喀麥隆傳奇前鋒伊度奧 (Samuel Eto’o) 上星期正式宣布掛靴，結束22年球員生涯。伊度奧曾為喀麥隆國家隊射入56球，仍然係國家隊入球數字紀錄保持者，原來佢嘅囝囝亦已經長大，有機會繼承佢嘅衣缽。
38歲嘅伊度奧育有四名子女，其中囝囝伊天伊度奧 (Étienne Eto’o) 亦係一名足球員。根據報導，U17世界盃將於下月底戰開，喀麥隆U17國家隊於星期五公布最新一期名單，其中一名入選小將正正係伊天伊度奧。
17歲嘅伊天伊度奧並非同齡球員中最鋒芒畢露嘅一群，但亦有一定實力。資料顯示，佢現時效力於西甲球會馬略卡青年軍，司職前鋒並已於開季射入4球，係球隊隊長及現階段神射手。喀麥隆U17今次名單只屬初選名單，不過相信以伊天伊度奧能力，唔難成為決選名單一員。另外，伊天伊度奧於西班牙出生，亦可選擇代表西班牙。
今屆U17世界盃將於10月26日至11月17日喺巴西舉行，喀麥隆被分入E組，同組對手有西班牙、阿根廷及塔吉克斯坦，小組首兩名直接出線，6組中有4支最佳第3名亦可晉級。
另外，伊度奧有位29歲弟弟嘅名字同囝囝相同 (Étienne Eto’o)，伊度奧弟弟亦係於馬略卡B隊出道，但自2012年起已冇落班紀錄。而且，伊度奧本人亦曾效力馬略卡4年，直至轉投巴塞隆拿。
Source: Goal 、BBC
38歲嘅伊度奧育有四名子女，其中囝囝伊天伊度奧 (Étienne Eto’o) 亦係一名足球員。根據報導，U17世界盃將於下月底戰開，喀麥隆U17國家隊於星期五公布最新一期名單，其中一名入選小將正正係伊天伊度奧。
17歲嘅伊天伊度奧並非同齡球員中最鋒芒畢露嘅一群，但亦有一定實力。資料顯示，佢現時效力於西甲球會馬略卡青年軍，司職前鋒並已於開季射入4球，係球隊隊長及現階段神射手。喀麥隆U17今次名單只屬初選名單，不過相信以伊天伊度奧能力，唔難成為決選名單一員。另外，伊天伊度奧於西班牙出生，亦可選擇代表西班牙。
今屆U17世界盃將於10月26日至11月17日喺巴西舉行，喀麥隆被分入E組，同組對手有西班牙、阿根廷及塔吉克斯坦，小組首兩名直接出線，6組中有4支最佳第3名亦可晉級。
另外，伊度奧有位29歲弟弟嘅名字同囝囝相同 (Étienne Eto’o)，伊度奧弟弟亦係於馬略卡B隊出道，但自2012年起已冇落班紀錄。而且，伊度奧本人亦曾效力馬略卡4年，直至轉投巴塞隆拿。
Source: Goal 、BBC
請按此登錄後留言。未成為會員? 立即註冊