足球場上不時都發生離奇事件，今次嘅事相信好多球迷睇波咁耐都未見過，就係因為球隊嘅後備球員喺場邊熱身時嘅行為，令球隊輸12碼！
事件發生喺一場德乙比賽，由基爾（Holstein Kiel）主場迎戰波琴（VfL Bochum）。主隊基爾早喺開賽9分鐘已經憑韓國翼鋒李在城（Lee Jae-Sung）先開紀錄，領先1－0，可惜有己隊球員「唔生性」。38分鐘，有基爾球員喺己方龍門後面底線進行熱身，此時波琴前鋒簡禾拿（Silvère Ganvoula）起腳攻門斜出，正當門將準備開龍門球、簡禾拿仰天長嘆之際，球證吹響哨子直指12碼點！
原來當個波飛向底線時，熱身球員艾巴雲（Michael Eberwein）喺場邊「多腳」，將個波控返入場區，但就俾VAR發現，艾巴雲觸球一刻個波並未完全出界。原來根據球例第3章第7段，當後備球員或離場球員對比賽造成干擾，球證就要吹停比賽，然後以直接自由球方式重開比賽，因為事件以類似一方犯規嘅方式處理，所以球例亦講明，如果事件發生喺守方禁區，就要判罰12碼，艾巴雲更要被黃牌警告。
德甲官方YouTube Channel都話係"The first-ever Bundesliga penalty caused by a substitute" !
https://youtu.be/EYw4rn_6Rzs
雖然話犯規嘅艾巴雲的確係「唔生性」，做出多餘動作連累球隊輸12碼，但相信場上22名球員都唔清楚原來呢條球例會構成12碼，就連射完波嘅簡禾拿亦冇為意，而且有多於一名基爾球員賽後受訪時都表示冇聽過呢條例，所以話做職業球員一定要熟讀球例。
最終，簡禾拿操刀射入12碼為波琴追平1－1，但基爾仍於下半場再入一球，以2－1擊敗波琴，令結果冇機會上場嘅艾巴雲不至成為輸波罪人，要請隊友食飯啦！
Source: BBC、Bundesliga
事件發生喺一場德乙比賽，由基爾（Holstein Kiel）主場迎戰波琴（VfL Bochum）。主隊基爾早喺開賽9分鐘已經憑韓國翼鋒李在城（Lee Jae-Sung）先開紀錄，領先1－0，可惜有己隊球員「唔生性」。38分鐘，有基爾球員喺己方龍門後面底線進行熱身，此時波琴前鋒簡禾拿（Silvère Ganvoula）起腳攻門斜出，正當門將準備開龍門球、簡禾拿仰天長嘆之際，球證吹響哨子直指12碼點！
原來當個波飛向底線時，熱身球員艾巴雲（Michael Eberwein）喺場邊「多腳」，將個波控返入場區，但就俾VAR發現，艾巴雲觸球一刻個波並未完全出界。原來根據球例第3章第7段，當後備球員或離場球員對比賽造成干擾，球證就要吹停比賽，然後以直接自由球方式重開比賽，因為事件以類似一方犯規嘅方式處理，所以球例亦講明，如果事件發生喺守方禁區，就要判罰12碼，艾巴雲更要被黃牌警告。
德甲官方YouTube Channel都話係"The first-ever Bundesliga penalty caused by a substitute" !
https://youtu.be/EYw4rn_6Rzs
雖然話犯規嘅艾巴雲的確係「唔生性」，做出多餘動作連累球隊輸12碼，但相信場上22名球員都唔清楚原來呢條球例會構成12碼，就連射完波嘅簡禾拿亦冇為意，而且有多於一名基爾球員賽後受訪時都表示冇聽過呢條例，所以話做職業球員一定要熟讀球例。
最終，簡禾拿操刀射入12碼為波琴追平1－1，但基爾仍於下半場再入一球，以2－1擊敗波琴，令結果冇機會上場嘅艾巴雲不至成為輸波罪人，要請隊友食飯啦！
Source: BBC、Bundesliga
請按此登錄後留言。未成為會員? 立即註冊