出色。
比賽結束後，我嘗試邀請佢到更衣室一齊慶祝，不過佢已經消失咗。」
https://i.imgur.com/vaFgUy6.gif
Source: Sky Sports
上半場19分鐘，主隊熱刺已經落後2球，摩連奴痛定思痛，於29分鐘就果斷以艾歷臣入替表現欠佳嘅艾歷迪亞，網上球迷大讚摩連奴大膽換人夠果斷，但對球員嚟講，罕有地上半場都未踢完就因為戰術及表現原因而被換走，難免有所不快。摩連奴就十分保護球員，佢賽後表示，為早段換走艾歷迪亞而向佢道歉，而且喺半場向球員展示關愛嘅一面，而唔係「吹風機」式責備。
另一個關鍵時刻出現喺50分鐘，當時熱刺正落後1-2。熱刺一次反擊中獲得界外球，主場「執波仔」迅速作出反應，張個波拋俾奧利亞，奧利亞隨即向前掉出界外球，乘奧林比亞高斯回防不及，盧卡斯摩拿傳中予哈利簡尼射入，追成2-2平手。
https://i.imgur.com/yX9BOrC.gif
當時如果「執波仔」稍有遲疑、動作慢半拍，奧林比亞高斯已回防得七七八八，入球就出現變數。入球後，摩連奴即時與呢位球僮擊掌慶祝，肯定佢嘅功勞。賽後，摩連奴仲特意再大讚呢位年輕人：「要迅速令個波重回比賽，你需要係一個好好嘅球僮。我10-16歲嘅時候，同佢一樣，都係一個出色嘅球僮。佢可以閱讀球賽形勢，佢唔係得個睇字，佢參與咗豉賽，而且表現得相當出色。
比賽結束後，我嘗試邀請佢到更衣室一齊慶祝，不過佢已經消失咗。」
https://i.imgur.com/vaFgUy6.gif
Source: Sky Sports
請按此登錄後留言。未成為會員? 立即註冊