不談政治,只談安危 香港多間球迷會呼籲警察退會:「保障會員人身安全」

睇足365 於 01/09/2019 發表 收藏文章
面對香港近日政治紛爭不斷,好多人話「讓足球遠離政治」,事實上足球喺現實中一直與政治相關,學術圈內更有研究認為足球之所以成為全球極受歡迎嘅運動,與被國家挪用作「國族建構」(Nation-building) 難脫關係,足球場及觀眾席亦係與極權對抗嘅場所。皇家馬德里與巴塞隆拿嘅國家打吡、利物浦與希斯堡慘劇,全部都係政治問題。口裡不斷講「讓足球遠離政治」嘅人,其實已採取另一種立場,極權之下,沒有中立。

(克羅地亞傳奇波班,既談政治,亦談安危,為球迷挺身而出,向警察還擊)

8月31日,警察衝入港鐵車廂無差別攻擊市民,全城震怒。雖然筆者一直認為「你唔搞政治,政治會搞著你」,當你連人身安全、自由都冇嘅時候,仲點睇波傾波經呢?所以既講足球又講政治,又如何?

不過近期事件令到部分並非十分熱衷參與社會運動嘅球迷,亦表示即使不談政治立場問題,都會擔心人身安全問題。「香港車路士官方球迷會」會長今日率先於Facebook上發文,公開呼籲現職警務人員退會,更指會向相關會員無條件退回會費。會長Tommy表明,有關呼籲與政治立場無關,而係「保障各位現職警務人員的會員不會在出席活動時與其他會員發生不愉快事件」,以及「確保所有會員出席活動的人身安全」。

loading


該帖文引起極大迴響,其他球隊嘅球迷亦分享及留言支持,表示「黑白是良知」。「香港利物浦官方球迷會 lfc.org.hk」、「熱刺香港 Lilywhite HK」、「曼城香港 MCFC HK」、「李斯特城香港球迷會 Leicester City HK Fans Club」、「帕爾馬海外球迷會 Parmafansworldwide Greater China」等球迷組織亦為事件發聲,部分亦呼籲警務人員退會。

loading

loading
loading

loading
loading

loading
loading


「阿仙奴香港官方球迷會 - Arsenal Hong Kong Official Supporters Club」管理員早前曾表明會刪除所有與阿仙奴無關帖文,近期不斷有會員分享時事資訊被刪文,更有球迷分享一張身穿阿仙奴球衣市民被警察搜查嘅相片亦遭刪除,一眾球迷相當不滿,今日不斷作洗版式控訴,並決定另起爐灶。

今日下午,「阿仙奴香港官方球迷會 - Arsenal Hong Kong Official Supporters Club」管理員發表聲明:

留言


請按此登錄後留言。未成為會員? 立即註冊
  • p4u7 於 02/09/2019 評論 NO. 1

    本地球會都有出聲明

快捷鍵:←
快捷鍵:→