靴里拉罕有發聲:「曼聯最重視嘅唔係足球」

睇足365 於 10/11/2019 發表 收藏文章
前曼聯中場靴里拉 (Ander Herrera) 一向有情有義,而且為人比較低調,實行少說話多做事,最近喺一個訪問中透露自己對曼聯嘅觀感,竟然暗暗有批評之意,睇嚟曼聯管理層真係要反省下。


現年30歲嘅靴里拉2014年由畢爾包加盟曼聯,直至今季轉投巴黎聖日耳門。事實上,靴里拉效力曼聯長達5年,為紅魔於英超上陣132次,係佢職業生涯效力最長時間嘅球隊 (不計算青年軍),唔知佢會唔會有恨鐵不成鋼嘅感覺呢?

靴里拉最近接受一個訪問,被問到效力曼聯同巴黎聖日耳門之間嘅分別:

「我好開心可以效力曼聯呢間偉大嘅球會,好多謝球迷對我嘅支持。我喺曼市生活都好開心,不過坦白講,喺球會方面,我有時會覺得球會並冇將足球視為最重要嘅事。」

記者問咁係唔係話曼聯最重視金錢呢?靴里拉就馬上澄清:

「我唔係咁講。我都唔知,不過總之足球就唔係球會最緊張嘅嘢。我都唔係想比較,不過喺巴黎呢度,我覺得足球係無處不在,我喺各方面都呼吸到足球,而且我好鍾意。」

loading


的確,呢個一直係曼聯管理層為人詬病之處,特別係球會副主席兼CEO活華特 (Ed Woodward) 被批評以外行人管內行人,冇將球隊成績放喺首位,而班主格拉沙家族亦關注收益多於成績。

不過,亦有人指出,雖然靴里拉提出對曼聯嘅批評冇人會質疑,但照計PSG亦都一樣。
loading


有球迷就話靴里拉因為熱愛足球所以去PSG做後備,暗諷佢都係為錢。
loading

Source: FFT

留言


請按此登錄後留言。未成為會員? 立即註冊
    快捷鍵:←
    快捷鍵:→