阿仙奴今個夏天已簽入多名球員，其中前車路士中堅大衛雷斯嘅加盟，勢必令到一直備受批評嘅梅斯達菲於陣中再無位置。阿仙奴主帥艾馬利就透露，已經建議梅斯達菲及中場艾蘭尼離隊他投。
兵工廠雖然有原隊長哥斯尼離隊，但簽入大衛雷斯後，加上張伯斯外借回歸、傷兵兼年輕球員賀定及馬夫路班路斯，中堅位置已有6名球員，而左閘老將亦可勝任三中堅嘅左中堅位置。早前曾有球迷笑言，梅斯達菲嘅防守數據比以天價加盟曼聯嘅麥佳亞稍勝，但其實阿仙奴球迷早已對梅斯達菲冒失嘅表現深感不滿，如何明顯睇漏對手、失位等等表現，未必全部都可以喺數據上反映。
艾馬利亦睇得出梅斯達菲嘅問題，今季暫時兩場英超比賽，阿仙奴嘅中堅組合喺第一場係張伯斯+柏柏斯達夫普路斯 (簡稱Papa) ，而第二場就係Papa + 大衛雷斯，無傷無病嘅梅斯達菲兩場都不入大名單，可見艾馬利已決意全面棄用梅斯達菲。如果只係作為第四名中堅，倒不如等待賀定及馬夫路班路斯兩名有潛質嘅年輕球員傷癒。
另一方面，埃及中場艾蘭尼加盟以來勤力有餘，表現不過不失，但亦可稱為平庸，現時中場要有防守覆蓋能力嘅，有托利拉；要技術，有施巴路斯；要活力，有小將韋洛克，值得一提嘅係此子今季兩場英超全部正選上陣。
職業足球世界，離離合合都係平常事。艾馬利就表示，已清楚向兩名球員表明留隊上陣機會不大，建議佢哋離隊他投：「我哋有一啲球員唔會得到上陣機會，而佢哋亦已經了解自己嘅處境，例如係梅斯達菲同艾蘭尼。
我希望球員喺球會過得開心，希望佢哋會成為主角。好似上季咁，梅斯達菲同艾蘭尼冇得上陣嘅時候，佢哋會唔開心。
我舊年都同佢哋傾過好多次，我認為離隊對佢哋嚟講係正面嘅事，佢哋可以去其他球隊做主角，可以開心咁樣繼續佢哋嘅職業生涯。
佢哋都係好球員，但喺一啲情況之下，佢哋會得到較少機會去證明自己或者冇咁多機會同我哋一齊享受比賽。
佢哋已經明白呢個處境，我祝福佢哋嘅前程，希望佢哋可以去到一個可以做主角嘅球隊，接受新挑戰。我好尊重佢哋，佢哋而家仍然留隊訓練，我只能祝福佢哋。」
Source: Sky Sports
兵工廠雖然有原隊長哥斯尼離隊，但簽入大衛雷斯後，加上張伯斯外借回歸、傷兵兼年輕球員賀定及馬夫路班路斯，中堅位置已有6名球員，而左閘老將亦可勝任三中堅嘅左中堅位置。早前曾有球迷笑言，梅斯達菲嘅防守數據比以天價加盟曼聯嘅麥佳亞稍勝，但其實阿仙奴球迷早已對梅斯達菲冒失嘅表現深感不滿，如何明顯睇漏對手、失位等等表現，未必全部都可以喺數據上反映。
艾馬利亦睇得出梅斯達菲嘅問題，今季暫時兩場英超比賽，阿仙奴嘅中堅組合喺第一場係張伯斯+柏柏斯達夫普路斯 (簡稱Papa) ，而第二場就係Papa + 大衛雷斯，無傷無病嘅梅斯達菲兩場都不入大名單，可見艾馬利已決意全面棄用梅斯達菲。如果只係作為第四名中堅，倒不如等待賀定及馬夫路班路斯兩名有潛質嘅年輕球員傷癒。
另一方面，埃及中場艾蘭尼加盟以來勤力有餘，表現不過不失，但亦可稱為平庸，現時中場要有防守覆蓋能力嘅，有托利拉；要技術，有施巴路斯；要活力，有小將韋洛克，值得一提嘅係此子今季兩場英超全部正選上陣。
職業足球世界，離離合合都係平常事。艾馬利就表示，已清楚向兩名球員表明留隊上陣機會不大，建議佢哋離隊他投：「我哋有一啲球員唔會得到上陣機會，而佢哋亦已經了解自己嘅處境，例如係梅斯達菲同艾蘭尼。
我希望球員喺球會過得開心，希望佢哋會成為主角。好似上季咁，梅斯達菲同艾蘭尼冇得上陣嘅時候，佢哋會唔開心。
我舊年都同佢哋傾過好多次，我認為離隊對佢哋嚟講係正面嘅事，佢哋可以去其他球隊做主角，可以開心咁樣繼續佢哋嘅職業生涯。
佢哋都係好球員，但喺一啲情況之下，佢哋會得到較少機會去證明自己或者冇咁多機會同我哋一齊享受比賽。
佢哋已經明白呢個處境，我祝福佢哋嘅前程，希望佢哋可以去到一個可以做主角嘅球隊，接受新挑戰。我好尊重佢哋，佢哋而家仍然留隊訓練，我只能祝福佢哋。」
Source: Sky Sports
請按此登錄後留言。未成為會員? 立即註冊