如果你並收睇星期六英超早場直播賽事——白禮頓對熱刺，睇到賽果時可能會以為自己眼花，因為白禮頓竟然以3-0大擊敗熱刺，而白禮頓由開季至賽前，7場英超比賽攻入5球，其中3球係第一周對屈福特時攻入，之後6場只射入過2球，今仗對身為 "Big 6" 球隊嘅熱刺竟然「大開殺戒」，相信令唔少球評家都跌眼鏡。
周中歐聯主場面對德甲班霸拜仁慕尼黑，熱刺以2-7慘敗，正當以為一眾球員會知恥近乎勇，今仗對白禮頓時會有改善，但結果就完全相反。開賽僅3分鐘，隊長門將洛里斯嚴重失誤，被對手近門射入，自己更喺跌落地時整傷左手，情況嚴重，賽後證實脫骹。上半場未完，白禮頓再由首次正選上陣嘅青訓前鋒干諾利 (Aaron Connolly) 再下一城，領先到2:0；呢位19歲小將喺65分鐘，更射入個人今場第二球，助母會以3-0擊敗熱刺，呢場只係白禮頓今季第二場聯賽勝仗。賽後，熱刺暫時排英超第8位，身後嘅車路士、般尼茅夫及曼聯都有機會喺踢完今輪比賽後超越熱刺。
其實，熱刺嘅頹勢並非今個星期嘅事，佢哋由8月英超開季至今，各項賽事11場只曾贏過3場，對手只係阿士東維拉、水晶宮及修咸頓，上周中更喺聯賽盃爆冷0:0賽和英乙球會高車士打兼互射12碼出局。由於喺歐聯被拜仁攻入七球，熱刺近三場失球數字被「刷數據」至高達11球。單喺英超，佢哋亦8場失12球，並列全英超失波最多前六位。
經過最近兩場更為顯眼嘅失利，普捷天奴「一躍而上」成為「被炒主帥榜」大熱。喺一啲賭博網站上有一項關於下一位被解僱英超領隊嘅注項，普捷天奴喺輸俾白禮頓賽後，SkyBet上嘅賠率已經馬上去到 5/6 (1賠1.83)，成為第一位，高過馬高施華、蘇斯克查、布魯士等。 (註: 有關賠率於午夜已回落至1賠3，成為第二位，馬高施華以1賠2.1升上第一位)
熱刺主帥普捷天奴上任以嚟，風評甚佳，佢任內打起一班熱刺青訓出品或「加工品」，例如當家射手哈利簡尼、迪利亞里、艾歷迪亞等，一度成為英格蘭國家隊大戶以及令旗下球員成為「三獅軍團」骨幹。同時，熱刺自從將摩迪及加利夫巴爾出售到皇家馬德里後，球會開始轉型脫離中小型球會嘅 "selling club" 經營邏輯，透過培養青年球員及留住大部分主力，開始進入陣容相對穩定嘅「收成期」，連續多年衝擊英超前列位置，近四季更全部以前四名完成。
的而且確，熱刺多年嚟仍然與冠軍無緣，上一次取得錦標係2007-08球季奪得聯賽盃冠軍，即係話自普捷天奴2014-15球季上任以嚟，從未奪得過任何錦標，亦成為部分球迷心底裡一直不認可熱刺成為大球會，以及不認可普捷天奴作為一流主帥嘅原因。不過，事實上熱刺美籍班主利維一直對球會投入唔多，而熱刺上一季更因為興建新球場而完全冇任何收購。結果，普捷天奴帶住熱刺歷史性殺入歐聯決賽，最終成為亞軍，再次與獎盃擦身而過。其實，熱刺喺英超時代歷史上最高排名，亦係由普捷天奴喺2016-17球季以亞軍完成聯賽所創造，而佢由修咸頓到熱刺展現俾英超球迷睇到嘅執教能力及重用年輕球員嘅風格，都已經足夠令佢稱得上係一位一流教練。
嚟到2019-20球季，普捷天奴麾下嘅熱刺似乎已經到咗極限，部分球員開始渴望尋求新挑戰 (甚至普捷天奴本人亦有轉會傳聞) ，其中右閘查比亞已轉投馬德里體育會，中場核心艾歷臣轉會不成，一對中堅老拍檔進入合約最後階段，而阿里就時傷時沉，艾歷迪亞低迷已久，直至今仗先首次正選上陣。新加盟嘅賴恩施斯隆及盧些素亦同告受傷，加上隊長洛里斯將會缺陣一段時間，而二號門將加薩寧加表現難予人信心，熱刺嘅頹勢似乎仲會持續。
現今球壇趨勢瞬息萬變，能夠長期執教同一支球隊嘅主帥已經買少見少，同樣「長情」嘅有普捷天奴嘅阿根廷同胞、馬體會主帥施蒙尼，近季亦有進入樽頸嘅勢頭，或者普捷天奴需要轉換新環境，尋求新衝擊，先可以更上一層樓，但邊個比佢更適合執教熱刺？
