英格蘭老牌球會保頓 (Bolton Wanderers F.C.) 曾經於英格蘭頂級聯賽征戰74個球季，自2011-12球季由英超降班，開始沉淪之路。2018-19球季，保頓已遇上財困兼降班，今季要到英甲作賽。不過，保頓有可能連英甲都冇得踢。
於2019年初，保頓遇上財困，連續多月未能準時向職球員發放薪金，令「保頓出糧」竟成為新聞標題。最終喺4月份，當時球隊分數上已提前宣布降班，一眾職員及球員仍然未收到3月份薪金，球員為聲援球會職員，發起罷操罷賽，成功逼使球會向一般職員發放3月薪金，但球員自己就未獲出糧，英格蘭職業球員工會 PFA 宣布支持保頓球員發起工業行動。結果，英格蘭聯賽會下令，保頓必須盡一切可能安排合資格球員 (如U18球員)，完成餘下兩場聯賽，安排額後進行，並且將會就保頓違反紀律而作出聆訊。
與此同時，球會發表聲明指已獲得潛在未來班主Laurence Bassini同意接手注資球隊，但球會暫時未收到所需資金。呢位曾經兩次宣布破產、兼被禁止參與足球活動三年嘅前屈福特班主，就指責時任班主 Ken Anderson 管理不善及拖延賣盤手續。
2019-20球季英甲早已開始，而保頓因為要被聯賽會接管，未踢比賽已先扣12分起步，同時一直未完成賣盤，因此大部分一隊球員已離隊。拎住與散班無異嘅陣容，加上極度低迷嘅士氣，保頓開季4戰僅得1分，積分為-11，而主帥Phil Parkinson及助手Steve Parkin都於上星期請辭。
英格蘭聯賽會於星期六發表聲明，指賽會對於保頓亂局感到沮喪，現時只面對「持續矛盾的資料及未完成的交易」，賽會其實已於5月接管時向保頓發出 "Notice of Withdrawal" 退會通知，緩刑執行，賽會警告如英國時間星期二17:00前事情未得到解決，將會撤銷緩刑指令，即馬上終止保頓於聯賽會嘅會籍，逐出英格蘭聯賽系統 (包含英冠、英甲及英乙) 。
另外，保頓-11分仍然低處未算低，因為貝利同樣以財政問題被扣12分開始，但佢哋至今仍未獲安排比賽，因此積分仍然係-12。據報導，貝利同樣要於星期二17:00前覓得新班主。
Source: talksport、the Guardian
於2019年初，保頓遇上財困，連續多月未能準時向職球員發放薪金，令「保頓出糧」竟成為新聞標題。最終喺4月份，當時球隊分數上已提前宣布降班，一眾職員及球員仍然未收到3月份薪金，球員為聲援球會職員，發起罷操罷賽，成功逼使球會向一般職員發放3月薪金，但球員自己就未獲出糧，英格蘭職業球員工會 PFA 宣布支持保頓球員發起工業行動。結果，英格蘭聯賽會下令，保頓必須盡一切可能安排合資格球員 (如U18球員)，完成餘下兩場聯賽，安排額後進行，並且將會就保頓違反紀律而作出聆訊。
與此同時，球會發表聲明指已獲得潛在未來班主Laurence Bassini同意接手注資球隊，但球會暫時未收到所需資金。呢位曾經兩次宣布破產、兼被禁止參與足球活動三年嘅前屈福特班主，就指責時任班主 Ken Anderson 管理不善及拖延賣盤手續。
2019-20球季英甲早已開始，而保頓因為要被聯賽會接管，未踢比賽已先扣12分起步，同時一直未完成賣盤，因此大部分一隊球員已離隊。拎住與散班無異嘅陣容，加上極度低迷嘅士氣，保頓開季4戰僅得1分，積分為-11，而主帥Phil Parkinson及助手Steve Parkin都於上星期請辭。
英格蘭聯賽會於星期六發表聲明，指賽會對於保頓亂局感到沮喪，現時只面對「持續矛盾的資料及未完成的交易」，賽會其實已於5月接管時向保頓發出 "Notice of Withdrawal" 退會通知，緩刑執行，賽會警告如英國時間星期二17:00前事情未得到解決，將會撤銷緩刑指令，即馬上終止保頓於聯賽會嘅會籍，逐出英格蘭聯賽系統 (包含英冠、英甲及英乙) 。
另外，保頓-11分仍然低處未算低，因為貝利同樣以財政問題被扣12分開始，但佢哋至今仍未獲安排比賽，因此積分仍然係-12。據報導，貝利同樣要於星期二17:00前覓得新班主。
Source: talksport、the Guardian
請按此登錄後留言。未成為會員? 立即註冊