一代球王馬勒當拿 (Diego Maradona) 從來都係爭議性十足，球員生涯有「上帝之手」事件，但佢嘅球技又實在係毋庸置疑；退役後，馬勒當拿都多番嘗試執起教鞭，但似乎一個咁我行我素、大癲大肺，甚至不太重視紀律嘅球星，縱然才華洋溢，亦難以成為一名成功嘅主帥。
最近，58歲嘅馬勒當拿賦閒在家，獲得阿根廷甲組聯賽球隊甘拿斯亞 (Gimnasia) 邀請出任主帥，係佢自2010年離任阿根廷國家隊主帥一職後，首次於阿根廷執教。
不過，甘拿斯亞現時處於阿甲榜尾，開季5場不勝，只得1和4負，對馬勒當拿嚟講會唔會係強人所難呢？
事實上，馬勒當拿執教生涯到過世界唔同角落，執教過唔同球隊，無一長久。佢喺1994年初次領軍，喺阿根廷低組別球隊Textil Mandiyú起步，5個月僅取一勝，卻喺2005年獲得執教阿甲傳統勁旅競賽會(Racing Club) 嘅機會，11戰只取得2勝。之後，馬勒當拿冇再教波一段時間，直至2008年獲委任為阿根廷國家隊主帥，出戰2010世界盃，該屆阿根廷於八強出局。及後，馬勒當拿輾轉去過中東教波，又做過一支白俄羅斯球會主席。
要數比較成功，可能係最近喺墨西哥嘅經歷。2018年9月，馬勒當拿獲邀執教墨西哥甲組聯賽球隊多拉多斯 (Dorados de Sinaloa) ，喺佢帶領下，球隊由墨甲榜末分子升到常規賽第7名，可以競逐首階段季後賽，沿路擊敗常規賽第一、二名球隊，殺入決賽。不過球隊雖然喺決賽首回合以1-0取勝，但佢就喺比賽中被逐，次回合只可以喺觀眾席上睇波，最終球隊果然喺次回合被追回總比數3-3，加時反輸4-2飲恨。去到第二階段聯賽，馬勒當拿帶領多拉多斯以第5位完成常規賽，兼再一次殺入季後賽決賽，僅以總比數 1-2 又一次飲恨於聖路易體育會 (Atlético San Luis) 腳下，無緣升班。最終，馬勒當拿宣布辭職，聲稱要進行膝蓋及肩膀手術。
Source: Sky Sports
最近，58歲嘅馬勒當拿賦閒在家，獲得阿根廷甲組聯賽球隊甘拿斯亞 (Gimnasia) 邀請出任主帥，係佢自2010年離任阿根廷國家隊主帥一職後，首次於阿根廷執教。
不過，甘拿斯亞現時處於阿甲榜尾，開季5場不勝，只得1和4負，對馬勒當拿嚟講會唔會係強人所難呢？
事實上，馬勒當拿執教生涯到過世界唔同角落，執教過唔同球隊，無一長久。佢喺1994年初次領軍，喺阿根廷低組別球隊Textil Mandiyú起步，5個月僅取一勝，卻喺2005年獲得執教阿甲傳統勁旅競賽會(Racing Club) 嘅機會，11戰只取得2勝。之後，馬勒當拿冇再教波一段時間，直至2008年獲委任為阿根廷國家隊主帥，出戰2010世界盃，該屆阿根廷於八強出局。及後，馬勒當拿輾轉去過中東教波，又做過一支白俄羅斯球會主席。
要數比較成功，可能係最近喺墨西哥嘅經歷。2018年9月，馬勒當拿獲邀執教墨西哥甲組聯賽球隊多拉多斯 (Dorados de Sinaloa) ，喺佢帶領下，球隊由墨甲榜末分子升到常規賽第7名，可以競逐首階段季後賽，沿路擊敗常規賽第一、二名球隊，殺入決賽。不過球隊雖然喺決賽首回合以1-0取勝，但佢就喺比賽中被逐，次回合只可以喺觀眾席上睇波，最終球隊果然喺次回合被追回總比數3-3，加時反輸4-2飲恨。去到第二階段聯賽，馬勒當拿帶領多拉多斯以第5位完成常規賽，兼再一次殺入季後賽決賽，僅以總比數 1-2 又一次飲恨於聖路易體育會 (Atlético San Luis) 腳下，無緣升班。最終，馬勒當拿宣布辭職，聲稱要進行膝蓋及肩膀手術。
Source: Sky Sports
請按此登錄後留言。未成為會員? 立即註冊