Source: Sportbible
周中歐聯主場面對德甲班霸拜仁慕尼黑，熱刺以2-7慘敗，正當以為一眾球員會知恥近乎勇，今仗對白禮頓時會有改善，但結果就完全相反。開賽僅3分鐘，隊長門將洛里斯嚴重失誤，被對手近門射入，自己更喺跌落地時整傷左手，情況嚴重，賽後證實脫骹。上半場未完，白禮頓再由首次正選上陣嘅青訓前鋒干諾利 (Aaron Connolly) 再下一城，領先到2:0；呢位19歲小將喺65分鐘，更射入個人今場第二球，助母會以3-0擊敗熱刺，呢場只係白禮頓今季第二場聯賽勝仗。賽後，熱刺暫時排英超第8位，身後嘅車路士、般尼茅夫及曼聯都有機會喺踢完今輪比賽後超越熱刺。
其實，熱刺嘅頹勢並非今個星期嘅事，佢哋由8月英超開季至今，各項賽事11場只曾贏過3場，對手只係阿士東維拉、水晶宮及修咸頓，上周中更喺聯賽盃爆冷0:0賽和英乙球會高車士打兼互射12碼出局。由於喺歐聯被拜仁攻入七球，熱刺近三場失球數字被「刷數據」至高達11球。單喺英超，佢哋亦8場失12球，並列全英超失波最多前六位。
經過最近兩場更為顯眼嘅失利，普捷天奴「一躍而上」成為「被炒主帥榜」大熱。喺一啲賭博網站上有一項關於下一位被解僱英超領隊嘅注項，普捷天奴喺輸俾白禮頓賽後，SkyBet上嘅賠率已經馬上去到 5/6 (1賠1.83)，成為第一位，高過馬高施華、蘇斯克查、布魯士等。 (註: 有關賠率於午夜已回落至1賠3，成為第二位，馬高施華以1賠2.1升上第一位)
熱刺主帥普捷天奴上任以嚟，風評甚佳，佢任內打起一班熱刺青訓出品或「加工品」，例如當家射手哈利簡尼、迪利亞里、艾歷迪亞等，一度成為英格蘭國家隊大戶以及令旗下球員成為「三獅軍團」骨幹。同時，熱刺自從將摩迪及加利夫巴爾出售到皇家馬德里後，球會開始轉型脫離中小型球會嘅 "selling club" 經營邏輯，透過培養青年球員及留住大部分主力，開始進入陣容相對穩定嘅「收成期」，連續多年衝擊英超前列位置，近四季更全部以前四名完成。
的而且確，熱刺多年嚟仍然與冠軍無緣，上一次取得錦標係2007-08球季奪得聯賽盃冠軍，即係話自普捷天奴2014-15球季上任以嚟，從未奪得過任何錦標，亦成為部分球迷心底裡一直不認可熱刺成為大球會，以及不認可普捷天奴作為一流主帥嘅原因。不過，事實上熱刺美籍班主利維一直對球會投入唔多，而熱刺上一季更因為興建新球場而完全冇任何收購。結果，普捷天奴帶住熱刺歷史性殺入歐聯決賽，最終成為亞軍，再次與獎盃擦身而過。其實，熱刺喺英超時代歷史上最高排名，亦係由普捷天奴喺2016-17球季以亞軍完成聯賽所創造，而佢由修咸頓到熱刺展現俾英超球迷睇到嘅執教能力及重用年輕球員嘅風格，都已經足夠令佢稱得上係一位一流教練。
嚟到2019-20球季，普捷天奴麾下嘅熱刺似乎已經到咗極限，部分球員開始渴望尋求新挑戰 (甚至普捷天奴本人亦有轉會傳聞) ，其中右閘查比亞已轉投馬德里體育會，中場核心艾歷臣轉會不成，一對中堅老拍檔進入合約最後階段，而阿里就時傷時沉，艾歷迪亞低迷已久，直至今仗先首次正選上陣。新加盟嘅賴恩施斯隆及盧些素亦同告受傷，加上隊長洛里斯將會缺陣一段時間，而二號門將加薩寧加表現難予人信心，熱刺嘅頹勢似乎仲會持續。
現今球壇趨勢瞬息萬變，能夠長期執教同一支球隊嘅主帥已經買少見少，同樣「長情」嘅有普捷天奴嘅阿根廷同胞、馬體會主帥施蒙尼，近季亦有進入樽頸嘅勢頭，或者普捷天奴需要轉換新環境，尋求新衝擊，先可以更上一層樓，但邊個比佢更適合執教熱刺？
Source: Sportbible
請按此登錄後留言。未成為會員? 立即註冊