據報導，26歲國際米蘭前鋒伊卡迪 (Mauro Icardi) 正控告球會對佢作出歧視舉動 ('discriminatory' behaviour ，或稱差別對待)，向國米提出索償150萬歐元，以及要求重返一隊。
伊卡迪已經成為「麻煩友」嘅代名詞，佢不只一次鬧離隊失蹤罷踢，今年一月就曾經再次「發作」，結果以留隊及被褫奪隊長臂章告終。
傳聞國米將會喺今個夏季轉會窗將伊卡迪清洗，但至今仍未成事，伊卡迪嘅太太兼經理人早前就明言佢一定會留效國米。
不過，根據《Sky Sports》報導，伊卡迪正控告國際米蘭對佢存在差別對待，包括將佢排除於宣傳活動、新球衣全體合照，又逼令佢單獨操練。據悉，主帥干地為一隊前鋒安排特別訓練環節，但伊卡迪被排除在外。伊卡迪除要求球會賠償150萬歐元之外，同時要求回歸一隊操練。
國米自干地上任，已接連簽入曼聯前鋒盧卡古及山齊士。意甲首仗，干地安排盧卡古及羅達路馬天尼斯拍檔攻堅，而剛加盟嘅山齊士亦可勝任雙前鋒其中一人，估計伊卡迪留隊亦唔會得到上陣機會。
Source：Sky Sports
伊卡迪已經成為「麻煩友」嘅代名詞，佢不只一次鬧離隊失蹤罷踢，今年一月就曾經再次「發作」，結果以留隊及被褫奪隊長臂章告終。
傳聞國米將會喺今個夏季轉會窗將伊卡迪清洗，但至今仍未成事，伊卡迪嘅太太兼經理人早前就明言佢一定會留效國米。
不過，根據《Sky Sports》報導，伊卡迪正控告國際米蘭對佢存在差別對待，包括將佢排除於宣傳活動、新球衣全體合照，又逼令佢單獨操練。據悉，主帥干地為一隊前鋒安排特別訓練環節，但伊卡迪被排除在外。伊卡迪除要求球會賠償150萬歐元之外，同時要求回歸一隊操練。
國米自干地上任，已接連簽入曼聯前鋒盧卡古及山齊士。意甲首仗，干地安排盧卡古及羅達路馬天尼斯拍檔攻堅，而剛加盟嘅山齊士亦可勝任雙前鋒其中一人，估計伊卡迪留隊亦唔會得到上陣機會。
Source：Sky Sports
請按此登錄後留言。未成為會員? 立即註冊